Joshuwa 8:10 - Siswati 1996 Bible

¹⁰ Ekuseni ngakusasa Joshuwa wabutsa emabutfo, wase uhlela baholi besive kanye nesive sema-Israyeli, bawahola bacondza nawo e-Ayi.

Joshuwa 8:10 Cross References

Genesisi 22:3

Ngakusasa ekuseni ngeluvivi, Abrahama wavuka, wabophela imbongolo yakhe, watsatsa tisebenti takhe taba timbili kanye nendvodzana yakhe Isaka. Wakabha tinkhuni temhlatjelo labetawufike awushise, besuka bahamba baya kuleyo ndzawo Nkulunkulu labemlayele yona.

Tihlabelelo 119:60

Angicitsi sikhatsi, ngivele ngiphutfume, ngigcine imiyalo yakho.

Joshuwa 3:1

Ngakusasa ekuseni Joshuwa nesive sonkhe sema-Israyeli bavuka kuseluvivi, besuka eShithimu bacondza eJordane, lapho bafike bakamba khona bangakeweleli ngesheya.

Joshuwa 6:12

Joshuwa wavuka ekuseni ngeluvivi ngakusasa, baphristi batsatsa libhokisi lesivumelwane saSimakadze.

Joshuwa 7:16

Ekuseni ngakusasa Joshuwa waletsa ema-Israyeli ngembili, sive ngesive; kwatsatfwa sive sakaJuda.

Joshuwa 8:11

Onkhe lawo mabutfo labehamba nawo enyuka acondza edolobheni efike emisa embikwalo ngasenyakatfo ne-Ayi, kwaba nesihosha emkhatsini wabo nelidolobha i-Ayi.

Joshuwa 8:9

Ngako Joshuwa wabakhipha, baya endzaweni lapho bafike babhaca khona emkhatsini weBetheli ne-Ayi, enshonalanga ne-Ayi. Joshuwa wacitsa lobo busuku nebantfu enkambu.