Matewu 11:11 - Siswati 1996 Bible

¹¹ “Ngicinisile, ngitsi kini: Kubo bonkhe labake baba khona emhlabeni kute lowake waba mkhulu kunaJohane uMbhabhatisi; kepha lomncane embusweni welizulu mkhulu kunaye.

Matewu 11:11 Cross References

Jobe 14:1

“Umuntfu lotelwe ngumfati unemalangana nje lambalwa ekuphila, nawo agcwele lusizi.

Jobe 14:4

Ngubani longakhipha lokuhlantekile kulokungakahlanteki? Kute!

Jobe 15:14

“Umuntfu abeyini kutsi angaba ngulohlantekile, nome-ke umuntfu lotelwe ngumfati kutsi angaba ngulolungile?

Jobe 25:4

Pho, umuntfu angaba ngulolungile kanjani kuNkulunkulu? Umuntfu lotelwe ngumfati angaba ngulohlantekile kanjani?

Tihlabelelo 51:5

Empeleni ngatalwa vele ngisesonweni, ngaba soni kusukela make atsatsa sisu.

Isaya 30:26

Inyanga iyawukhanya njengelilanga, nekukhanya kwelilanga kuyawuphindvwa kasikhombisa, ngangekukhanya kwemalanga lagcwele lasikhombisa, ngesikhatsi Simakadze nakabopha emanceba esive sakhe, elapha tilondza letavetwa nguye.

Zakhariya 12:8

Ngalelo langa Simakadze uyawubavikela labo labahlala eJerusalema, kuze kutsi lababutsakatsaka kakhulu emkhatsini wabo babe njengaDavide, bese kutsi indlu yaDavide yona ifanane naNkulunkulu, ibe njengengilosi yaSimakadze lehamba embikwabo.

Matewu 11:10

Nguye lona lekubhalwe ngaye kutsi: “ ‘Bheka, ngitfumela sitfunywa sami embikwakho, lesiyawulungisa indlela yakho embikwakho.’

Matewu 11:12

Kusukela etikhatsini taJohane uMbhabhatisi kuze kube ngulamuhla umbuso welizulu uyaphangwa, nalabo labawuphangako bayawuhlwitsa.

Matewu 3:1

Ngalawo malanga kwavela Johane uMbhabhatisi ashumayela ehlane laseJudiya

Matewu 3:11

“Mine nginibhabhatisa ngemanti, kubonakalisa kuphendvuka; kepha lona longilandzelako unemandla kakhulu kunami, mine lengingakafaneli nekutsi ngingaphatsa tincabule takhe; yena utawunibhabhatisa ngaMoya Longcwele nangemlilo.

Matewu 5:19

Ngako-ke lowo lowephula munye kulemiyalo lemincanyana, aphindze afundzise labanye kanjalo, uyakuba ngulomncane embusweni welizulu; kepha loyigcinako ayifundzise, lowo kuyawutsiwa mkhulu embusweni welizulu.

Lukha 1:15

ngobe uyakuba ngumuntfu lomkhulu ebusweni baNkulunkulu, akayiwulinatsa liwayini nome-ke yini ledzakisako, uyawugcwaliswa ngaMoya Longcwele kusukela angakatalwa.

Lukha 7:28

Wachubeka watsi: “Ngiyanitjela ngitsi, akekho namunye, lotelwe ngumfati, lomkhulu kunaJohane, kepha loyo lomncane embusweni waNkulunkulu, mkhulu kunaye.”

Lukha 9:48

Wase utsi kubo: “Umuntfu lowemukela lomntfwana ngelibito lami, wemukela mine; nalowo lowemukela mine, wemukela lowo longitfumile. Ngobe lowo lomncane kakhulu kunani nonkhe, nguye lomkhulu kunani nonkhe.”

Johane 1:15

Johane wafakaza ngaye, amemeta atsi: “Nguye lona lebengikhuluma ngaye ngitsi: ‘Lowo lota emvakwami mkhulu kunami, ngobe yena abekhonanchanti kunami.’ ”

Johane 1:27

Yena lowo lotako emvakwami, mine angikafaneli ngisho nekutfukulula imichilo yeticatfulo takhe.”

Johane 10:41

Bantfu labanyenti beta kuye batsi: “Ngempela Johane akazange asente nasinye sibonakaliso, kepha konkhe Johane lakusho ngalomuntfu kuliciniso.”

Johane 3:30

Kufanele akhule yena, nginciphe mine.”

Johane 5:35

Yena-ke abesibane lesivutsako nalesikhanyako, nine-ke benitimisele kujabula kwesikhashana ekukhanyeni kwakhe.

Johane 7:39

Jesu abekhuluma ngaMoya labebatawumemukela laba lababekholwa kuye, ngobe Moya abengakefiki, kwatise kutsi Jesu abesengakakhatimuliswa.

1 kubaseKorinthe 15:9

Ngobe mine ngingulomncane kubaphostoli, bengingakafaneli nekutsi kutsiwe ngingumphostoli, ngobe ngatingela ngahlupha libandla laNkulunkulu.

1 kubaseKorinthe 6:4

Nangabe ninalawo macala enu, niwayiselani kubantfu labangakabalwa nekubalwa ebandleni?

Kubase-Efesu 2:3

Empeleni sonkhe sasinjengabo, sasiphila ngetinkhanuko tenyama yetfu, senta intsandvo yenyama neyengcondvo yetfu. Ngekwemvelo yetfu sasifanelwe lulaka lwaNkulunkulu njengabo bonkhe bantfu.

Kubase-Efesu 3:8

Mine, nome ngingulomncane kunabo bonkhe labangcwele, ngaphiwa lowo musa wekushumayela kubetive liVangeli lemcebo waKhristu longenawuphenyeka.

2 kuThimothi 1:10

kepha nyalo sewembulwe ngekubonakaliswa kweMsindzisi wetfu Khristu Jesu lowakucitsa kufa; kuphila nekungabhubhi wakuletsa ekukhanyeni ngeliVangeli.

KumaHebheru 11:40

ngobe Nkulunkulu abesakubonenchanti lokuncono lokusifanele kutsi abaphelelise sebakanye natsi.

1 yaPhetro 1:10

Ngiyo lensindziso lababeyifuna baphrofethi, baphenyisisa ngayo. Babephrofetha ngemusa lebenitawuphiwa wona.

1 Samuweli 2:30

“Ngaloko-ke Simakadze, Nkulunkulu wema-Israyeli, ukhuluma utsi: ‘Ngetsembisa ngatsi indlu yakho nendlu yeyihlo iyawukhonta embikwami phakadze naphakadze.’ Kodvwa nyalo Simakadze utsi: ‘Kungeke kusaba njalo! Ngobe labo labangihloniphako ngiyakubahlonipha, kodvwa labo labangedzelelako nabo bayakwedzeleleka.