Joshuwa 2:14 - Siswati 1996 Bible

¹⁴ Letinhloli tamnika siciniseko, tatsi: “Imphilo yenu siyibambisa ngemphilo yetfu. Nangabe nine ningeke nitjele muntfu ngalomsebenti lesite ngawo, siyakuniphatsa kahle nangekwetsembeka ngesikhatsi Simakadze asinika lelive.”

Joshuwa 2:14 Cross References

Genesisi 24:49

Manje-ke, njengobe nine nitinini tenkhosi yami, ngitjeleni, nanitsandza kuvelana nayo ngekwetsembeka. Naningatsandzi, ngitjeleni, khona phela ngitekwenta loko lokufanele ngikwente.”

Genesisi 47:29

Watsi nasatakufa, wabita indvodzana yakhe Josefa, watsi kuyo: “Nangemukeleka kuwe, beka sandla sakho ngaphansi kwelitsanga lami, wetsembise ngesifungo kimi kutsi ungeke ungingcwabe lapha eGibhithe.

2 Samuweli 2:5

watfumela titfunywa kulawo madvodza aseJabeshi Gileyadi, tafike tatsi: “Simakadze akanibusise ngekukhombisa umusa wenu ngekungcwaba Sawula, inkhosi yenu.

2 Samuweli 2:6

Shangatsi Simakadze manje anganiphatsa ngemusa nangekwetsembeka, nami futsi ngitaniphatsa ngalowo musa, njengobe nani nentile.

2 Samuweli 9:1

Ngalelinye lilanga Davide wabuta watsi: “Sekwabate ngisho namunye yini loyinsali yendlu yakaSawula lengingamentela umusa ngenca yaJonathani?”

1 Emakhosi 20:39

Yatsi inkhosi nayendlula, lomphrofethi wammemeta watsi: “Inceku yakho yangena ekhatsi nemphi, lomunye wase uletsa sitsa lesasitfunjiwe watsi: ‘Gadza lomuntfu, nakabaleka, loko utakukhokha ngemphilo yakho, nome-ke ukhokhe emakhilogremu langaba ngema-34 esiliva’,

Taga 14:22

Labo labakha emacebo ebubi abeduki yini? Umusa nekwetsembeka kuyawuba kwalabo labanemacebo lamahle.

Taga 18:24

Labanye bangani bayakuhlamuka; kodvwa labanye bangani basondzela kakhulu kwengca banakenu bengati.

Matewu 5:7

Babusisiwe labanesihawu, ngobe bayawuhawukelwa.

Imisebenti yebaPhostoli 23:22

Khenela, angakalikhululi lelijaha, walifica watsi: “Ungatjeli muntfu kutsi lendzaba sewuyibikile kimi.”

Joshuwa 2:13

sekutsi nase nisihlasela, ningeke nimbulale babe, namake, nabomnaketfu, nabodzadzewetfu kanye nemindeni yabo, kodvwa nisephule ekufeni.”

Joshuwa 2:15

Wabakhipha ngentsambo efasitelweni, ngobe indlu yakhe yayakhelwe elubondzeni lwelidolobha, abehlala elubondzeni.

Joshuwa 6:17

Lidolobha kanye nako konkhe lokukulo kufanele kunikelwe kuSimakadze kubhujiswe. NguRahabi kuphela, ingwadla, lotawusindza kanye nabo bonkhe labanaye endlini kakhe, ngobe watifihla tinhloli lesasititfumile.

Joshuwa 6:22

Joshuwa wakhuluma kulamadvodza lamabili labeyewuhlola live, watsi: “Hambani niye kulendlu yalengwadla, nifike niyitsatse yona kanye nebemndeni wayo, njengobe nifungile kuyo.”

Joshuwa 6:25

Joshuwa wasindzisa Rahabi, ingwadla, nemndeni wakhe kanye nabo bonkhe lababenaye, ngobe watifihla tinhloli letatitfunyelwe nguJoshuwa eJerikho. Nalamuhla loku uhleti emkhatsini wema-Israyeli.

1 Samuweli 20:8

Wena kufanele ukhombise kungitsandza kwakho ngekugcina leso setsembiso lowasenta kimi embikwaSimakadze. Nangabe ngitfolakala nginelicala, ngibulale wena matfupha. Unginiketelelani kuyihlo?”