Joshuwa 2:5 - Siswati 1996 Bible

⁵ Kutsite kusihlwa nakuhwalala, nasekutawuvalwa emasango, lamadvodza aphuma ahamba. Angiwati kutsi aphume ashonaphi. Phutfumani niwacoshe. Ningahle niwabambe.”

Joshuwa 2:5 Cross References

Nehemiya 13:19

Kwatsi nase limatfunti emasangweni aseJerusalema kutawusa kube liSabatha, ngatsi akuvalwe yonkhe iminyango ingavulwa kuze kube ngusekupheleni kweliSabatha. Ngamisa lamanye emadvodza akami emasangweni kuze kungabikho umtfwalo longenako ngelilanga leliSabatha.

Isaya 60:11

Emasango akho ayawuhlala avulekile, ngeke aze avalwe, busuku nemini, kuze emadvodza aniletsele lemicebo yetive, emakhosi ato achutjwe atiboshwa.

Jeremiya 50:20

Kulawo malanga, nangaleso sikhatsi, kuyawuphenywa ngelicala laka-Israyeli, kodvwa aliyiwutfolakala, kuphenywe nangetono takaJuda, kodvwa kute nasinye lesiyawutfolakala, ngobe ngiyakuyitsetselela insali lengayishiya,” kusho Simakadze.

Hezekeli 47:12

Kuyawukhula tinhlobonhlobo tetihlahla tetitselo ngala nangale elusentseni lwemfula. Emacembe ato akasoze abune, netitselo tato tingeke tiphele. Tiyawutsela ngato tonkhe tinyanga, ngobe emanti lasuka ethempelini ageletela kuto. Titselo tato tiyawuba tekudla, bese kutsi emacembe ato abe ngewekuphilisa.”

Joshuwa 2:4

Rahabi abesawatsetse lamadvodza wawafihla. Ngako watsi: “Yebo, kona lamadvodza efikile lapha kami, kodvwa angikawati kutsi abephumaphi.

Joshuwa 2:6

Empeleni Rahabi abewatsetse lamadvodza wawafihla etulu eluphahleni emabibini etinhlanga teflekisi labetibeke eluphahleni ngabolonina.

Joshuwa 2:7

Ngako-ke letitfunywa tagijima, talandzela letinhloli, tehla ngemgwaco locondza ngasematubukweni eJordane. Tatsi kube tiphume, emasango avalwa.

Sembulo 21:25

Emasango alo ayawuhlala avuliwe sonkhe sikhatsi, ngobe sekuyawubate busuku.

1 Samuweli 19:14

Watsi kube Sawula atfumele emadvodza kutsi ayewulandza Davide ngenkhani, Mikhali wawatjela watsi: “Uyagula.”