Matewu 13:11 - Siswati 1996 Bible

¹¹ Wabaphendvula watsi: “Nine ninikiwe lwati lwetimfihlakalo tembuso welizulu, kodvwa bona abakanikwa.

Matewu 13:11 Cross References

Tihlabelelo 25:14

Timfihlakalo takhe, Simakadze, utinika labamesabako, abafundzise kwati sivumelwane sakhe.

Isaya 29:10

Simakadze wehlisele etikwenu butfongo lobukhulu: Uwavalile emehlo enu, baphrofethi, utimbonyile tinhloko tenu, baboniswa.

Isaya 29:11

Kini wonkhe nje lombono awusilo lutfo, ngaphandle kwemagama nje lavalelwe encwadzini legocotwako. Naninika lomunye, lokwatiko kufundza, lencwadzi legocotwako, nitsi: “Fundza naku, tsine,” uyawuphendvula atsi: “Ngingeke ngikhone, ivaliwe yananyatsiselwa.”

Isaya 35:8

Kuyawuba khona umgwaco lomkhulu lapho, uyawubitwa ngekutsi Yindlela Yebungcwele. Labangcolile ngeke bahambe ngawo, uyakuba walabo labahamba ngawo lomgwaco, tilima letikhohlakele ngeke tihambahambe ngawo.

Matewu 13:10

Kwase kufika bafundzi bakhe kuye batsi: “Ukhulumelani kubo ngemifanekiso?”

Matewu 16:17

Jesu waphendvula watsi kuye: “Ubusisiwe wena Simoni waJohane, ngobe loko awukakwembulelwa ngumuntfu kepha nguBabe losezulwini.

Matewu 19:11

Kepha watsi kubo: “Akusibo bonkhe labangalemukela lelivi, ngaphandle kwalabo labakuphiwe.

Matewu 20:23

Jesu watsi: “Yebo-ke, nitayinatsa leyo ndzebe, kantsi kuhlala ngesekudla sami nangesancele akusiko kwami kutsi ngephane ngako, kodvwa kwalabo labakulungiselelwe nguBabe.”

Makho 10:40

Kodvwa tikhundla tekuhlala ngesekudla nome ngesancele sami akusiko kwami kutsi ngephane ngato; kodvwa talabo labalungiselelwe tona nguNkulunkulu.”

Makho 4:11

Waphendvula watsi: “Nine niphiwe imfihlakalo yembuso waNkulunkulu, kodvwa laba labangephandle konkhe bakutfola ngemifanekiso,

Lukha 8:10

Wabatjela watsi: “Nine niphiwe lwati lwetimfihlakalo tembuso waNkulunkulu, kodvwa kulabanye kushunyayelwa ngemifanekiso, kuze batsi bayabona kodvwa bangabonisisi, batsi bayeva kantsi abevisisi kahle.”

Johane 6:65

Wachubeka watsi: “Ngiko nje ngitsite kini: Kute longeta kimi, nangakakuphiwa nguBabe.”

Johane 7:17

Umuntfu nakatsandza kwenta intsandvo yaNkulunkulu utakwati ngalemfundziso yami, nome iphuma kuNkulunkulu, nome ngitikhulumela kwami nje.

Imisebenti yebaPhostoli 16:14

Lomunye walabo lowasilalela nguLidiya, waseThiyathira, umtsengisi wetingubo letibukhwebeletane; abengumfati losikhonti saNkulunkulu. INkhosi yavula inhlitiyo yakhe kuze eve emukele loko lokwakukhulunywa nguPawula.

KubaseRoma 11:25

Bazalwane, ngitsandza kutsi niyati lemfihlakalo yeliciniso; ngobe naningayati, ningahle nicabange kutsi nihlakaniphile. Lemfihlakalo kutsi labanye bema-Israyeli behlelwa bulukhuni khona kutewutsi betive bahlunyeleliswe ngalokuphelele.

KubaseRoma 16:25

Asimdvumise Nkulunkulu! Nguye lonemandla ekunicinisa ngeliVangeli lami nangetinshumayelo ngaJesu Khristu, ngekwesembulo semfihlakalo yeliciniso lelalifihlakele kusukela phakadze,

1 kubaseKorinthe 13:2

Nome ngingaphrofetha ngati timfihlakalo tonkhe, nelwati lonkhe, nome nginekukholwa lokukhulu kangangekutsi ngingasusa tintsaba, kepha nangite lutsandvo, angisiyontfo yalutfo.

1 kubaseKorinthe 15:51

Lalelani, nginitjele imfihlakalo: Asite safa sonkhe, noko siyawuguculwa sonkhe

1 kubaseKorinthe 2:14

Umuntfu wemvelo akakwemukeli lokukwaMoya, ngobe kubulima kuye, futsi angeke akuve, ngobe kuphenyisiswa ngaMoya.

1 kubaseKorinthe 2:7

Kodvwa sikhuluma inhlakanipho yaNkulunkulu leyimfihlo lefihlekile, Nkulunkulu layimisa umhlaba ungakasekelwa, kutsi ibe ludvumo lwetfu.

1 kubaseKorinthe 4:1

Kufanele satiwe kutsi sitikhonti taKhristu nebaphatsi betimfihlakalo taNkulunkulu.

1 kubaseKorinthe 4:7

Vele kambe ngubani lokwenta ube ncono kunalabanye? Yini lonayo longazange uyiphiwe? Nangabe-ke waphiwa, utigabatiselani wente shangatsi awuzange uphiwe?

Kubase-Efesu 1:18

Akakhanyise emehlo etinhlitiyo tenu, kuze nati lokulitsemba lanibitela kulo, nekutsi buhle kanganani bukhosi belifa lakhe kubo labangcwele,

Kubase-Efesu 1:9

Nkulunkulu wakubona kufanele kutsi asatise imfihlakalo yentsandvo yakhe, labeyimisile ngaKhristu kwasekucaleni.

Kubase-Efesu 5:32

Lemfihlakalo yinkhulu, mine ngiyitsatsa ngekutsi isho Khristu nelibandla.

Kubase-Efesu 6:19

Ningithandazele nami, khona ngitewuphiwa livi, ngitsi nangivula umlomo wami ngiyishumayele ngaso sonkhe sibindzi imfihlakalo yeliVangeli.

KubaseKholose 2:2

Loko ngikwentela kutsi tinhlitiyo tabo tikhutsateke tidvudvuteke, bahlanganiswe babe munye elutsandweni, babe nekuciniseka konkhe kwekwati lokuphelele, bayati kahle imfihlakalo yaNkulunkulu lenguKhristu.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

1 kuThimothi 3:9

Emaciniso lembulekile ekukholwa kufanele bawaphatse nganembeza lomhlophe.

YaJakobe 1:5

Nangabe emkhatsini wenu kukhona loswele kuhlakanipha, akacele kuNkulunkulu lonika bonkhe bantfu ngekwephana lokungenakufehla, utawuphiwa.

1 yaJohane 2:20

Kodvwa-ke nine nigcotjwe nguLongcwele, nonkhe ninalo lwati.

1 yaJohane 2:27

Kodvwa nine ninekugcotjwa kwaMoya lokukini lenakwemukela kuKhristu; ngako-ke asikho sidzingo sekutsi ningabuye nifundziswe ngulomunye umuntfu. Lokunigcoba kwakhe kunifundzisa tonkhe tintfo, futsi kuliciniso, akusiwo emanga; njengobe kunifundzisile-ke, hlalani nikuye.