KubaseGalathiya 3:12 - Siswati 1996 Bible

¹² Umtsetfo awukasimi ekukholweni, kodvwa “lowo lowentako uyawuphila ngawo.”

KubaseGalathiya 3:12 Cross References

Nehemiya 9:29

“Wabeluleka kutsi ababuyele emtsetfweni wakho, kodvwa bona bakudvwalela, bangete bayihlonipha imiyalo yakho. Bona ngekuphambana netimiso takho lekufanele umuntfu aphile ngato nangabe atihlonipha. Bakufulatsela ngenkhani, baba netinhlitiyo letilukhuni, bala kulalela wena.

Hezekeli 20:11

Ngabanika timiso tami, ngabatisa imitsetfo yami, ngobe umuntfu loyilalelako uyawuphila ngayo.

Hezekeli 20:13

“ ‘Noko bantfu baka-Israyeli bangivukela ehlane. Bangete bahamba ngetimiso tami, bayala imitsetfo yami, noko umuntfu loyilalelako uyawuphila ngayo, bawona kakhulu emaSabatha ami. Ngako ngatsi ngitawutfululela lulaka lwami etikwabo ngibabhubhisele ehlane.

Levithikusi 18:5

Gcinani, nihambe, ngetimiso nemitsetfo yami, ngobe lowo loyihloniphako uyawuphila ngayo. NginguSimakadze.

Matewu 19:17

Jesu watsi kulo: “Ungibutelani ngalokulungile? Munye kuphela lolungile. Kepha nawutsandza kungena ekuphileni, gcina imiyalo!”

KubaseRoma 11:6

Kukhetsa kwakhe kungemusa wakhe, hhayi ngemisebenti. Ngobe kube kukhetsa kwaNkulunkulu bekungemisebenti, ngabe lomusa wakhe awusesiwo.

KubaseRoma 4:14

Ngobe nangabe tindlalifa kungulabo labalalela umtsetfo, kukholwa kucitsekile, nesetsembiso sibhidlikile.

KubaseRoma 4:16

Ngako-ke setsembiso semukelwa ngekukholwa, khona konkhe kuyawuba ngemusa waNkulunkulu, ngaleyo ndlela-ke setsembiso siphiwe wonkhe umuntfu loyintalo ya-Abrahama. Lentalo ya-Abrahama-ke akusibo labo labagcina umtsetfo nje kuphela, kodvwa ngibo nalabo labakholwa njengaye. Abrahama ungubabe wetfu sonkhe,

KubaseRoma 7:10

ngase ngiyafa, lomyalo lowawufanele kuba kuphila wagucuka waba kufa kimi.