Joshuwa 2:6 - Siswati 1996 Bible

⁶ Empeleni Rahabi abewatsetse lamadvodza wawafihla etulu eluphahleni emabibini etinhlanga teflekisi labetibeke eluphahleni ngabolonina.

Joshuwa 2:6 Cross References

2 Samuweli 11:2

Kwatsi ngalelinye lilanga kusihlwa Davide wavuka embhedzeni wakhe, wahambahamba etulu endlini yakhe yebukhosi. Watsi aselapho, wabona umfati ageza. Lomfati abemuhle, acedzile.

2 Samuweli 17:19

Umfati walendvodza watsatsa kwekumbonya, wambonya ngako emnyango walomgodzi wase usakata tinhlavu etikwalokwekumbonya, kwabate lowatiko ngaloko.

1 Emakhosi 18:13

Ingabe wena, nkhosi yami, awukaze uve yini kutsi mine ngentani ngesikhatsi Jezebeli abulala baphrofethi baSimakadze? Ngabhacisa baphrofethi labalikhulu emigedzeni lemibili, baba ngema-50 kulowo nalowo mgedze, ngangibapha kudla ngibanatsise nemanti.

1 Emakhosi 18:4

Kwatsi ngesikhatsi Jezebeli abulala baphrofethi baSimakadze, Obadiya wafihla labalikhulu emigedzeni, baba ngema-50 kulowo nakulowo mgedze, abebapha kudla, abanatsise nemanti.

2 Emakhosi 11:2

Kodvwa Jehosheba, indvodzakati yenkhosi Jehoramu labengudzadzewabo-Ahaziya, watsatsa Jowashi, umsa wa-Ahaziya, wamuba, wamsusa emkhatsini walaba labanye bantfwabenkhosi labese batawubulawa. Wamtsatsa wayakumbhacisa kanye nesidzandzane sakhe ekamelweni lekulala. Bamfihla-ke lomntfwana ku-Athaliya; ngako-ke akazange asabulawa Jowashi.

Eksodusi 2:2

Lomfati wakhulelwa, watala indvodzana, watsi kube abone indlela lolwaluluhle ngayo loluswane, walufihla lwaze lwaba netinyanga letintsatfu.

Jeremiya 36:26

Esikhundleni saloko, inkhosi yatfumela boJerameli, umntfwanenkhosi, naSeraya, umsa wa-Azriyeli, naShelemiya, umsa wa-Abdeyeli, kutsi bayewubopha boBharuki, umbhali, naJeremiya, umphrofethi, kodvwa Simakadze abesabafihlile.

Matewu 24:17

Umuntfu losetikwendlu angabe asehla kuyawutsatsa lutfo lolusendlini yakhe,

Dutheronomi 22:8

“Nawakha indlu lensha, ubocaphela kutsi wakhe lutsango lolutawutungeleta luphahla lwakho, khona indlu yakho ungetiyehlisela licala lengati ngekutsi kube khona longahle awe kuyo.

KubaseKholose 3:3

Ngobe phela nafa, imphilo yenu ifihliwe kanye naKhristu kuNkulunkulu.

KumaHebheru 11:23

Ngekukholwa batali baMosi, aseluswane, bamfihla tinyanga letintsatfu, ngobe bambona kutsi muhle; abesabanga kungawulaleli umtsetfo wenkhosi yaseGibhithe.

YaJakobe 2:25

Kanjalo-ke naRahabi, ingwadla, akazange yini emukelwe nguNkulunkulu kutsi ulungile ngemisebenti yekwemukela titfunywa wabuye watikhipha ngalenye indlela?

Joshuwa 2:5

Kutsite kusihlwa nakuhwalala, nasekutawuvalwa emasango, lamadvodza aphuma ahamba. Angiwati kutsi aphume ashonaphi. Phutfumani niwacoshe. Ningahle niwabambe.”

Joshuwa 2:7

Ngako-ke letitfunywa tagijima, talandzela letinhloli, tehla ngemgwaco locondza ngasematubukweni eJordane. Tatsi kube tiphume, emasango avalwa.

Joshuwa 2:8

Tatsi tinhloli tisengakalali, Rahabi wenyuka waya kuto eluphahleni,

Joshuwa 6:25

Joshuwa wasindzisa Rahabi, ingwadla, nemndeni wakhe kanye nabo bonkhe lababenaye, ngobe watifihla tinhloli letatitfunyelwe nguJoshuwa eJerikho. Nalamuhla loku uhleti emkhatsini wema-Israyeli.