Matewu 13:33 - Siswati 1996 Bible

³³ Waphindze wabatjela lomunye umfanekiso watsi: “Umbuso welizulu ufanana nembiliso leyatsatfwa ngumfati wayibhica nemabinta lamatsatfu emphuphu, kwabila konkhe.”

Matewu 13:33 Cross References

Genesisi 18:6

Abrahama waphutfuma ethendeni kuSara, watsi: “Sheshisa utsatse emabinta lamatsatfu afulaha uyibhuce, wente emacebelengwane.”

2 Samuweli 13:6

Ngako Amnoni watigulisa, wahamba wayawulala embhedzeni. Watsi Davide, inkhosi, nasefikile kutamvusela, Amnoni wakhuluma kuye watsi: “Ngicela kute dzadzewetfu Thamari, atengentela emacebelengwane lamabili ngikhona, ngimbuka, khona ngitekudla loko latanginika kona ngesandla sakhe.”

Jobe 17:9

Noko, labangcwele batawubambelela etindleleni tabo, nalabo labatandla tabo tingenacala lalutfo batawuchubeka babe nemandla lamasha.

Taga 4:18

Kodvwa indlela yalabalungile ifanana nekukhanya kwentsatsakusa, lokuya ngekuya kuze kube ngusemini.

Hoseya 6:3

Asimhloniphe Simakadze, sitimisele nekumnaka. Impela, njengobe kucinisekile kutsi lilanga liphuma ekuseni, kanjalo naye uyachamuka ete kitsi njengetimvula tasebusika, nanjengetimvula tasentfwasahlobo letinisela umhlaba.”

Matewu 13:24

Lomunye umfanekiso lawubeka utsi: “Umbuso welizulu ufanana nendvodza leyahamba yayawuhlanyela inhlanyelo lenhle ensimini yayo.

Makho 13:20

Kube futsi Nkulunkulu abengakawafinyeti lawo malanga, kute namunye labeyawusindziswa; kodvwa ngenca yalabakhetfwe nguye wawafinyeta lawo malanga.

Lukha 13:21

Ngingawufanisa nembiliso leyatsatfwa ngumfati wayihlanganisa nemabinta lamatsatfu afulaha, yakhukhumuka lenhlama.”

Johane 15:2

Onkhe emagala lakimi langatseli titselo uyawajuba. Onkhe emagala latsela titselo uyawatsena, kuze atewutsela kakhulu.

KubaseGalathiya 5:9

Khumbulani naku: “Sibiliso lesincane nje lesibilisa yonkhe inhlama.”

KubaseFiliphi 1:6

Nginelitsemba leliphelele kutsi lowo lowacala umsebenti lomuhle kini, uyakuwufeza kuze kube lilanga laKhristu Jesu.

KubaseFiliphi 1:9

Ngikhulekela loku kutsi lutsandvo lwenu lukhule njalo ekwatini nasekucondzeni konkhe,

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.

Tikhulu 6:19

Gideyoni wangena, walungisa lizinyane lembuti, wenta emacebelengwane labengenambiliso ngemphuphu lecolisakele leyayingemakhilogremu labengaba lishumi. Wafaka inyama ebhasikidini, nemhluti wayo ebhodweni, konkhe wakukhipha wakuletsa wakunikela kuye ngaphansi kwaleso sihlahla se-okhi.

1 Samuweli 1:24

Watsi kube amlumule, Hana wamtsatsa lomfana asemncane, wahamba naye, watsatsa nenkunzi leyayineminyaka lemitsatfu budzala, nemphuphu leyayingemakhilogremu labengaba lishumi, nesikhumbasikhwana lesasigcwele liwayini, waya endlini yaSimakadze eShilo.