Matewu 15:24 - Siswati 1996 Bible

²⁴ Jesu waphendvula watsi: “Angikatfunyelwa kulomunye umuntfu, kuphela etimvini letilahlekile letingema-Israyeli.”

Matewu 15:24 Cross References

Isaya 53:6

Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.

Hezekeli 34:16

Ngiyakutifuna letilahlekile, naletedukile ngitibuyise. Letilimele ngiyawutibopha emanceba, ngiticinise emadvolo letibutsakatsaka, kodvwa letesulekile naleticinile ngiyawutibhubhisa. Ngiyakwelusa umhlambi ngemtsetfocotfo.

Hezekeli 34:23

Ngiyawubeka etikwato umelusi abe munye, inceku yami Davide, yena uyawutinakekela; uyakuba ngumelusi wato, atinakekele.

Matewu 15:23

Kodvwa Jesu akazange amphendvule. Bafundzi bakhe base basondzela kuye batsi: “Mcoshe lomfati! Ngobe nangu solomane uyasilandzela uyakhala.”

Matewu 18:11

“Ngobe iNdvodzana yeMuntfu itele kusindzisa lokulahlekile.]

Matewu 9:36

Nabona ticumbi tebantfu, inhlitiyo yakhe yagcwala sihawu, ngobe bebakhatsatekile bahlakatekile, banjengetimvu letite umelusi.

Imisebenti yebaPhostoli 13:46

Kepha boPawula naBhanabasi bakhuluma ngesibindzi batsi: “Bekufanele kutsi livi leNkhosi likhulunywe kini kucala. Kepha njengobe ningalifuni, ningaticabangeli nine kutsi nifanelwe kuphila kwaphakadze, bhekani-ke sesiyanishiya siya kubetive.

KubaseRoma 15:8

Nginitjela kutsi Khristu waba sisebenti sebekusoka, khona atewubonakalisa buciniso baNkulunkulu ngekugcwalisa tetsembiso taNkulunkulu kubokhokho,