kuThithusi 3:2 - Siswati 1996 Bible

² Kubete lokhuluma kabi ngalomunye, bangabi tilwi, babeketele, bakhombise bumnene kubo bonkhe bantfu.

kuThithusi 3:2 Cross References

2 Samuweli 22:36

Ungihlomisa ngesihlangu sensindziso yakho; utehlisa wena kuze uphakamise mine.

Tihlabelelo 140:11

Shangatsi labo labacambela labanye emanga, bangete baphumelela. Shangatsi bubi bungahlasela tidlova.

Taga 19:19

Umuntfu lonenhlitiyo lencane ufanelwe kujeziswa; nawuke wamsita kanye, kufanele umsite siphelane.

Taga 25:24

Kuncono kutihlalela wedvwana etaleni kunekuhlala endlini yinye nemfati lotsetsela futsi.

Taga 6:19

nafakazi lotfulula emanga, nemuntfu locabanisa bazalwane.

Isaya 40:11

Welusa umhlambi wakhe njengemelusi: Ugona emazinyane akhe ngemikhono yakhe, awasondzete edvutane nenhlitiyo yakhe; utihola kahle leto letinemazinyane.

Matewu 11:29

Bekani lijoko lami etikwenu, nifundze kimi, ngobe mine ngimnene, ngitfobekile ngenhlitiyo, khona niyawutfola kuphumula kwemiphefumulo yenu;

Imisebenti yebaPhostoli 23:5

Pawula wase utsi: “Bengingati, bazalwane, kutsi ungumPhristi Lomkhulu, ngobe umBhalo utsi: ‘Ungakhulumi kabi ngalophetse sive sakini.’ ”

1 kubaseKorinthe 6:10

nemasela, nalababukhali, netidzakwa, nalabetfukako, netigebengu, bangeke balidle lifa lembuso waNkulunkulu.

1 kubaseKorinthe 9:19

Ngobe nome ngikhululeke kubo bonkhe, noko ngatenta sigcili kubo bonkhe, ngidzimate ngizuzele labanyenti kuKhristu.

2 kubaseKorinthe 10:1

Mine, Pawula matfupha, ngiyanincenga ngebumnene nangebubele baKhristu. Nginguye yena loPawula lenimtsatsa ngekutsi uyatikhobosa nasemkhatsini wenu, kodvwa abe nesibindzi kini nangekho embikwenu.

2 kubaseKorinthe 12:20

Ngobe ngesaba kutsi mhlawumbe ngiyawutsi ngiyefika lapho kini nginikhandze ningesiko loko lengibheke kutsi nibe ngiko, nami ningikhandze ngingesiko loko lenibheke kutsi ngibe ngiko. Ngesaba kutsi mhlawumbe kunekulwa, nemona, nekutfukutsela, nebugovu, nenkhani, nenhlebo, nekutatisa, nesiphitsiphitsi.

KubaseGalathiya 5:22

Kodvwa titselo taMoya nguleti: lutsandvo, nekujabula, nekuthula, nekubeketela, nebubele, nekulunga, nekwetsembeka,

KubaseGalathiya 6:1

Bazalwane, nangabe lomunye wenu asawele esonweni, nine bakaMoya, lowo mephuleni, loko nikwente ngemoya wekutfobeka; kodvwa nawe uticaphele, ngobe ungahle ulingeke.

KubaseGalathiya 6:10

Ngako-ke njengobe sinematfuba nje, asente lokuhle kubo bonkhe bantfu, ikakhulu kubendlu yaketfu yekukholwa.

Kubase-Efesu 4:2

Nikhombise lutsandvo lwenu ngekubeketelelana ngekutfobeka konkhe, nangebumnene, nangekucinisela.

Kubase-Efesu 4:31

Konkhe lokubabako, nelulaka, nekutfukutsela, nemsindvo, nekuhlambalata akususwe kini, kanye nako konkhe lokubi.

KubaseFiliphi 4:5

Kubeketela kwenu ngebumnene akwatiwe bantfu bonkhe, iNkhosi isedvute.

1 kubaseThesalonika 2:7

Noko, njengebaphostoli baKhristu, sasinalo lilungelo lekusebentisa bukhulu betfu, kodvwa saba mnene kini njengemfati anakekela bantfwabakhe.

1 kuThimothi 3:11

Kanjalo futsi nalabasikati bafanele kuzitsa, bangahlebi, batitsibe, betsembeke kuko konkhe.

1 kuThimothi 3:3

lengesiso sidzakwa, lengatitsatseli etulu tintfo, kodvwa lemnene, lengenalo luchweba, lengayitsandzi imali.

YaJakobe 3:17

Kodvwa kuhlakanipha lokuchamuka ngetulu kwekucala kumsulwa, bese kuba nekuthula, nekutfobeka, nekulalela, kugcwele bubele netitselo letihle; akunalo lubandlululo nekutentisa.

YaJakobe 4:11

Bazalwane, ningahlebani. Lowo lohleba umzalwane nome ehlulele umzalwane wakhe, uhleba umtsetfo ehlulele umtsetfo. Nangabe wehlulela umtsetfo, awusiye umenti wemtsetfo, kodvwa ungumehluleli wawo.

1 yaPhetro 2:1

Ngako lahlani bonkhe bubi, nebucili bonkhe, nekutentisa, nemona, nako konkhe kuhleba.

1 yaPhetro 3:10

Ngobe umBhalo utsi: “Lowo lotsandza kuphila nekubona emalanga lamahle, akabambe lulwimi lwakhe kulokubi, nemlomo wakhe ekukhulumeni inkhohliso.

1 yaPhetro 3:8

Kwekugcina-ke, hawukelanani, nibe munye nonkhe, nitsandzane ngebuzalwane, nibe nebubele nekutfobeka.

1 yaPhetro 4:4

Ayamangala kutsi anisahambisani ngani nawo kulomsindvo wekutiphatsa kabi, ayanetfuka.

2 yaPhetro 2:10

ikakhulu labo labahamba etinkhanukweni temvelo tekutingcolisa, bedzelela baphatsi. Bangemaphikankhani, bayatigcabha, abesabi nekuhlambalata benkhatimulo;

YaJuda 1:10

Kodvwa labantfu betfuka nome yini labangayicondzi kahle; kantsi letintfo labativa ngekwemvelo yabo, njengetilwane tesiganga, ngito-ke letintfo letibabhubhisako.

YaJuda 1:8

Benta njalo-ke nalabantfu; banemibono emaphusheni abo lebenta bahlazise imitimba yabo. Abafuni nekuyalwa yiNkhosi. Bayawedzelela emandla aNkulunkulu, betfuka netidalwa tangetulu tenkhatimulo.