Joshuwa 7:26 - Siswati 1996 Bible

²⁶ Etikwa-Akhani babutsisa indvundvuma lenkhulu yematje, lesolomane isesekhona lapho nalamuhla loku. Ngako Simakadze wagucuka ekutfukutseleni kwakhe lokwesabekako. Ngako-ke leyo ndzawo seyabitwa ngekutsi Sihosha sase-Akhori kusukela ngalelo langa. Ngako Simakadze wagucuka ekutfukutseleni kwakhe lokwesabekako.

Joshuwa 7:26 Cross References

2 Samuweli 18:17

Atsatsa sidvumbu sa-Absalomu asijika esihholweni ehlatsini, ambonya lesihholo ngendvundvuma yematje. Ngaleso sikhatsi onkhe ema-Israyeli labehamba na-Absalomu abaleka abuyela emakhaya awo.

2 Samuweli 21:14

Base bangcwaba lamatsambo aboSawula nemsa wakhe Jonathani edlizeni laKhishi, uyise waSawula, eSela, kulakaBhenjamini, benta konkhe labebakutjelwa yinkhosi Davide. Emvakwaloko-ke Nkulunkulu wawuphendvula umthandazo welive.

2 Tikhronike 29:10

“Manje sengitimisele kwenta sivumelwane naSimakadze Nkulunkulu wema-Israyeli, kuze kutsi intfukutselo yakhe leyesabekako itewusuka lapha kitsi.

Ezra 10:14

Tindvuna tetfu atente lomsebenti esikhundleni salo lonkhe lelibandla. Kutawube sekutsi ngulowo nalowo kulamadolobha etfu loteke umfati wetive ete ngaleso sikhatsi lesibekiwe akanye nebaholi nebehluleli balelo dolobha, kuze kutsi intfukutselo leyesabekako yaNkulunkulu wetfu kulendzaba isuke kitsi.”

Tihlabelelo 85:4

Sibuyise, Nkulunkulu wensindziso yetfu! Lahla kucansuka kwakho ngatsi.

Eksodusi 32:12

Pho, kudzingeke ngani kutsi emaGibhithe abe asatsi: ‘Wabakhipha ngebucili eGibhithe wabe sewubabulala ngekubacitsa ebusweni bemhlaba baphelela etintsabeni bonkhe’? Mane uluyekele lulaka lwakho loluvutsako, ucole, ungasehliseli imbhubhiso lesive sakho.

Isaya 40:2

“Khulumani kahle kubaseJerusalema, nimemetele kubo kutsi umshikashika wabo wemsebenti sewuphelelisiwe, nekutsi licala lesono sabo selihlawulelwe, nekutsi sebatfole ngalokuphindziwe esandleni saSimakadze ngaletono tabo.”

Isaya 65:10

ISharoni iyawuba lidlelo lemihlambi yetimvu netimbuti, kutsi Sigodzi sase-Akhori sibe yindzawo yekuphumula imihlambi yetinkhomo, yebantfu bami labangifunako.

Sililo 3:53

Betama kucedzela imphilo yami emgodzini, bangijikijela ngematje,

Hoseya 2:15

Ngulapho-ke ngitambuyisela khona tivini takhe, ngente Sigodzi sase-Akhori sibe ngumnyango welitsemba. Ngulapho-ke lapho ayawuhlabela khona njengasemalangeni akhe ebusha, nanjengalelo langa laphuma ngalo eGibhithe.

Hoseya 2:17

“Emabito aboBhali ngiyakuwesusa emlonyweni wakhe; nemabito abo angeke asacelelwa lusito.

Joweli 2:13

Dzabulani tinhlitiyo tenu, hhayi tembatfo tenu. Buyelani kuSimakadze Nkulunkulu wenu, ngobe unemusa nesihawu, uyephuta kutfukutsela, unelutsandvo loluphuphumako, atsambe, angete ayehlisa inhlekelele.

Joweli 2:18

Simakadze utawuba nenshisekelo ngelive lakhe, asihawukele sive sakhe.

Jona 1:15

Ngako-ke base batsatsa Jona, bamjikijela elwandle, lwase luyathula lutsi nya.

Zakhariya 6:8

Ingilosi yabe seyiyangimemeta, yatsi kimi: “Ase ubuke, lawa lacondze ngaseveni langasenyakatfo asatawubeka Moya wami phansi abe nekuthula eveni lasenyakatfo.”

Numeri 25:8

walandzela lendvodza yem-Israyeli waze wayawungena ethendeni layo. Wafike wabagwaza bobabili, sikhali sangena kulom-Israyeli saze sayawuphumela ngale kulona lomsikati. Lesishayo lesasihlasele ema-Israyeli sakhawula,

Dutheronomi 13:17

Kute nome yinye yaleto tintfo letilahliwe lekufanele titfolakale etandleni tenu, kuze Simakadze atewugucuka ekutfukutseleni kwakhe lokwesabekako. Uyakunentela umusa abe nesihawu kini, anandzise, njengobe afunga kuboyihlomkhulu,

Dutheronomi 13:18

ngobe phela nimlalele Simakadze Nkulunkulu wenu, nagcina yonkhe imiyalo yakhe lengininika yona lamuhla, nenta lokulungile embikwakhe.”

Joshuwa 10:27

Kwatsi nakushona lilanga, Joshuwa wabatfuma batetfula letidvumbu etihlahleni, batijika kulomgedze labebhace kuwo lamakhosi. Emnyango wawo babeka tingcuzuma tematje lasolomane ahlala lapho kuze kube ngulamuhla.

Joshuwa 7:24

Ngako Joshuwa naso sonkhe sive saka-Israyeli, batsatsa Akhani, umsa waZera, nesiliva, nengubo, nalolucetu lwegolide, nemadvodzana nemadvodzakati akhe, netinkhomo netimbongolo takhe, netimvu takhe, nelithende lakhe, nako konkhe labenako, bakuyisa eSihosheni sase-Akhori.

Joshuwa 8:29

Joshuwa lenkhosi yase-Ayi wayilengisa esihlahleni, wayishiya khona lapho kwaze kwahlwa. Kwatsi nakushona lilanga, Joshuwa wayala bantfu kutsi abetfule sidvumbu sayo esihlahleni, basijike ekungeneni kwelisango lelidolobha. Babutsisa lenkhulu indvundvuma yematje etikwalesidvumbu, leseloku yahlala kuze kube ngulamuhla.