Joshuwa 6:12 - Siswati 1996 Bible

¹² Joshuwa wavuka ekuseni ngeluvivi ngakusasa, baphristi batsatsa libhokisi lesivumelwane saSimakadze.

Joshuwa 6:12 Cross References

Genesisi 22:3

Ngakusasa ekuseni ngeluvivi, Abrahama wavuka, wabophela imbongolo yakhe, watsatsa tisebenti takhe taba timbili kanye nendvodzana yakhe Isaka. Wakabha tinkhuni temhlatjelo labetawufike awushise, besuka bahamba baya kuleyo ndzawo Nkulunkulu labemlayele yona.

Dutheronomi 31:25

wabe sewunika lomyalo kumaLevi labenguwona etfwala libhokisi lesivumelwane saSimakadze, watsi:

Joshuwa 3:1

Ngakusasa ekuseni Joshuwa nesive sonkhe sema-Israyeli bavuka kuseluvivi, besuka eShithimu bacondza eJordane, lapho bafike bakamba khona bangakeweleli ngesheya.

Joshuwa 6:11

Ngako Joshuwa wenta kutsi libhokisi lesivumelwane saSimakadze litungelete lidolobha kanye ngelilanga. Emvakwaloko bantfu babebuyela enkambu bayewulala khona.

Joshuwa 6:13

Baphristi labasikhombisa lababephetse emacilongo lasikhombisa lentiwe ngetimphondvo tetimvu beta ngembili, bahamba embikwelibhokisi lesivumelwane saSimakadze, bahamba bashaya lamacilongo. Lamadvodza labehlomile abehamba embikwabo, leti letinye tingadzi tatihamba ngemuva kwelibhokisi lesivumelwane saSimakadze, lamacilongo abechubeka ashaywa.

Tikhulu 20:19

Ngakusasa ekuseni, baka-Israyeli bavuka bayawumisa babhekana neGibeya.