Matewu 10:37 - Siswati 1996 Bible

³⁷ “Lotsandza uyise nome unina kwengca mine, akangifaneli; nalotsandza indvodzana yakhe nome indvodzakati yakhe kwengca mine, akangifaneli.

Matewu 10:37 Cross References

Genesisi 21:11

Loku kwamkhatsata kakhulu Abrahama, ngobe bekuphatselene nalendvodzana yakhe.

Zakhariya 13:3

“Nangabe kukhona losachubeka nekuphrofetha, uyise nenina, labamtalako, bayakutsi kuye: ‘Wena kufanele ufe, ngobe ukhulume emanga egameni laSimakadze;’ nasaphrofetha, batali bakhe bayawumgwaza.

Matewu 22:37

Jesu watsi kuye: “ ‘Uboyitsandza iNkhosi, Nkulunkulu wakho, ngayo yonkhe inhlitiyo yakho, nangawo wonkhe umphefumulo wakho, nangayo yonkhe ingcondvo yakho.’

Matewu 22:8

Ngako yatsi etisebentini tayo: ‘Lidzili selilungile, kodvwa labo labebamenyiwe abakalifaneli.

Lukha 14:26

“Lota kimi angeke abe ngumfundzi wami ngaphandle kwekutsi adzele uyise nenina, umfati wakhe nebantfwabakhe, bomnakabo nabodzadzewabo, yebo, kanye nemphilo yakhe lucobo lwayo.

Lukha 20:35

kodvwa bantfu labayawuvuswa ekufeni baphile kulesikhatsi lesitako abatsatsani.

Lukha 21:36

Lindzani nithandaze onkhe emalanga, khona nitawuba nemandla ekuphunyula kuletintfo letitakwenteka nitekwati kuma embikweNdvodzana yeMuntfu.”

Johane 5:23

kuze bonkhe bahloniphe iNdvodzana njengobe bahlonipha uYise. Lowo longayihloniphi iNdvodzana, akahloniphi neYise loyitfumile.

Dutheronomi 33:9

Wakhuluma ngeyise nenina watsi: ‘Anginandzaba nabo.’ Akazange abanake bomnakabo, wabatsalalisela bantfwabakhe. Kodvwa walilindza livi lakho, wasilondvolota nesivumelwane sakho.

Sembulo 3:4

Noko usenabo bantfu labambalwa lapho eSadesi labangakatingcolisi tingubo tabo, bayawuhamba nami bagcoke letimhlophe, ngobe vele bakufanele.

1 Samuweli 2:29

Manje-ke niwubukelani ngeliso lelibukhali lomhlatjelo wami nalomnikelo wami lengawukhetsela indzawo yami yekuhlala? Wentiwa yini lokutsi uhloniphe kakhulu emadvodzana akho kunekutsi uhloniphe mine, nitikhuluphalise nine ngekutikhetsela lokunonile kwayo yonkhe iminikelo leyentiwa sive sami sema-Israyeli?’