Matewu 13:20 - Siswati 1996 Bible

²⁰ Kuhlanyelwa kwenhlanyelo emhlabatsini losemadvwaleni kusho labo labalivako livi lembuso balemukele masinyane ngekujabula.

Matewu 13:20 Cross References

2 Tikhronike 24:14

Batsi nase bacedze wonkhe lomsebenti, base bamikisa lemali leyayisele enkhosini nakuJehoyada; ngaleyo mali kwakhiwa timphahla tasethempelini laSimakadze: tintfo tekukhonta neteminikelo yekushiswa, netingwembe, naletinye nje tintfo letatakhiwe ngegolide nangesiliva. Ngaso sonkhe sikhatsi sekuphila kwaJehoyada iminikelo yekushiswa yayetfulwa njalo nje ethempelini laSimakadze.

2 Tikhronike 24:2

Jowashi wenta lokuhle emehlweni aSimakadze ngaso sonkhe sikhatsi semphristi Jehoyada.

2 Tikhronike 24:6

Ngako inkhosi yabita Jehoyada, umPhristi Lomkhulu, yatsi kuye: “Awukawatjeli ngani emaLevi kutsi aletse umtselo lophuma kaJuda naseJerusalema lowasungulwa nguMosi, inceku yaSimakadze, kanye nenhlanganiso yema-Israyeli kutsi ube welithende lebufakazi?”

Isaya 58:2

Ngobe bangifuna onkhe emalanga, babonakala shangatsi banenshisekelo yekwati tindlela tami, kube shangatsi basive lesenta lokulungile, lesingakayishiyi imiyalo yaNkulunkulu waso. Babuta kimi tehlulelo leticotfo, babonakale shangatsi bashisekela kutsi Nkulunkulu asondzele kubo.

Matewu 13:19

Bantfu labatsi nabeva livi lembuso kepha bangete balicondza, bayaye befikelwe nguLomubi, abemuke loko bekuhlanyelwe etinhlitiyweni tabo: loko-ke kusho inhlanyelo leyayihlanyelwe endleleni.

Matewu 13:21

Kepha ngekubate timphandze letijulile etinhlitiyweni tabo, bahlala sikhashana nje. Kutsi kungavela tinhlupheko nome kutingelwa ngenca yelivi, bese bahlubuka masinyane.

Matewu 7:8

Ngobe wonkhe locelako uyakuphiwa, nalofunako uyatfola, nalonconcotsako uyavulelwa.

Makho 6:20

Herodi bekamesaba Johane amati kahle kutsi ungumuntfu lolungile nalongcwele, ngako-ke abemvikela. Abetsi, nakamuva akhuluma, adzidzeke, noko ajabulele kumlalela.

Johane 5:35

Yena-ke abesibane lesivutsako nalesikhanyako, nine-ke benitimisele kujabula kwesikhashana ekukhanyeni kwakhe.

Imisebenti yebaPhostoli 8:13

NaSimoni matfupha wakholwa; emvakwekubhajatiswa kwakhe wahlala njalo asedvute kwaFiliphu, wamangala nakabona letimanga letinkhulu kanye netibonakaliso labetenta.