Lukha 1:6 - Siswati 1996 Bible

⁶ Bobabili babephila imphilo lengcwele kuNkulunkulu, babeyigcina yonkhe imiyalo nemitsetfo yeNkhosi.

Lukha 1:6 Cross References

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

Genesisi 6:9

Nankhu-ke umlandvo ngaNowa. Nowa abelungile amsulwa esitukulwaneni sakhe, ahamba naNkulunkulu.

Genesisi 7:1

Simakadze watsi kuNowa: “Ngena emkhunjini wena nendlu yakho, ngobe sengibonile kutsi nguwe wedvwa lolungile kulesitukulwane.

1 Emakhosi 15:5

Ngobe Davide abenta lokuhle emehlweni aSimakadze, wangete waphambuka kuyo yonkhe imiyalo yaSimakadze emphilweni yakhe yonkhe, ngaphandle kwendzaba ya-Uriya labengumHethi.

1 Emakhosi 9:4

“Wena-ke nangabe ungahamba ngebucotfo benhlitiyo nangekucondza embikwami, ulingise uyihlo Davide, wente konkhe lengikuyala ngako, ugcine timiso nemitsetfo yami,

2 Emakhosi 20:3

“Awu, Simakadze, khumbula kutsi bengihamba ngekwetsembeka lokunjani embikwakho, nekutsi bengitinikele kangakanani embikwakho, ngayo yonkhe inhlitiyo yami, ngenta lokuhle emehlweni akho.” Hezekiya wakhala kabuhlungu.

2 Tikhronike 17:4

kodvwa wabuta kuNkulunkulu weyise, walandzela imiyalo yakhe esikhundleni sekulandzela bubi lobabentiwa baka-Israyeli.

Jobe 1:1

Eveni lase-Usi kwakunendvodza, libito layo kunguJobe. Lendvodza yayimsulwa, ilungile, futsi imesaba Nkulunkulu, ikubalekela konkhe lokubi.

Jobe 1:8

Simakadze wabuta Sathane, watsi: “Uyibonile yini inceku yami Jobe? Kute namunye umuntfu longamtfola emhlabeni lofanana naye; umsulwa, ucotfo ngenhlitiyo, ungumuntfu lowesaba Nkulunkulu nalokubalekelako lokubi.”

Jobe 9:2

“Empeleni ngiyati kutsi loku kuliciniso. Kodvwa umuntfu loludzaka lolubolako angaba ngulolungile kanjani embikwaNkulunkulu?

Tihlabelelo 119:6

Nangingayigcina yonkhe imiyalo yakho, ngingeke ngihlazeke.

Lukha 1:7

Babete bantfwana, ngobe Elizabethe abengatali, futsi bobabili besebakhulile.

Lukha 16:15

Kodvwa Jesu watsi kubo: “Nitenta labalungile emehlweni ebantfu, kodvwa Nkulunkulu uyatati tinhlitiyo. Loko bantfu labacabanga kutsi kuyintfo lenkhulu lebalulekile, kusinengiso ebusweni baNkulunkulu.

Lukha 2:25

Ngaleso sikhatsi bekukhona indvodza leyayilungile yesaba Nkulunkulu, ihlala eJerusalema, libito layo kunguSimeyoni. Abelindzele indvudvuto ngensindziso yesive sema-Israyeli, Moya Longcwele abesetikwakhe.

Imisebenti yebaPhostoli 2:25

NaDavide wakhuluma ngaye watsi: “ ‘Ngayibona iNkhosi embikwami ngetikhatsi tonkhe, ngobe ingasesandleni sami sekudla, kuze nginganyakatiswa.

Imisebenti yebaPhostoli 23:1

Pawula walibukisisa leLiqoqo watsi: “Madvodza, bazalwane, nembeza wami ungufakazi wami embikwaNkulunkulu kutsi imphilo yami yonkhe beyimsulwa, kwaze kwaba ngulamuhla lo ngila.”

Imisebenti yebaPhostoli 24:16

Ngako-ke nami ngetama ngemandla ami onkhe ngetikhatsi tonkhe, kuze kutsi ngihlale nginanembeza longenacala kuNkulunkulu nakubantfu.

Imisebenti yebaPhostoli 8:21

Awunasabelo nalifa kulomsebenti, ngobe inhlitiyo yakho ayikalungi emehlweni aNkulunkulu.

KubaseRoma 8:4

kuze sente loko lokufunwa ngumtsetfo tsine lesingahambi ngekwenyama, kepha sihamba ngaMoya.

1 kubaseKorinthe 11:2

Ngiyanincoma ngobe ningikhumbula etintfweni tonkhe, nibambelele etimfundzisweni lenganifundzisa tona.

2 kubaseKorinthe 1:12

Kutibonga kwetfu kunye, kutsi nembeza wetfu umhlophe embikwebantfu, ikakhulu kini. Ekutiphatseni kwetfu besimsulwa sesaba Nkulunkulu ngeliciniso, hhayi ngekuhlakanipha kwetfu, kepha ngemusa waNkulunkulu.

Dutheronomi 5:33

Hambani endleleni Simakadze Nkulunkulu wenu laniyale kutsi nihambe ngayo, khona nitewuphila nichume, netinsuku tenu tandze eveni lelitawuba lenu.”

KubaseFiliphi 2:15

kuze nibe ngulabangasoleki, nalabangenacala, bantfwana baNkulunkulu labangenasici emkhatsini wesitukulwane lesigwegwile nalesiphambene. Kufanele nikhanye kuso lesitukulwane njengetinkhanyeti letikhanyisa esibhakabhakeni,

KubaseKholose 1:22

Kodvwa nyalo Nkulunkulu sewubuyisene nani ngekucitsa ingati yaJesu esiphambanweni, kuze kutsi animise ningcwele, ningenasici, ningenacala embikwakhe.

1 kubaseThesalonika 3:13

kuze kutsi icinise tinhlitiyo tenu tingabi nacala, kodvwa tibe ngcwele ebukhoneni baNkulunkulu, longuBabe, nakufika iNkhosi yetfu Jesu nabo bonkhe labangcwele bakhe.

2 yaPhetro 3:14

Ngako-ke, batsandzekako, njengobe nisalindzele leto tintfo, yentani konkhe lokusemandleni enu, kutsi anikhandze ninekuthula, ningenasici ningenabala.

1 yaJohane 2:29

Nanati kutsi ulungile, ningahlala nineliciniso lekutsi wonkhe lowenta kulunga, utelwe nguye.

1 yaJohane 2:3

Nasigcina imiyalo yakhe, sineleciniso lekutsi siyamati yena.

1 yaJohane 3:7

Bantfwabami, ningayengwa ngumuntfu; umuntfu lowenta kulunga ulungile, njengobe naKhristu alungile.