Matewu 13:47 - Siswati 1996 Bible

⁴⁷ “Futsi umbuso welizulu ufanana nelinetha lelafakwa elwandle, labutsa tonkhe tinhlobo tetinhlanti.

Matewu 13:47 Cross References

Hezekeli 47:10

Badwebi betinhlanti bayawukuma lugele lapha elusentseni; kusukela e-Eni Gedi kuye e-Eni Eglayimu kuyawuba netindzawo tekwendlala emanetha. Letinhlanti kuyawuba tinhlobonhlobo, letingangetetinhlanti taseLwandle Lolukhulu tibe tinyenti.

Matewu 13:44

“Umbuso welizulu ufanana nemcebo lofihlwe ensimini. Kwenteka indvodza yawutfola, yabuye yawugcibedzela. Yajabula kangangekuba yahamba yayawutsengisa ngako konkhe leyayinako yancandzeka, yayawutsenga leyo nsimi.”

Matewu 13:46

Watsi kube alitfole lelinye lawo lelalidule kakhulu, wase uyahamba wayawutsengisa ngako konkhe lanako, wabuyela wayawulitsenga.”

Matewu 13:48

Latsi nase ligcwele, badwebi balidvonsela elusentseni lwelwandle bahlala phansi, behlukanisa letinhlanti. Letinhle batifaka etitjeni, kwatsi letimbi batilahla.

Matewu 4:19

Jesu watsi kubo: “Ngilandzeleni, ngitawunenta badwebi bebantfu.”

Makho 1:17

Jesu watsi kubo: “Ngilandzeleni, ngitawunenta nibe badwebi bebantfu.”

Lukha 5:10

Kwaba ngiso sona leso nakuboJakobe naJohane, emadvodzana aZebedi. Jesu watsi kuSimoni: “Ungesabi, kusukela nyalo sewutawudweba bantfu.”

Johane 15:2

Onkhe emagala lakimi langatseli titselo uyawajuba. Onkhe emagala latsela titselo uyawatsena, kuze atewutsela kakhulu.

Johane 15:6

Umuntfu longahlali kimi, uyawulahlwa ngephandle njengeligala, abune, ome, kufike bantfu batfote lamagala bayekuwabasa emlilweni, lapho afike ashe khona.

Imisebenti yebaPhostoli 20:30

Emkhatsini wenu kuyawuvela bantfu labayawufundzisa lokuphambene neliciniso badvonse emakholwa lamanyenti alandzele bona.

1 kubaseKorinthe 11:19

Ngobe vele kubhekekile kutsi kube khona kwehlukana emkhatsini wenu, kuze kutsi labetsembekile babonakale.

2 kubaseKorinthe 11:26

Eluhambeni lwami ngabasetingotini temifula, nasetingotini tetigelekece, nasetingotini kubantfu bakitsi, nasetingotini kubetive, nasetingotini tasemadolobheni, nasetingotini temaphandleni, nasetingotini telwandle, nasetingotini kubazalwanembumbulu.

KubaseGalathiya 2:4

Kodvwa bazalwanembumbulu labaletfwa ngasese, bangena ngekunyelela emkhatsini wetfu, batinhloli tenkhululeko yetfu lesinayo kuKhristu Jesu, khona batesenta tigcili.

Sembulo 3:1

“Bhalela ingilosi yelibandla laseSadesi utsi: “ ‘Nali livi leliphuma kuye lonemimoya yaNkulunkulu lesikhombisa, netinkhanyeti letisikhombisa utsi: Ngiyayati imisebenti yakho; unelibito lekutsi uyaphila, kantsi ufile.