Matewu 11:17 - Siswati 1996 Bible

¹⁷ batsi: ‘Sanishayela tigubhu, anigidzanga; sahlabela tingoma tesililo, kodvwa anikhalanga.’

Matewu 11:17 Cross References

Genesisi 50:10

Batsi nabefika ka-Athadi ebaleni lekubhulela emabele ngesheya kwe-Jordane, bakhala kabuhlungu. Josefa wenta imisimeto yekulila emalanga lasikhombisa.

1 Emakhosi 1:40

Bonkhe bantfu benyuka bamlandzela, bashaya nemintjingozi bajabule kakhulu, kwaze kwanyakata ngisho nemhlaba ngenca yemsindvo.

Isaya 30:29

Niyawuhlabela njengalobo busuku lenenta ngabo lidzili lelingcwele, tinhlitiyo tenu tiyawujabula njengesikhatsi bantfu bakhuphuka ngemintjingo, bakhuphukela eNtsabeni yaSimakadze, eDvwaleni lema-Israyeli.

Jeremiya 31:4

Ngitawuphindze ngikwakhe kabusha, futsi utakwakheka wena Ntfombi lengu-Israyeli. Uyawuphindze utsatse emafahlawane akho, uphumele ngephandle, uyewugidza nalabajabulako.

Matewu 11:16

“Konje ngingasifanisa nani nje lesitukulwane salamuhla? Sinjengebantfwana labasemakethe nabamemetana

Matewu 11:18

Ngobe Johane wefika angadli, anganatsi, base batsi: ‘Unelidimoni.’

Matewu 9:15

Jesu watsi kubo: “Likhetfo lingakhala yini umkhwenyane asenalo? Kodvwa kutawufika sikhatsi lapho umkhwenyane atawususwa kulo, kube ngukhona-ke litawuzila.

Matewu 9:23

Kwatsi Jesu asefikile endlini yalomphatsi, abona bashayi bemintjingozi nesicuku lesijokotelako,

Lukha 15:25

“Ngaleso sikhatsi indvodzana lenkhulu beyingekho isensimini, yatsi seyibuya yeva umsindvo wekuhlabela nekugidza ingakangeni ekhaya,

Lukha 23:27

Sicumbi lesikhulu sebantfu sasimlandzela; emkhatsini waso kwakunebafati labebadzatimula bamkhalela.

Lukha 7:32

Banjengebantfwana labahleti emakethe, lesinye sicumbi sabo simemeta lesinye sitsi: ‘Sanishayela tigubhu engomeni yesibhaca, kodvwa anizange nigidze; sahlabela tingoma temngcwabo, kodvwa anizange senikhale.’

Lukha 8:52

Bonkhe bantfu bebakhala badzindza sililo, kodvwa Jesu watsi: “Ningakhali, ngobe akafi, ulele nje.”