Lukha 1:1 - Siswati 1996 Bible

¹ Tiyofilusi, Labanyenti bente kahle ngekubhala umbiko ngetintfo letentekile emkhatsini wetfu.

Lukha 1:1 Cross References

Makho 16:20

Bafundzi base bayahamba-ke bashumayela kuyo yonkhe indzawo. INkhosi yaba nabo yalifakazela livi layo, ngekwenta tibonakaliso ngalo. Amen. Labafati baya kuboPhetro nalabo labenabo bayawubabikela kafisha ngako konkhe lababekutjeliwe. Emvakwaloko Jesu matfupha watfumela ngebafundzi bakhe liVangeli lelingcwele lelingeke libhubhe. Wabatfumela kutsi leliVangeli lensindziso yaphakadze balishumayele emhlabeni wonke, jikelele.

Johane 20:31

Leti tibhalelwe kutsi nitewukholwa kutsi Jesu unguKhristu, iNdvodzana yaNkulunkulu, nekutsi ngekukholwa kwenu nibe nekuphila ngelibito lakhe.

KubaseRoma 14:5

Lomunye umuntfu ucabanga kutsi lelinye lilanga libaluleke kakhulu kunalamanye, kantsi lomunye umuntfu ucabanga kutsi onkhe emalanga ayafanana. Ngulowo nalowo kufanele eneliseke ngalokuphelele engcondvweni yakhe.

KubaseRoma 4:21

Waba neliciniso leliphelele kutsi Nkulunkulu unawo emandla ekukwenta loko labekwetsembisile.

KubaseKholose 2:2

Loko ngikwentela kutsi tinhlitiyo tabo tikhutsateke tidvudvuteke, bahlanganiswe babe munye elutsandweni, babe nekuciniseka konkhe kwekwati lokuphelele, bayati kahle imfihlakalo yaNkulunkulu lenguKhristu.

KubaseKholose 4:12

Uyanihambisa na-Ephafrasi longulomunye wakini, inceku yaKhristu Jesu, lonilwela ngaso sonkhe sikhatsi emkhulekweni, kuze nime, niphelele nisime ekwenteni intsandvo yaNkulunkulu.

1 kubaseThesalonika 1:5

Ngobe liVangeli lesanishumayela lona alifikanga kini ngemavi kuphela, kodvwa lefika ngemandla, nangaMoya Longcwele, seneliseka kutsi inshumayelo yetfu iliciniso. Niyati kutsi sasitiphatsa kanjani ngesikhatsi sisemkhatsini wenu. Konkhe loko sasikwenta ngenca yenu.

1 kuThimothi 3:16

Siyavuma kutsi yinkhulu kakhulu imfihlakalo yenkholo yetfu yekutsi: Wabonakaliswa angumuntfu, wafakazelwa nguMoya, wabonwa tingilosi, washunyayelwa kubetive, wakholeka emhlabeni, wenyukela enkhatimulweni.

2 kuThimothi 4:17

Kodvwa iNkhosi yema nami yangicinisa kuze inshumayelo yami ipheleliselwe ngami, nebetive beve. Ngako-ke ngakhululwa emlonyeni welibhubesi.

KumaHebheru 10:22

Ngako-ke asisondzele kuNkulunkulu ngenhlitiyo lecinisile, nangekwetsemba lokuphelele kwekukholwa, tinhlitiyo tetfu tinyenyetiwe tahlanjululwa kunembeza lomubi, nemitimba yetfu igeziwe ngemanti lahlobile.

KumaHebheru 6:11

Sifisa shangatsi ngulowo nalowo kini angakhombisa loko kushisekela, nekuciniseka etsembeni lenu, kuze kube ngusekugcineni.