Joshuwa 8:12 - Siswati 1996 Bible

¹² Joshuwa abetsetse emadvodza labengaba ti-5 000, wawabhacisa emkhatsini weBetheli ne-Ayi, kuya ngasenshonalanga nelidolobha.

Joshuwa 8:12 Cross References

Genesisi 12:8

Wesuka waya etintsabeni tangasemphumalanga neBetheli, wafike wemisa lithende lakhe khona; iBetheli beyingasenshonalanga, i-Ayi beyingasemphumalanga. Nakhona lapho wafike wakhela Simakadze lilati; wakhuleka kuSimakadze.

Genesisi 28:19

Lendzawo wayetsa libito watsi yiBetheli, kodvwa ekucaleni lelidolobha lalibitwa ngekutsi yiLuzi.

Joshuwa 8:11

Onkhe lawo mabutfo labehamba nawo enyuka acondza edolobheni efike emisa embikwalo ngasenyakatfo ne-Ayi, kwaba nesihosha emkhatsini wabo nelidolobha i-Ayi.

Joshuwa 8:13

Bemisa emabutfo etindzaweni tawo onkhe, lawo labesenkambu ngasenyakatfo nelidolobha, kwatsi lawo labebhacisiwe aba ngasenshonalanga kwalo. Ngalobo busuku Joshuwa wehlela esihosheni.

Tikhulu 1:22

Umndeni wakaJosefa nawo wahlasela iBetheli, kantsi futsi naSimakadze abenawo.

1 Samuweli 15:5

Sawula wahamba waya kulelidolobha lema-Amaleki, wafike wabhaca esihosheni.