Joshuwa 18:1 - Siswati 1996 Bible

¹ Sonkhe sive sema-Israyeli sahlangana ndzawonye eShilo semisa lithende lekuhlangana khona lapho. Ema-Israyeli abesalincobile lonkhe live,

Joshuwa 18:1 Cross References

2 Samuweli 7:6

Mine angizange sengihlale endlini kusukela ngelilanga lengakhipha ngalo ema-Israyeli eveni laseGibhithe kuze kube ngulamuhla. Bengisolo ngihamba tindzawo ngetindzawo, nelithende lekuhlangana kunguyonandlu yami lengihlala kuyo.

1 Emakhosi 14:2

Jerobowamu wakhuluma kumkakhe, watsi: “Hamba, utifihle ngekwembatsa letinye tingubo, ungabonakali, khona bangetikubona kutsi umgumkaJerobowamu, bese uya eShilo. Umphrofethi Ahiya ukhona lapho, yena lowo lowangitjela kutsi ngitawuba yinkhosi etikwalesive.

1 Emakhosi 14:4

Ngako umkaJerobowamu wakwenta konkhe loko labekutjeliwe, wahamba waya endlini ya-Ahiya eShilo. Ahiya abengasaboni emehlweni ngenca yekutsi abesamdzala kakhulu.

1 Emakhosi 2:27

Solomoni wase ukhipha Abiyatha esikhundleni sebuphristi baSimakadze, ngako lagcwaliseka kanjalo livi laSimakadze labelikhulume eShilo ngemndeni wa-Eli.

Nehemiya 9:24

Nembala emadvodzana abo angena kulo alidla. EmaKhenani labehlala kulelive wawancoba embikwabo babuka. EmaKhenani wawanikela etandleni tabo, wawanikela kanye nemakhosi awo kanye netive takulelo live kutsi batibonele bona kutsi bangentani ngabo.

Tihlabelelo 78:60

Wayidzikila indlu yakhe lengcwele leseShilo, lithende labehlala kulo emkhatsini webantfu,

Tihlabelelo 78:66

Watehlula watihlehlisela nyova titsa takhe, watitsela ngelihlazo laphakadze.

Jeremiya 26:6

lendlu-ke ngitabe sengiyenta ifanane neShilo, nalelidolobha seliyawuba yintfo yekucalekisa emkhatsini wato tonkhe tive temhlaba.’ ”

Jeremiya 26:9

Uphrofethelani egameni laSimakadze kutsi lelithempeli litawufanana neShilo, nalelidolobha litawusala selikhala libhungane, kungasahlali muntfu kulo?” Bonkhe bantfu babunganyela Jeremiya bamkaka ekhatsi endlini yaSimakadze.

Jeremiya 41:5

kwefika emadvodza langema-80 aphuma eShekhemu, naseShilo, naseSamariya. Abehhule tilevu tawo, aklebhule timphahla tawo, atisika emitimbeni yawo, etfwele iminikelo yalokutinhlavu nenhlaka atewukunikela endlini yaSimakadze.

Numeri 32:22

litawutsi lelive lingatfunjwa embikwaSimakadze, bese niyancandzeka nikhululeke kulesibopho senu naSimakadze nasesiveni sonkhe sema-Israyeli. Lelive-ke seliyawuba sabelo senu embikwaSimakadze.

Imisebenti yebaPhostoli 7:45

Emvakwaloko, bokhokho betfu labemukela lelithende kuboyise babo baletfwala bahamba nalo naJoshuwa, balitsatsa lelive Nkulunkulu lacosha letinye tive kulo. Baligcina kwaze kwaba sikhatsi saDavide.

Joshuwa 18:2

kodvwa bekusasele tive letisikhombisa letatisengakabelwa lifa lato.

Joshuwa 18:8

Atsi lamadvodza asacala loluhambo lwawo kuyawudvweba libalave laleyo ndzawo, Joshuwa wawayala watsi: “Hambani niyewuhlola lelive, nibhale phansi inchazelo yalo. Nitawube seniyabuya nita kimi, mine-ke ngitawube senginentela inkatho lapha eShilo embikwaSimakadze.”

Joshuwa 19:51

Lawa-ke ngemave, Eleyazare, umphristi, naJoshuwa, umsa waNuni, nebaholi betive taka-Israyeli, labawaba ngenkatho eShilo embikwaSimakadze, ekungeneni kwelithende lekuhlangana. Kwaba kucedza kwabo-ke kwabelana live.

Joshuwa 21:2

eShilo eKhenani, bafike batsi: “Simakadze wayala ngaMosi kutsi kufanele sinikwe emadolobha lesitawuhlala kuwo, abe nemadlelo etifuyo tetfu.”

Joshuwa 22:12

sonkhe sive sema-Israyeli sahlangana ndzawonye eShilo, sayakulwa nato.

Joshuwa 22:19

Nangabe lelive lenilidlile lingcolile, yewelani nite ngalapha eveni laSimakadze, lapho kume khona lithende laSimakadze, nehlukaniselane natsi lelive. Kodvwa ningacali nihlubuke Simakadze nome tsine ngekutakhela lelinye lilati, ngaphandle kwalelilati laSimakadze Nkulunkulu wetfu.

Joshuwa 22:9

Ngako sive sakaRubeni, nesakaGadi, nencenye yesive sakaManase tashiya ema-Israyeli eShilo eKhenani, tabuyela eGileyadi, eveni lato, letatilitfole ngekwemyalo waSimakadze ngaMosi.

Tikhulu 18:31

Bachubeka kusebentisa lesithico lesasentiwe nguMikha ngaso sonkhe leso sikhatsi indlu yaNkulunkulu iseseShilo.

Tikhulu 21:12

Bakhandza emkhatsini webantfu lababehlala eJabeshi Gileyadi kutsi bekunetintfombi letatingayati indvodza ngekulala nayo tingema-400; batitsatsa bahamba nato, batimikisa enkambu leyayiseShilo eKhenani.

Tikhulu 21:19

Bachubeka batsi: “Bukani la, kukhona umkhosi waSimakadze eShilo logujwa kanye ngemnyaka, ngasenyakatfo yaseBetheli, emphumalanga nemgwaco lomkhulu lowendlula eBetheli ucondze eShekhemu, ngaseningizimu yeLebona.”

1 Samuweli 1:24

Watsi kube amlumule, Hana wamtsatsa lomfana asemncane, wahamba naye, watsatsa nenkunzi leyayineminyaka lemitsatfu budzala, nemphuphu leyayingemakhilogremu labengaba lishumi, nesikhumbasikhwana lesasigcwele liwayini, waya endlini yaSimakadze eShilo.

1 Samuweli 1:3

Yonkhe iminyaka lendvodza yayisuka edolobheni layo yenyuke iyewukhonta inikele ngemihlatjelo kuSimakadze longuSomandla eShilo, lapho boHofni naFinehasi, emadvodzana a-Eli, babebaphristi baSimakadze khona.