Lukha 10:2 - Siswati 1996 Bible

² Yase itsi kubo: “Kuvuna kukhulu, kodvwa tisebenti tincane. Thandazani kumnikati wekuvuna kutsi atfumele letinye tisebenti tekuvuna.

Lukha 10:2 Cross References

1 Emakhosi 18:22

Elija wakhuluma kubo watsi: “Ngimi ngedvwa losele emkhatsini webaphrofethi baSimakadze, kodvwa Bhali unebaphrofethi labangema-450.

Tihlabelelo 68:11

Simakadze wakhipha umyalo wakhe. Sicumbi lesikhulu salabasikati saphuma salilitela satsi:

Jeremiya 3:15

“Ngiyawube sengininika belusi benhlitiyo yami, labayakunihola ngelwati nangekucondza.

Zakhariya 11:17

“Maye kumelusi longasiti lutfo, loshiya umhlambi! Shangatsi inkemba ingashaya umkhono wakhe neliso lakhe langesekudla! Shangatsi umkhono wakhe ungashwaphana, neliso lakhe langesekudla livaleke ngci!”

Zakhariya 11:5

Batsengi bato bayatihlaba bangete bajeziswa. Labo labatitsengisako, batsi: ‘Akadvunyiswe Simakadze, sesinjingile!’ Ngisho nebelusi bato abanasihawu nato.

Numeri 11:17

Ngitakwehla ngitewukhuluma nawe lapho, ngitsatse lokunye lokukwaMoya lokukuwe ngikunike bona. Batakusita ekwetfwaleni umtfwalo walesive kanye nawe, khona ungetikwetfwala wedvwa.

Numeri 11:29

Mosi wamphendvula, watsi: “Unemona yini ngami? Ngifisa shangatsi sonkhe sive saSimakadze ngabe sibaphrofethi nekutsi Simakadze abeke Moya wakhe kuso.”

Matewu 20:1

“Umbuso welizulu ufanana nemnikati wesivini, lowaphuma ekuseni ayawucasha emadvodza ekusebenta esivinini sakhe.

Makho 13:34

Kufanana nendvodza leyayitawuya khashane; yatsi nase itawusuka ekhaya, yabeka tisebenti tayo etikhundleni tato, nguleso nemsebenti waso lotsite. Yayala umgcini welisango kutsi alindze kahle.

Makho 16:15

Watsi kubo: “Hambani niye emhlabeni wonkhe, nishumayele liVangeli kubo bonkhe bantfu.

Makho 16:20

Bafundzi base bayahamba-ke bashumayela kuyo yonkhe indzawo. INkhosi yaba nabo yalifakazela livi layo, ngekwenta tibonakaliso ngalo. Amen. Labafati baya kuboPhetro nalabo labenabo bayawubabikela kafisha ngako konkhe lababekutjeliwe. Emvakwaloko Jesu matfupha watfumela ngebafundzi bakhe liVangeli lelingcwele lelingeke libhubhe. Wabatfumela kutsi leliVangeli lensindziso yaphakadze balishumayele emhlabeni wonke, jikelele.

Lukha 9:1

Jesu wabita bafundzi bakhe labali-12 watsi abasondzele kuye; wase ubanika emandla, neligunya lekukhipha emadimoni nekuphilisa labanetifo.

Imisebenti yebaPhostoli 11:19

Emakholwa, labesakatwe kuhlushwa lokwalandzela kubulawa kwaStefano, ahamba aze efika eFenisiya naseSiphrosi nase-Antiyokhi, atjela emaJuda kuphela ngalelivi leNkhosi.

Imisebenti yebaPhostoli 13:2

Basakhonta iNkhosi, bazila, Moya Longcwele watsi kubo: “Ngehlukaniseleni boBhanabasi naSawula, nibehlukanisele umsebenti lengibabitele wona.”

Imisebenti yebaPhostoli 13:4

BoBhanabasi naSawula, sebatfunyelwe nguMoya Longcwele, behlela eSeloyisiya bahamba ngemkhumbi besuka khona balibangisa esichingini saseSiphrosi.

Imisebenti yebaPhostoli 20:28

Ticapheleni nine kanye nemhlambi wonkhe lobekwe etandleni tenu nguMoya Longcwele, neluse libandla laNkulunkulu latitsengela lona ngengati yeNdvodzana yakhe.

Imisebenti yebaPhostoli 22:21

INkhosi yatsi kimi: ‘Hamba, ngobe ngitakutfumela khashane kubetive.’ ”

Imisebenti yebaPhostoli 8:4

Lamakholwa lasakateka kuto tonkhe tindzawo, abehamba alishumayela lelivi.

1 kubaseKorinthe 12:28

Nkulunkulu umise labatsite ebandleni: kucala baphostoli, kwesibili baphrofethi, kwesitsatfu bafundzisi, bese kuba ngulabenta imisebenti yemandla, nalabanetiphiwo temusa tekuphilisa, nebasiti, nebaholi, nalabakhuluma ngetilimi.

1 kubaseKorinthe 15:10

Kepha ngemusa waNkulunkulu nginguloku lengingiko, nemusa wakhe kimi awuzange ube lite, kodvwa ngasebenta kakhulu kunabo bonkhe, noko kungesimi, kodvwa kungumusa waNkulunkulu lonami.

2 kubaseKorinthe 6:1

Njengobe sibambisene naNkulunkulu emsebentini wakhe, siyanincenga sitsi: Yemukelani umusa waNkulunkulu, ningawenti lite.

KubaseFiliphi 2:21

Ngobe bonkhe labanye batifunela kwabo, abafuni kona kwaJesu.

KubaseFiliphi 2:25

Umzalwane Ephafrodithu, lenanimtfumele kimi kutsi atewungisita ekwesweleni kwami, usisebenti nelisotja laJesu kanye nami. Ngikubone kudzingekile kutsi ngimtfumele kini.

KubaseFiliphi 2:30

Ngobe ngenca yemsebenti waKhristu wacishe wafa, watidzela, kuze agcwalise lokusilele ekungikhonteni kwenu.

KubaseKholose 1:29

Ngisebentela loko ngishikashikeka ngekusebenta kwakhe, lokusebenta ngemandla kimi.

KubaseKholose 4:12

Uyanihambisa na-Ephafrasi longulomunye wakini, inceku yaKhristu Jesu, lonilwela ngaso sonkhe sikhatsi emkhulekweni, kuze nime, niphelele nisime ekwenteni intsandvo yaNkulunkulu.

1 kubaseThesalonika 2:9

Bazalwane, ngiyetsemba kutsi niyayikhumbula imisebenti nemisiphalato yetfu sisebenta emkhatsini wenu busuku nemini sentela kutsi singasindzi ngisho namunye wenu ngesikhatsi sisashumayela kini liVangeli laNkulunkulu.

1 kubaseThesalonika 5:12

Siyanincenga, bazalwane, kutsi nibahloniphe labo labasebenta emkhatsini wenu, babaholi benu eNkhosini, labaniyala ngemphilo yebuKhristu.

2 kubaseThesalonika 3:1

Kwekugcina-ke, bazalwane, sithandazeleni, kuze kutsi livi leNkhosi lichubeke landze ngekushesha, lemukeleke ngeludvumo, njengobe kwaba njalo nakini.

1 kuThimothi 4:10

Kuze kube manje siyasebenta sishikaneke, ngobe sibeke litsemba letfu kuNkulunkulu lophilako, longuMsindzisi wabo bonkhe bantfu, ikakhulu walabo labakholwako.

2 kuThimothi 4:5

Kodvwa wena, zitsa etintfweni tonkhe, ubeketele ekuhluphekeni, wente umsebenti webuvangeli, utifeze tonkhe timfanelo telubito lwakho.

kuFilemoni 1:1

Lencwadzi iphuma kuPawula, siboshwa ngenca yaKhristu Jesu, nakuThimothi, umzalwane wakhe. Iya kuFilemoni lotsandzekako nalosisebenti kanye natsi,

KumaHebheru 3:6

Kodvwa Khristu wetsembeka njengeNdvodzana endlini yaNkulunkulu. Tsine-ke siyindlu yaNkulunkulu, nasibambelele ngesibindzi etsembeni letfu [kuze kube ngusekupheleni].

Sembulo 2:1

“Bhalela ingilosi yelibandla lase-Efesu utsi: “ ‘Nali livi leliphuma kuye lophetse tinkhanyeti letisikhombisa esandleni sakhe sangesekudla, lohamba emkhatsini wetibane letisikhombisa tegolide, utsi: