Joshuwa 7:1 - Siswati 1996 Bible

¹ Kodvwa ema-Israyeli ona, atsatsa tintfo lokwakufanele tibhujiswe. Akhani, umsa waKhami, umsa waZabdi labenguZimri, umsa waZera, wesive sakaJuda, watsatsa letinye tato. Ngako lulaka lwaSimakadze lwasivutsela sive sema-Israyeli.

Joshuwa 7:1 Cross References

Genesisi 34:27

Emvakwekubulawa kwalabantfu, lamanye emadvodzana aJakobe eta kulelidolobha afike akhipha sibhongo sekungcoliswa kwadzadzewabo baze baphanga lelidolobha.

2 Samuweli 24:1

Lulaka lwaSimakadze lwasivutsela sive sema-Israyeli, wachukuluta Davide kutsi abavukele, watsi: “Hamba uyewubala bonkhe baka-Israyeli nebakaJuda.”

2 Emakhosi 5:24

Watsi kube Gehazi efike egcumeni, wabe sewuyatitsatsa letintfo kuletinceku, watifaka endlini; wancandzekisa letinceku, tahamba.

1 Tikhronike 21:7

Lesento futsi sasisibi ngisho nasemehlweni aNkulunkulu; ngako Nkulunkulu wawajezisa ema-Israyeli.

2 Tikhronike 24:18

Balishiya lithempeli laSimakadze, Nkulunkulu waboyisemkhulu, bakhonta tinsika tabo-Ashera netithico. Ngenca yalelo cala labo lulaka lwaNkulunkulu lwehlela etikwaJuda nasetikweJerusalema.

Ezra 9:6

ngathandaza ngatsi: “Maye, Nkulunkulu wami, ngijabhile kakhulu futsi nginemahloni kutsi ngingaphakamisela kanjani buso bami kuwe, Nkulunkulu wami, ngobe tono tetfu setiphakeme kakhulu tengama tinhloko tetfu, nebubi betfu sebufikele emazulwini.

Jobe 35:8

Bubi bakho buhlupha umuntfu lonjengawe, nekulunga kwakho kutsintsana nebantfu bemhlaba.

Umshumayeli 9:18

Kuhlakanipha kuncono kunetikhali temphi, kodvwa soni lesisodvwa sibhubhisa lokuhle lokukhulu, lokwentiwe kahle.

Danyela 9:7

“Simakadze, wena ulungile, kodvwa lamuhla nje sesitseleke ngelihlazo, bantfu bakaJuda netakhamiti taseJerusalema, nawo onkhe ema-Israyeli, yebo, labasedvute nalabakhashane kuwo onkhe emave, lapho usisakatele khona ngenca yekungetsembeki kwetfu kuwe.

Levithikusi 10:6

Mosi wakhuluma ku-Aroni nemadvodzana akhe bo-Eleyazare na-Ithamari, watsi: “Tinwele tenu ningatiyekeli tingemahlutse, kantsi netimphahla tenu akufuneki nitidzabule. Funa nitsi niyakwenta loko nife, nelulaka lwaNkulunkulu lwehlele sive sonkhe. Kodvwa ema-Israyeli wona avumelekile kutsi abazilele labazalwane babo lababulewe ngumlilo lophume kuSimakadze.

Jona 1:7

Ematilosi emkhumbi akhuluma odvwana, atsi: “Wotani, sitekwenta inkatho sibone kutsi ngubani lona losidvonsele lomkhokha.” Ngako-ke base benta inkatho; inkatho yadla Jona.

Joshuwa 22:16

“Sonkhe sive saSimakadze sitsi: ‘Niyenteleni lentfo lembi kangaka kuNkulunkulu wema-Israyeli? Nimshiyeleni Simakadze namhlubuka lamuhla ngekutakhela lilati?

Joshuwa 22:18

Manje senimshiyile yini Simakadze? “ ‘Lamuhla nanihlubuka Simakadze, kusasa utasitfukutselela sonkhe lesive sema-Israyeli.

Joshuwa 22:20

Khumbulani Akhani, umsa waZera, lowatsatsa tintfo lebekungakafaneli kutsi atitsatse; lulaka alusehlelanga sonkhe yini sive? Akuzange kufe yena yedvwa ngaleso sono sakhe.’ ”