Matewu 13:43 - Siswati 1996 Bible

⁴³ Lapho bantfu baNkulunkulu bayawukhanya njengelilanga embusweni weYise. “Lalelani-ke, naninendlebe yekuva.”

Matewu 13:43 Cross References

Eksodusi 34:35

Ema-Israyeli abebona kutsi buso baMosi buyakhatimula, ngako Mosi abebumbonya ngendvwangu lobuso bakhe, aze aphindze angene kuyawukhuluma naSimakadze.

Danyela 12:3

Labo labahlakaniphile bayawucwebetela njengekumanyatela kwemazulu, nalabo labaholele labanye ekulungeni, bakhanye njengetinkhanyeti kuze kube nguphakadze naphakadze.

Matewu 11:15

Lowo lonendlebe yekuva akeve.

Matewu 25:34

“Lapho-ke iNkhosi iyawutsi kulabo labangesekudla sayo: ‘Wotani, nine lenibusiswe nguBabe! Wotani nitewudla lifa lembuso, lenawulungiselelwa seloku kwasekelwa umhlaba.

Matewu 25:36

ngangingcunu, nangigcokisa; ngangigula, nangivakashela; ngangisejele, neta kimi.’

Matewu 26:29

Kepha ngitsi kini: Kusukela lamuhla angisayiwunatsa kulesitselo semvini, kuyawudzimate kufike lelo langa lengiyakusinatsa ngalo nani sesisisha embusweni waBabe.”

Makho 4:23

Lonendlebe yekuva akeve.”

Lukha 12:32

“Ningesabi, mhlambi lomncane, ngobe uYihlo utfokotela kona kutsi aninike umbuso.

Lukha 22:29

njengobe Babe anginikile ligunya lekubusa, nami-ke ngitaninika lona.

1 kubaseKorinthe 15:58

Ngako-ke, bazalwane bami labatsandzekako, banini ngulabasimile labangaceki, nikhutsale emsebentini weNkhosi ngaso sonkhe sikhatsi, nati kutsi kusebenta kwenu akusilo lite eNkhosini.

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?