Joshuwa 5:13 - Siswati 1996 Bible

¹³ Joshuwa nasasedvute neJerikho watsi uphakamisa emehlo, wabona indvodza ime embikwakhe ihoshule inkemba yayo iyiphetse ngesandla sayo. Joshuwa wasondzela kuyo wayakuyibuta, wafike watsi: “Ukanye natsi yini nome umelene natsi?”

Joshuwa 5:13 Cross References

Genesisi 18:1

Simakadze wabonakala ku-Abrahama ngasema-okhini aMamre, ahleti ngasemnyango welithende lakhe ngesikhatsi sekushisa kwelilanga.

Genesisi 18:2

Abrahama watsi nakaphakamisa emehlo, wabona emadvodza lamatsatfu eme embikwakhe. Watsi kube awabone, wesuka emnyango welithende lakhe wagijima wawahlangabeta, wafike wakhotsama,

Genesisi 28:16

Jakobe waphaphama ebutfongweni, watsi: “Kantsi Simakadze ukulendzawo, bengingakwati-ke loku.”

Genesisi 33:1

Jakobe watsi uphakamisa emehlo, wabona Esawu eta nemadvodza akakhe langemakhulu lamane. Wehlukanisa bantfwabakhe emkhatsini waLeya, naRakheli netincekukati tabo letimbili.

Genesisi 33:5

Esawu watsi uyabuka wabona bafati nebantfwana, wabuta watsi: “Bobani laba lohamba nabo?” Jakobe wamphendvula watsi: “Laba-ke bantfwana Nkulunkulu layiphe bona inceku yakho.”

1 Tikhronike 12:22

Imihla nemalanga emadvodza abeta kutawusita Davide, waze waba nemphi lenkhulu lenemandla.

1 Tikhronike 21:27

Simakadze wase ukhuluma kulengilosi, ingilosi yabuyisela inkemba yayo esikhwameni sayo.

1 Tikhronike 21:30

Kodvwa Davide abenganakuhamba embikwalo kutsi ayewubuta kuNkulunkulu, ngobe abesaba inkemba yengilosi yaSimakadze.

Eksodusi 23:23

Lengilosi yami iyawuhamba ngembili kwenu iningenise eveni lema-Amori, nelemaHethi, nelemaPheresi, nelemaKhenani, nelemaHivi, nelemaJebhusi, mine-ke ngibacotfule baphele nya.

Danyela 10:5

ngatsi ngiyabuka, ngabona embikwami kume umuntfu embetse telineni, atibophe ngelibhande legolide lecengekile elukhalo.

Danyela 8:3

Ngatsi ngiphakamisa emehlo, ngabona embikwami kunesihhanca sinetimphondvo letimbili, sime eceleni kwalomfula, letimphondvo tatitindze. Lolunye lwaletimphondvo lwaluludze kunalolu lolunye, kodvwa lwamila kamuva.

Zakhariya 1:8

Kwatsi ebusuku ngaba nembono, kwatsi embikwami ngabona indvodza leyayigibele lihhashi lelibovu! Yayime emkhatsini wetihlahla temibomvana, emfudlaneni. Emvakwayo bekunemahhashi labovu, nalabubendze, nalamhlophe.

Numeri 22:23

Imbongolo yatsi kube ibone lengilosi ime endleleni, yelule inkemba yayo iyiphetse ngesandla, yaphambuka endleleni yacondza esigangeni. Bhalamu wayishaya, ayibuyisela endleleni.

Numeri 22:31

Simakadze wase uvula emehlo eBhalamu, wayibona lengilosi yaSimakadze ime endleleni yelule inkemba yayo. Ngako watitfoba, wawa phansi ngebuso.

Imisebenti yebaPhostoli 1:10

Babeloku babukisisile etulu nakahamba, kwase kubonakala emadvodza lamabili embetse letimhlophe eme eceleni kwabo.

Joshuwa 6:2

Simakadze wakhuluma kuJoshuwa, watsi: “Buka la, iJerikho sengiyetfule esandleni sakho, yona nenkhosi yayo kanye nemabutfo ayo.

Sembulo 1:13

Emkhatsini wato kwakukhona labefanana neNdvodzana yemuntfu, embetse umjiva lomudze, abophe ngembhenso wegolide esifubeni sakhe.

Tikhulu 13:11

Manowa wasukuma walandzela umfati wakhe. Watsi nakefika kulomuntfu, wambuta, watsi: “Unguye yini lona lowafika wakhuluma kumkami?” Watsi: “Nginguye.”

Tikhulu 13:22

Manowa wakhuluma kumkakhe, watsi: “Sitakufa! Sibone Nkulunkulu!”