Matewu 1:20 - Siswati 1996 Bible

²⁰ Kodvwa asakucabanga loko, kwefika ingilosi yeNkhosi kuye ngeliphupho yatsi: “Josefa, ndvodzana yaDavide, ungesabi kumtsatsa Mariya umkakho, ngobe loko lakukhulelwe kwaMoya Longcwele.

Matewu 1:20 Cross References

Genesisi 31:11

Ingilosi yaNkulunkulu yangibita ephusheni yatsi: ‘Jakobe!’ Ngasabela ngatsi: ‘Ngilapha.’

Genesisi 46:3

Watsi: “NginguNkulunkulu, Nkulunkulu weyihlo. Ungesabi kwehlela eGibhithe, ngiyawukwenta ube sive lesikhulu khona.

1 Emakhosi 17:13

Kodvwa Elija watsi kuye: “Ungesabi. Hamba wente njengobe ushito, kodvwa ubocala wentele mine kucala licebelengwane lelincane lesinkhwa, kuloko lonako, bese ukuletsa lapha kimi. Emvakwaloko-ke bese utentela wena nendvodzana yakho.

1 Emakhosi 3:5

Simakadze watibonakalisa kuSolomoni ebusuku ngesimo seliphupho, ngesikhatsi aseGibeyoni. Nkulunkulu wakhuluma kuye, watsi: “Cela nome ngabe yini lofuna kutsi ngikuphe yona.”

Tihlabelelo 119:125

Mine ngiyinceku yakho, ngiphe ingcondvo yekwati timfundziso takho.

Tihlabelelo 143:8

Ngivise umusa wakho ekuseni nakudzabuka kusa, ngobe litsemba lami lonkhe likuwe. Ngifundzise indlela lekufanele ngihambe ngayo, ngobe umphefumulo wami ngiwuphakamisela kuwe.

Tihlabelelo 94:19

Ngesikhatsi inhlitiyo yami iphitsiteliswa ngimicabango, kudvudvuta kwakho kuyawutfokotisa umphefumulo wami.

Taga 12:5

Emasu alabalungile mahle; kodvwa teluleko talababi tiyedukisana.

Isaya 26:3

Wena Simakadze, lowo lotimiselako ngawe uyamlondvolota, umuphe kuthula nenhlalakahle, ngobe abeke litsemba lakhe kuwe.

Isaya 30:21

Nome nijikela ngesekudla nome ngesancele, tindlebe tenu tiyakuva livi emvakwenu litsi: “Nansi indlela, hambani ngayo.”

Isaya 51:7

“Ngilaleleni, nine lenati kutsi kuyini lokulungile, nine bantfu leninemtsetfo wami etinhlitiyweni tenu: Ningakwesabi kusolwa bantfu, ningetfuswa ngisho natinhlamba tabo.

Isaya 7:13

Isaya wase utsi: “Lalela lapha, wenandlu yakaDavide! Kuyini kini lokube solomane nihluphana netinhlitiyo tebantfu? Nyalo senifuna nekuhlupha Nkulunkulu wami yini kantsi?

Isaya 7:2

Indlu yakaDavide yatjelwa kwatsiwa: “ISiriya itihlanganise nelaka-Efrayimu.” Ngako tinhlitiyo tabo-Ahazi kanye netebantfu bakhe tesaba tatfutfumela njengetihlahla telihlatsi, natinyakatiswa ngumoya.

Jeremiya 31:22

Uyawuzulazula kuze kube ngunini, awu, ndvodzakati lengaketsembeki? Simakadze uyawudala intfo lensha emhlabeni, umfati uyakuyivikela indvodza.”

Jeremiya 33:26

bengitakutilahla titukulwane taJakobe netaDavide, inceku yami, futsi bengingayikuyikhetsa lenye yemadvodzana akhe kutsi ibuse etikwetitukulwane ta-Abrahama, na-Isaka, naJakobe. Ngobe ngiyawubuyisela tibusiso tabo, ngibe nesihawu kubo.’ ”

Jeremiya 40:9

Gedaliya, umsa wa-Ahikamu, umsa waShafani, wafunga kubo nakulamadvodza abo, watsi: “Ningesabi kukhonta emaBhabhulona. Yakhani lapha eveni nihlehle enkhosini yaseBhabhulona, kutabe sekunihambela kahle-ke.

Joweli 2:28

“Emvakwaloko ngiyawutfulula Moya wami etikwabo bonkhe bantfu. Emadvodzana nemadvodzakati enu ayawuphrofetha, emakhehla enu ayawuphupha emaphupho, nemajaha enu ayawubona imibono.

Numeri 12:6

Simakadze watsi kubo: “Lalelani la kimi: Nakunemphrofethi lapha emkhatsini wenu, ngimi Simakadze lengitibonakalisa ngemibono kuye ngikhulume naye ngemaphupho.

Matewu 1:18

Kutalwa kwaJesu Khristu kwaba nje-ke: Kwatsi Mariya unina asamiselwe Josefa, basengakahlangani, watfolakala asakhuleliswe nguMoya Longcwele.

Matewu 2:12

Tadvonswa nguNkulunkulu ngendlebe ephusheni kutsi tingahambi tibuyele kuHerodi. Ngako-ke tabuyela emuva eveni lato ngalenye indlela.

Matewu 2:13

Kwatsi kube tati tisuke lapho, ingilosi yeNkhosi yatibonakalisa kuJosefa ephusheni itsi: “Vuka, utsatse umntfwana nenina, nibalekele eGibhithe, nifike nihlale khona niyawuze nitjelwe ngimi; ngobe Herodi utawufuna lomntfwana kuze ambulale.”

Matewu 2:19

Kwatsi kube kufe Herodi, ingilosi yeNkhosi yabonakala kuJosefa ngeliphupho eGibhithe

Matewu 2:22

Kodvwa watsi nakeva kutsi sekubusa Akhelawusi eJudiya esikhundleni seyise Herodi, wesaba kuya khona; asayalwe ngeliphupho, wajika waya esifundzeni saseGalile.

Matewu 27:19

Watsi Philatu asahleti esihlalweni sekwehlulela, umfati wakhe watfumela kuye livi atsi: “Ungatifaki endzabeni yalowo muntfu longenacala, ngobe angikalali ngihlushwa ngaye ngeliphupho ebusuku balamuhla.”

Matewu 28:5

Ingilosi yatsi kulabafati: “Ningesabi, ngiyati kutsi nifuna Jesu labebetselwe esiphambanweni.

Lukha 1:19

Ingilosi yamphendvula yatsi: “NginguGabhriyeli, loma embikwaNkulunkulu, ngitfunywe kutsi ngikhulume kuwe, ngikutjele lendzaba lemnandzi.

Lukha 2:4

NaJosefa wesuka eNazaretha yaseGalile waya eBhetlehema yaseJudiya, edolobheni laDavide, ngobe abeyintalelwane yaDavide,

Imisebenti yebaPhostoli 5:19

kodvwa kwatsi ebusuku ingilosi yeNkhosi yavula iminyango yelijele, yabahola yabakhiphela ngephandle, yatsi kubo:

Sembulo 19:7

Asitfokote, siyiphakamise, siyinike ludvumo, ngobe umshado weliWundlu sewufikile, namakoti sewutilungiselele.

Tikhulu 13:3

Ingilosi yaSimakadze yabonakala kulomfati, yatsi: “Uyinyumba, ute bantfwana, kodvwa sewutawukhulelwa, utale indvodzana.