Joshuwa 6:7 - Siswati 1996 Bible

⁷ Wakhuluma esiveni watsi: “Chubekani! Hambani nitungelete lidolobha, tingadzi letihlomile tihambe embili, ngembili kwelibhokisi lesivumelwane saSimakadze.”

Joshuwa 6:7 Cross References

Joshuwa 1:14

Bafati benu nebantfwabenu, netifuyo tenu kungahlala kulelive Mosi laninika lona ngasemphumalanga kweJordane, kodvwa nine nonkhe madvodza emphi lenihlomile, kufanele newele iJordane embikwebanakenu. Kufanele nibasite banakenu,

Joshuwa 4:13

Emadvodza labengaba ti-40 000 labehlomele imphi endlula embikwaSimakadze ewelela ematsafeni aseJerikho ayakulwa imphi.

Joshuwa 6:3

Wena nemabutfo akho onkhe hambani nitungelete lelidolobha kanye. Loko niyawukwenta emalanga lasitfupha.

Joshuwa 6:6

Ngako Joshuwa, umsa waNuni, wabita baphristi wakhuluma kubo, watsi: “Tsatsani libhokisi lesivumelwane saSimakadze, bese kutsi baphristi labasikhombisa baphatse emacilongo lasikhombisa embikwalo.”

Joshuwa 6:8

Watsi kube Joshuwa akhulume esiveni, baphristi labasikhombisa baphatsa emacilongo lasikhombisa lentiwe ngetimphondvo tetimvu, bawaphatsa embikwaSimakadze bachubeka, bashaya emacilongo abo, kwatsi libhokisi lesivumelwane saSimakadze labalandzela ngemuva.