Matewu 12:4 - Siswati 1996 Bible

⁴ kutsi wangena endlini yaNkulunkulu wadla tinkhwa tekubekwa embikwaNkulunkulu, lebekungakafaneli kutsi tidliwe nguye, kanye nalabo labenabo, ngaphandle kwebaphristi kuphela?

Matewu 12:4 Cross References

Eksodusi 25:30

Etikwalelitafula kufanele ubeke sinkhwa lesinikelwe kimi, lekufanele sibesembikwami ngaso sonkhe sikhatsi.”

Levithikusi 8:31

Mosi wakhuluma ku-Aroni nemadvodzana akhe watsi: “Tsatsani lenyama niyekuyiphekela ekungeneni kwelithende lekuhlangana, bese niyidlela khona lapho kanye naleso sinkhwa lesisekhatsi kulelo bhasikidi leminikelo yemgcobo, njengobe Simakadze ashito.

Matewu 12:3

Jesu wabaphendvula watsi: “Anifundzanga yini ngalokwentiwa nguDavide ngesikhatsi yena nalamadvodza labehamba nawo asalambile,

Matewu 12:5

Khona kantsi anikafundzi yini emtsetfweni kutsi ngeliSabatha baphristi bephula umtsetfo weliSabatha ngekusebenta ethempelini, babuye bangabi nacala?

Makho 2:26

Wangena endlini yaNkulunkulu ngesikhatsi kuphetse Abiyatha, umPhristi Lomkhulu, wadla tinkhwa lekwakunikelwe ngato kuNkulunkulu, nome kwakungakavunyelwa ngekwemtsetfo kutsi tidliwe ngulomunye umuntfu ngaphandle kwebaphristi kuphela. Kepha Davide watidla, wapha nalamadvodza labehamba nawo.”

Lukha 6:4

Wangena endlini yaNkulunkulu, watsatsa sinkhwa lesasinikelwe kuNkulunkulu, wasidla wapha nalamadvodza abehamba nawo, kantsi kuphambene nemtsetfo kutsi singadliwa ngulomunye umuntfu ngaphandle kwebaphristi.”

KumaHebheru 9:2

Bekwakhiwe lithende lekuhlangana lelalinetindzawo letimbili: Lengephandle bekutsiwa yindzawo lengcwele lapho bekunelutsi lwetibane, nelitafula lelinetinkhwa tekunikelwa kuNkulunkulu.

1 Samuweli 21:4

Kodvwa umphristi waphendvula Davide, watsi: “Ngite sinkhwa lesivamile lengingakunika sona; noko sikhona lapha sinkhwa lesingcwele. Ungasitsatsa, nangabe lamajaha lohamba nawo angakalali nalabasikati.”

1 Samuweli 21:6

Umphristi wase utsatsa lesinkhwa lesasingcwele wasinika Davide, ngobe kwakute sinkhwa lapho ngaphandle kwesinkhwa sebukhona baSimakadze, lesase sisusiwe embikwaSimakadze, kwatsi esikhundleni saso kwabekwa leso lesasisesisha sisashisa.