Joshuwa 4:6 - Siswati 1996 Bible

⁶ loko kube luphawu emkhatsini wenu. Kuyawutsi bantfwabenu nababuta, batsi: ‘Lamatje lawa asho kutsini?’

Joshuwa 4:6 Cross References

Tihlabelelo 44:1

Yebo, Nkulunkulu! Sivile ngetindlebe tetfu bokhokho nabasitekela, tintfo lewawutenta ngemalanga abo, ngemalanga asendvulo.

Tihlabelelo 71:18

Nanyalo-ke nome sengigugile sengimphunga, ungangishiyi, Nkulunkulu, kuze ngishumayele ingalo yakho kuso situkulwane, nemandla akho kubo bonkhe labefikako.

Eksodusi 12:14

Lelilanga liyawuba sikhumbuto kini, niyawuligcina libe lilanga lemkhosi kuSimakadze. Tonkhe titukulwane tenu tiyawulenta libe lilanga lemkhosi kuze kube ngunini nanini.”

Eksodusi 13:14

Nangabe indvodzana yakho ibuta itsi: ‘Nikwentelani loku?’ uboyiphendvula utsi: ‘Simakadze wasebentisa sandla sakhe lesinemandla kusikhipha eGibhithe, lapho sasitigcili khona.

Eksodusi 13:9

Lomkhosi uyawufanana nesibonakaliso lesiboshelwe esandleni sakho nesikhumbuto lesinanyatsiselwe ebuntini lakho. Loko kuyawunikhumbuta kutsi umtsetfo waSimakadze niwati ngenhloko nikhulume ngawo, ngobe Simakadze wanikhipha eGibhithe ngesandla sakhe lesinemandla.

Eksodusi 31:13

“Khuluma kuma-Israyeli utsi ngitsi: ‘Gcinani emaSabatha ami, loku kuyawuba luphawu emkhatsini wenu nami titukulwane ngetitukulwane, kuze nati kutsi nginguNkulunkulu wenu loningcwelisako.

Isaya 38:19

Ngulabaphilako, labaphilako bodvwa, labakudvumisako wena, njengaloku ngenta nje nami lamuhla. Bobabe batjela bantfwababo ngekwetsembeka kwakho.

Isaya 55:13

Esikhundleni setihlahla temanyeva kuyawukhula tihlahla tesipheshula, esikhundleni senchachabutane kukhule mabovana. Loku kuyawuba sikhumbuto sekudvumisa Simakadze, kube sibonakaliso saphakadze, lesingeke sibhujiswe.”

Hezekeli 20:12

Ngabuye ngabanika emaSabatha ami abe sibonakaliso emkhatsini wetfu, kuze bati kutsi mine Simakadze ngimi lengabenta baba ngcwele.

Hezekeli 20:20

Gcinani emaSabatha ami angcwele, kuze abe sibonakaliso emkhatsini wetfu. Ngulapho-ke niyakwati khona kutsi nginguSimakadze longuNkulunkulu wenu.”

Numeri 16:38

tona letitja talabantfu labalahlekelwe kuphila kwabo ngenca yekona kwabo. Gcobani letitja temphepho tibe bongcwengcwe bekumbonya lilati, ngobe tanikelwa kuSimakadze tase tiba ngcwele. Setiyawuba secwayiso esiveni sema-Israyeli.”

Imisebenti yebaPhostoli 2:39

Ngobe setsembiso saNkulunkulu senu nesebantfwabenu kanye nabo bonkhe labakhashane, lowo nalowo loyawubitwa nguNkulunkulu, iNkhosi yetfu, kutsi ete kuye.”

Dutheronomi 11:19

Niyakuwafundzisa bantfwabenu nikhulume ngawo nanihleti emakhaya, nome nihamba endleleni, nome nilala, nome nivuka.

Joshuwa 22:27

kodvwa esikhundleni saloko lifanele libe bufakazi emkhatsini wetfu nani nasetitukulwaneni tetfu letiyawulandzela, kutsi Simakadze siyawumkhonta endzaweni yakhe lengcwele ngeminikelo yetfu yekushiswa, nangemihlatjelo, nangeminikelo yekuthula. Loko kuyakwenta kutsi kusasa titukulwane tenu tingabi nawo emandla ekutsi tikhulume kuleti tetfu, titsi: ‘Aninasabelo kuSimakadze.’

Joshuwa 4:21

Wakhuluma kuma-Israyeli, watsi: “Ngesikhatsi lesitako titukulwane tenu natibuta kuboyise titsi: ‘Lamatje lawa asho kutsini?’

Joshuwa 4:5

Joshuwa wakhuluma kuwo, watsi: “Hambani embikwelibhokisi lesivumelwane saSimakadze Nkulunkulu wenu, ningene ekhatsi nemfula iJordane, ngulowo nalowo wenu atsatse litje aletjatse ehlombe, kuye ngelinani letive tonkhe tema-Israyeli,