kuThithusi 1:4 - Siswati 1996 Bible

⁴ Lencwadzi iya kuThithusi, umntfwanami weliciniso ngekukholwa. Akube kuwe umusa nekuthula lokuvela kuNkulunkulu, longuBabe, nakuKhristu Jesu, uMsindzisi wetfu.

kuThithusi 1:4 Cross References

Lukha 2:11

ngobe lamuhla nitalelwe emtini waDavide uMsindzisi longuKhristu iNkhosi.

Johane 4:42

Base batsi kulomfati: “Manje asisakholwa ngobe kushito wena, kodvwa ngobe natsi nje, matfupha, sesitivele futsi sesitibonele kutsi nguye ngempela uMsindzisi welive.”

KubaseRoma 1:12

Ngisho kutsi nine nami sitewusitakala kanyekanye, nine ngekukholwa kwami, nami ngekukholwa kwenu.

KubaseRoma 1:7

Lencwadzi iya kubo bonkhe labatsandzekako baNkulunkulu labaseRoma, lababitelwa kutsi babe ngulabangcwele. Akube kini umusa nekuthula lokuvela kuBabe wetfu Nkulunkulu naseNkhosini Jesu Khristu.

2 kubaseKorinthe 12:18

Ngakhutsata Thithusi kutsi ahambe, ngatfuma umzalwane kutsi ahambe naye. Ngobe loThithusi wanihlakaniphela yini? Sasingatenti ngamoya munye yini tintfo? Asititsatsanga yini tinyatselo letifanako?

2 kubaseKorinthe 2:13

Kodvwa ngabate kuphumula emphefumulweni, ngobe ngangingakamboni Thithusi umzalwane. Ngako-ke ngase ngiyabavalelisa, ngaya eMasedoniya.

2 kubaseKorinthe 4:13

UmBhalo utsi: “Ngangikholwa kuNkulunkulu, ngako ngakhuluma.” Natsi futsi sinawo lowo moya wekukholwa kuNkulunkulu, ngako-ke sikhuluma

2 kubaseKorinthe 7:6

Kodvwa Nkulunkulu lodvudvuta labanetinhlitiyo letephukile, wasidvudvuta ngekufika kwaThithusi.

2 kubaseKorinthe 8:16

Kodvwa akabongwe Nkulunkulu lobeke enhlitiyweni yaThithusi lenshisekelo lenjengeyetfu yekunisita.

2 kubaseKorinthe 8:23

Thithusi-ke yena sibambisene naye emsebentini wekunikhonta. Labazalwane-ke, batitfunywa temabandla, baludvumo kuKhristu.

2 kubaseKorinthe 8:6

Ngiko nje sacela Thithusi kutsi acedzele lowo msebenti wemusa nakini, njengobe wawuvele usetandleni takhe kwasekucaleni.

KubaseGalathiya 2:3

Ngisho naThithusi, umGriki labekanye nami, abamcindzetelanga kutsi asoke.

KubaseGalathiya 3:26

Ngako-ke nonkhe ningemadvodzana aNkulunkulu ngekukholwa nguKhristu Jesu.

KubaseGalathiya 3:28

Kute umJuda nemGriki, kute sigcili nalokhululekile, kute lomdvuna nalomsikati, nonkhe nimunye kuKhristu Jesu.

Kubase-Efesu 1:2

Akube kini umusa nekuthula lokuvela kuNkulunkulu longuBabe wetfu, nakuJesu Khristu iNkhosi.

KubaseKholose 1:2

Iya kubazalwane labangcwele baseKholose, labakholwa nguKhristu Jesu ngekwetsembeka. Akube kini umusa nekuthula lokuvela kuNkulunkulu, longuBabe wetfu.

1 kuThimothi 1:12

Ngiyambonga Khristu Jesu iNkhosi yetfu longiphe emandla, ngobe wangetsemba ngekungifaka emsebentini wakhe.

2 kuThimothi 1:1

Lencwadzi iphuma kuPawula, umphostoli waKhristu Jesu ngekwentsandvo yaNkulunkulu lowetsembisa kuphila lokukuKhristu Jesu.

2 kuThimothi 1:2

Iya kuThimothi, umntfwanami lotsandzekako. Akube kuwe umusa, nebubele, nekuthula lokuvela kuNkulunkulu, longuBabe, nakuKhristu Jesu iNkhosi yetfu.

2 kuThimothi 4:10

Demasi sewungibalekele waya eThesalonika, ngenca yekutsandza lelive. Khresensi waya eGalathiya, Thithusi waya eDalmathiya;

kuThithusi 1:3

Kodvwa ngesikhatsi lesifanele sekubonakaliswe evini lakhe ngekushumayela lengiphatsiswe kona mine ngekwemyalo waNkulunkulu, uMsindzisi wetfu.

kuThithusi 2:13

ngesikhatsi sisabheke kugcwaliseka kwelitsemba lelibusisekile, kubonakala kwenkhatimulo yebukhosi baNkulunkulu lomkhulu, uMsindzisi wetfu Khristu Jesu.

2 yaPhetro 1:1

Lencwadzi iphuma kuSimoni Phetro, inceku nemphostoli waJesu Khristu. Iya kini lenemukele kukholwa lokuligugu njengekwetfu. Nikwemukele ngekulunga kwaNkulunkulu neMsindzisi wetfu Jesu Khristu.

2 yaPhetro 1:11

kodvwa niyawunikwa lilungelo leliphelele lekungena embusweni waphakadze weNkhosi neMsindzisi wetfu Jesu Khristu.

2 yaPhetro 2:20

Ngobe nangabe kungcoliswa ngulomhlaba bakubalekele ngekwati iNkhosi lenguMsindzisi wetfu Jesu Khristu, baphindze behlulwa ngiko, sigcino sabo sibi kakhulu kunesicalo sabo.

2 yaPhetro 3:18

Kodvwa khulani emseni nasekuyatini iNkhosi neMsindzisi wetfu Jesu Khristu. Ludvumo alube kuye manje kuze kube phakadze. Amen.

2 yaPhetro 3:2

nikhumbule emavi lakhulunywa kwakucala baphrofethi labangcwele, nikhumbule nemyalo weNkhosi neMsindzisi lenafundziswa wona baphostoli benu.

1 yaJohane 5:14

Sinesibindzi kutsi nasicela lutfo kuNkulunkulu ngekwentsandvo yakhe, uyasiva.

YaJuda 1:3

Batsandzekako bami, bengitimisele kutsi nginibhalele ngikhulume ngalensindziso lesihlanganyele kuyo. Kodvwa ngibone kunesidzingo lesimatima sekutsi nginibhalele nginikhutsate kutsi nilwele kukholwa lokuphiwe bantfu baNkulunkulu kwaba kanye kwenela, sonkhe tsine lesibakhe.