Matewu 15:22 - Siswati 1996 Bible

²² Umfati labengumKhenani wakuyo leyo ndzawo weta kuJesu akhala atsi: “Ngihawukele, Nkhosi! Ndvodzana yaDavide! Indvodzakati yami iphetfwe lidimoni kabi.”

Matewu 15:22 Cross References

Tihlabelelo 4:1

Ngiphendvule nangikhala kuwe, wena Nkulunkulu ukulunga kwami. Ekucindzetelweni kwami uyangikhulula; ngihawukele, ukwemukele kuncenga kwami.

Tihlabelelo 45:12

Wena, ndvodzakati yaseThire, tingcunga tiyawutincengela kuwe ngekukuletsela tipho.”

Tihlabelelo 6:2

Ngihawukele, Simakadze, ngobe sengidzangele, sengikhatsele, ngiphilise, Simakadze, ngobe ematsambo ami ayatfutfumela.

Hezekeli 3:6

hhayi etiveni letinyenti letinelulwimi lolungacondzakali nalolulukhuni, naletikhuluma emavi longeke uwacondze. Nembala kube bengikutfumele kuto, betitakulalela.

Matewu 1:1

Lona ngumlandvo wekutalwa kwaJesu Khristu, labesitukulwane saDavide, naye abesitukulwane sa-Abrahama.

Matewu 15:23

Kodvwa Jesu akazange amphendvule. Bafundzi bakhe base basondzela kuye batsi: “Mcoshe lomfati! Ngobe nangu solomane uyasilandzela uyakhala.”

Matewu 17:15

yatsi: “Nkhosi, hawukela indvodzana yami, ngobe inesitfutfwane, ihlupheka kabi, iwela futsi emlilweni nasemantini.

Matewu 4:24

Ludvumo ngaye lwandza nalo lonkhe laseSiriya, kangangekutsi kwaletfwa kuye bonkhe bantfu lababegula, baphetfwe tinhlobonhlobo tekufa, nalababekhatsatwe tinhlobonhlobo tetinhlupheko: lababenemadimoni, nalababenesitfutfwane, nalababefe tinhlangotsi; Jesu wabaphilisa bonkhe.

Matewu 9:27

Jesu asendlula lapho, timphumphutse letimbili tamlandzela, timemeta titsi: “Ndvodzana yaDavide! Sihawukele!”

Lukha 17:13

amemeta atsi: “Nkhosi Jesu, sihawukele.”

Lukha 18:13

“Kodvwa umtselisi eme khashane akazange abhekise ngisho nebuso bakhe ezulwini, kepha ngekutisola wathandaza watsi: ‘Nkulunkulu, ngihawukele mine soni!’ ”

Lukha 6:18

Babetele kutamlalela nekutawuphiliswa; labo bebahlushwa ngimimoya lemibi babephiliswa.