Matewu 13:46 - Siswati 1996 Bible

⁴⁶ Watsi kube alitfole lelinye lawo lelalidule kakhulu, wase uyahamba wayawutsengisa ngako konkhe lanako, wabuyela wayawulitsenga.”

Matewu 13:46 Cross References

Taga 2:4

kufunisise njengesiliva, ukumbe njengemcebo lofihliwe.

Isaya 33:6

Utawuba sisekelo sakho lesingusonasona ngawo onkhe emalanga akho, abe lifa lakho lensindziso, nelekuhlakanipha, nelwati. Kwesaba Simakadze kungumcebo wakhe.

Matewu 13:44

“Umbuso welizulu ufanana nemcebo lofihlwe ensimini. Kwenteka indvodza yawutfola, yabuye yawugcibedzela. Yajabula kangangekuba yahamba yayawutsengisa ngako konkhe leyayinako yancandzeka, yayawutsenga leyo nsimi.”

Matewu 13:45

“Futsi umbuso welizulu ufanana nemtsengi labefuna ematje laligugu lelikhulu.

Matewu 13:47

“Futsi umbuso welizulu ufanana nelinetha lelafakwa elwandle, labutsa tonkhe tinhlobo tetinhlanti.

Imisebenti yebaPhostoli 20:24

Kepha ngikhandza kutsi imphilo yami ayisho lutfo kimi, nangabe nje ngingaphumisela indzima yami ngicedze nemsebenti lengawunikwa yiNkhosi Jesu, wekutsi ngifakaze ngeliVangeli lemusa waNkulunkulu.

KubaseGalathiya 6:14

Kodvwa akube khashane nami kutigabatisa ngaphandle kwesiphambano seNkhosi yetfu Jesu Khristu; ngesiphambano sakhe live lifile kimi, nami ngifile kulo.

Kubase-Efesu 3:8

Mine, nome ngingulomncane kunabo bonkhe labangcwele, ngaphiwa lowo musa wekushumayela kubetive liVangeli lemcebo waKhristu longenawuphenyeka.

KubaseKholose 2:3

Kuye kutfukuswe emagugu onkhe ekuhlakanipha newekwati.

Sembulo 18:12

imphahla yegolide, neyesiliva, neyematje ladulile, neyemapharele, neyelineni lecolisakele, nalebubendze, neyesilika, nalebovu, neyato tonkhe tihlahla temakha, naletentiwe ngematinyo etindlovu, nato tonkhe letilitfusi, netensimbi, netemabuli,

Sembulo 21:21

Lamasango lali-12 bekungemapharele lali-12; lelo nalelo sango lalakhiwe ngelipharele linye. Umgwaco walelo khaya bewuyigolide lecwebile lenjengengilazi lekubonakala ngale kwayo.