Matewu 12:15 - Siswati 1996 Bible

¹⁵ Kepha Jesu asakwati loko, wesuka kuleyo ndzawo; labanyenti bamlandzela, wabaphilisa bonkhe.

Matewu 12:15 Cross References

Matewu 10:23

Nabanitingela kulelinye lidolobha, nibobalekela kulelinye; ngobe ngicinisile, ngitsi kini: Ningeke niwacedze onkhe emadolobha aka-Israyeli, iNdvodzana yemuntfu ingakabuyi.

Matewu 19:2

Ticumbi letikhulu tebantfu tamlandzela, watiphilisa khona lapho.

Makho 6:56

Yonkhe indzawo lapho abeya khona Jesu emitini, nasemadolobheni, nasemaphandleni, babeletsa kuye tigulane etimakethe. Tamncenga kutsi sale avuma kutsi titsintse umphetfo wengubo yakhe. Nembala tonkhe letawutsintsa taphila.

Lukha 5:22

Jesu wakubona lokubutana kwabo, wabaphendvula watsi: “Yini lena leniyibuta etinhlitiyweni tenu?

Lukha 6:12

Ngaleso sikhatsi Jesu wenyukela egcumeni ayewuthandaza, wacitsa busuku bonkhe khona lapho athandaza kuNkulunkulu.

Lukha 9:11

Tatsi kube tikuve loko leticumbi tebantfu, tamlandzela. Watemukela, wakhuluma ngembuso waNkulunkulu, waphilisa nalabo bebadzinga kuphiliswa.

Johane 11:54

Ngako-ke Jesu akabange asahamba ebaleni emkhatsini wemaJuda, kodvwa wesuka lapho, wahamba waya endzaweni lesedvute nelihlane, emtini lobitwa ngekutsi yi-Efrayimu, wayawutihlalela khona nebafundzi bakhe.

Johane 7:1

Emvakwaloko Jesu walihambahamba laseGalile; akatsandzanga kuya eJudiya, ngobe emaJuda abefuna kumbulala.

Johane 9:4

Kufanele sisebente imisebenti yalowo longitfumile, kusesemini; buyeta busuku, lapho kuyawubate loyawuba nemandla ekusebenta.

KubaseGalathiya 6:9

Asingadzinwa kwenta lokuhle; ngobe nasingadzinwa, siyawuvuna ngesikhatsi lesifanele.

1 yaPhetro 2:21

Ngobe vele, nabitelwa kona loko; ngobe Khristu naye wanihluphekela, wanishiyela sibonelo sekutsi nimlandzele etinyatselweni takhe.