kuThithusi 2:2 - Siswati 1996 Bible

² Uyale emadvodza lamadzala kutsi atitsibe, azitse, acondze, acine ekukholweni, naselutsandvweni, nasekuciniseleni.

kuThithusi 2:2 Cross References

Jobe 12:12

Kuhlakanipha akutfolakali yini kulabadzala? Imphilo lendze ayikuletsi yini kucondza?

Tihlabelelo 92:14

Ebudzaleni babo bayawuchubeka batsele titselo, bafanane netihlahla letihlala tiluhlata, ngobe tona tihlala ticinile,

Taga 16:31

Budzala bungumvuzo wemphilo yekulunga; timvu tingumchele walabalungile.

Isaya 65:20

“Kungeke kuphindze kube nemntfwana kuyo loyawuphila emalangana lambalwa, nome kube nelichegu lelingeke likhule lize likhokhobe. Umuntfu loyakufa aneminyaka lelikhulu ngebudzala uyawutsatfwa ngekutsi abesemusha, lowo longayiwufika eminyakeni lelikhulu budzala uyawutsatfwa ngekutsi ucalekisiwe.

Levithikusi 19:32

“ ‘Niyawutitfoba embikwalasebakhulile, nibahloniphe, nidvumise Nkulunkulu wenu. NginguSimakadze.

Makho 5:15

Befika kuJesu bayibona lendvodza lebeyikadze inemadimoni, lebeyibitwa ngekutsi nguSibanyenti. Beyihleti phansi, yembetse kahle, isangulukile nasemcondvweni. Betfuka, besaba.

Lukha 8:35

Bantfu baphuma sebayawubona lokwasekwentekile. Batsi beta kuJesu, bakhandza lomuntfu labenemadimoni ahleti ngasetinyaweni taJesu, embetse kahle, nemcondvo wakhe sewusangulukile; bonkhe bantfu besaba.

Imisebenti yebaPhostoli 24:25

Kodvwa asachubeka achaza ngekutiphatsa kahle, kutibamba nangekugwetjwa lokuseta, Feliksi wetfuka watfutfumela wadzimate watsi: “Kwamanje ase uhambe. Ngitawuphindze ngikubite, nase ngitfole lesinye sikhatsi.”

KubaseRoma 12:3

Ngenca yesipho semusa saNkulunkulu kimi, ngitsi kini nonkhe: Ningacabangi kutsi nibakhulu kunaloku leningiko. Esikhundleni saloko zitsani ekucabangeni kwenu, ngulowo nalowo atehlulele ngebungako bekukholwa kwakhe lakunikwe nguNkulunkulu.

1 kubaseKorinthe 15:34

Sangulukani; ningaphindzi none, ngobe labanye abamati Nkulunkulu. Ngikusho loko khona nitewuba nemahloni.

1 kubaseKorinthe 9:25

Bantfu labancintisanako batitsiba kuko konkhe, bukani-ke ngobe labo basuke bentela kutfola umklomelo lophelako, kangakanani-ke tsine lesiyakwemukela umklomelo longeyiwuphela.

2 kubaseKorinthe 5:13

Nangabe sibukeka sitinhlanya, kungenca yaNkulunkulu. Nangabe sibukeka singahlanyi, kungenca yenu.

KubaseGalathiya 5:23

nekutfobeka, nekutibamba; kute umtsetfo lophambene naletintfo.

KubaseFiliphi 4:8

Lekugcina, bazalwane, gcwalisani tinhlitiyo tenu ngako konkhe lokuliciniso, nangako konkhe lokuhloniphekako, nangako konkhe lokulungile, nangako konkhe lokumhlophe, nangako konkhe lokutsandzekako, nangako konkhe lokutusekako. Nome ngabe kukhona lokuhle, nome ngabe kukhona lokubongekako, cabangani ngaloko.

1 kubaseThesalonika 5:6

Ngako-ke, asingalali njengalabanye; kufanele silindze sizitse.

1 kubaseThesalonika 5:8

Kodvwa tsine lesibemini asizitse, sembatse sivikelo sesifuba lesikukholwa nelutsandvo, sifake nempantitje lelitsemba letfu lensindziso.

1 kuThimothi 1:10

wabekelwa netingwadla, netiphingi, nalabadvuna labalalanako, nebatfumbi bebantfu, nalabacala emanga, nabofakazi bemanga, nalabenta nome ngabe yini lephambene nemfundziso lengiyo.

1 kuThimothi 1:14

INkhosi yamane yangibabala ngemusa wayo yangipha kukholwa nelutsandvo lolukuKhristu Jesu.

1 kuThimothi 1:2

Iya kuThimothi, umntfwanami sibili ekukholweni. Umusa, nebubele, nekuthula lokuvela kuNkulunkulu, longuBabe, nakuKhristu Jesu iNkhosi yetfu, akube nawe.

1 kuThimothi 1:5

Empeleni injongo yemyalo wetfu kuvusetela lutsandvo loluphuma enhlitiyweni lemhlophe, nakunembeza lomsulwa, nasekukholweni lokute kutentisa.

1 kuThimothi 3:11

Kanjalo futsi nalabasikati bafanele kuzitsa, bangahlebi, batitsibe, betsembeke kuko konkhe.

1 kuThimothi 3:2

Umbonisi kufanele kube yindvodza lengasoleki, lenemfati munye, letibambako, lezitsile, lehloniphekile, lephatsa kahle tihambi, lenemasu ekufundzisa,

1 kuThimothi 3:4

Umbonisi kufanele abe ngulophetse kahle umuti wakhe, afundzise ngekuhlonipheka konkhe kutsi bantfwabakhe batfobeke.

1 kuThimothi 3:8

Ngalokufananako futsi nebadikhoni kufanele bazitse, bangabi nalo lulwimi lolumphacambili; bangabi tigcili talokudzakisanako, bangahaheli inzuzo lembi.

1 kuThimothi 5:1

Ungayikhahli indvodza lendzala, kodvwa uyiyale kube shangatsi uyala uyihlo; labadvuna labasebancane ubaphatse shangatsi uphetse bomnakenu.

kuThithusi 1:13

Lobufakazi buliciniso. Ngako-ke bekhute kamatima, khona batewucina ekukholweni,

kuThithusi 1:8

Kodvwa kufanele aphatse kahle tihambi, atsandze lokulungile, aticaphele abe cotfo, abe ngcwele, atibambe.

kuThithusi 2:7

Wena-ke ube sibonelo lesihle ngato tonkhe tindlela. Ufundzise ngebucotfo nangekutimisela,

kuFilemoni 1:9

kodvwa ngenca yelutsandvo ngiyakuncenga. Mine Pawula, njengemuntfu losamdzala nyalo, nalosasiboshwa ngenca yaKhristu Jesu,

1 yaPhetro 1:13

Ngaloko-ke bophani tinkhalo tengcondvo yenu, nititsibe, netsembe ngalokuphelele umusa lenitakwabelwa wona ekwembulweni kwaJesu Khristu.

1 yaPhetro 4:7

Siphetfo sato tonkhe tintfo sesisondzele. Ngako-ke tibambeni, nititsibe khona nitekwati kukhuleka.

1 yaPhetro 5:8

Zitsani, nilindze. Sitsa senu, Sathane, siyajangaza emkhatsini wenu njengelibhubesi lelibhodlako, sitfungatsa lesingahle simmite.

2 yaPhetro 1:6

nasekwatini nengete kutitsiba, nasekutitsibeni nengete kukhutsatela, nasekukhutsateleni nengete kumesaba Nkulunkulu,