Joshuwa 17:11 - Siswati 1996 Bible

¹¹ Emkhatsini welaka-Isakhari nelaka-Asheri lakaManase lalineBhethi Shani, neJibleyamu, nesive saseDori, nase-Eni Dori, naseThanaki, naseMegido, ndzawonye kanye nemiti leyayitungelete lawo madolobha.

Joshuwa 17:11 Cross References

2 Samuweli 21:12

Davide wahamba wayawutsatsa ematsambo aboSawula naJonathani, umsa waSawula, kutakhamiti taseJabeshi Gileyadi. Phela, bebawebe enkhundleni yaseBhethi Shani, lapho bebalengiswe ngemaFilisti khona, mhlazane emaFilisti abulala Sawula entsabeni yaseGilbowa.

1 Emakhosi 9:15

Lona ngumlandvo wenkhosi Solomoni ngekubutsekisa kwakhe bantfu nekubasebentisa kwakhe ngenkhani ekwakheni lithempeli laSimakadze, nesigodlo sakhe, nasekwakheni tibebesi, nasekwakheni lubondza lwaseJerusalema, neHasori, neMegido kanye neGezeri.

2 Emakhosi 9:27

Watsi kube Ahaziya, inkhosi yakaJuda, akubone konkhe lokwase kwentekile, wabaleka ngemgwaco wacondza eBhethi Hagani. Jehu wamcosha, amemeta, atsi: “Mbulaleni naye!” Bamgwaza asesencoleni yakhe emanceba lamabi ngesikhatsi asabaleka ngemgwaco loya eGuri ngaseJibleyamu, kodvwa noko wabaleka wangenisa eMegido, wafike wafela khona.

1 Tikhronike 6:70

Encenyeni yesive sakaManase ema-Israyeli abela tinsendvo nemindeni leminye yemaKhohati i-Aneri neBhileyamu kanye nemadlelo awo.

1 Tikhronike 7:29

Titukulwane takaManase ngito letatiphetse lamadolobha: iBhethi Shani, neThanaki, neMegido, neDori kanye nemiti yawo. Titukulwane takaJosefa, umsa wa-Israyeli, tatihlala kulamadolobha.

2 Tikhronike 35:22

Kodvwa Josaya akazange afune kugucuka, wesuka watigucula tembatfo takhe wangena emphini, walwa naye. Akazange alalele loko lokwakushiwo nguNekho ngekuyalwa nguNkulunkulu, kodvwa wachubeka wayakulwa naye emphini yaseMegido.

Tihlabelelo 83:10

labo lababhubha ngasemtini wase-Eni Dori; bawa njengebulongo, babola baze baba ngumcuba.

Jeremiya 49:2

Simakadze utsi: “Kodvwa ayeta emalanga, lapho ngiyakwenta kutsi kuhlatjwe umkhosi, ngimelane neRabha yema-Amoni; iyawuba yindvundvuma yemadzibikelo, netabelo tayo letiyitungeletile tiyawulunyekwa ngemlilo. Israyeli-ke uyawubadvungulula labo labamkhipha ngendlovuyangena,” kusho Simakadze.

Zakhariya 12:11

Ngalelo langa kulila kwaseJerusalema kuyakuba kukhulu, kube njengekulila kwaHadadi Rimoni etsafeni laseMegido.

Joshuwa 11:2

kanye nasemakhosini angasenyakatho labakhe etintsabeni, nase-Arabha, eningizimu neKhinerethi, nangasematsafeni eNafothi Dori ngasenshonalanga.

Joshuwa 12:21

inkhosi yaseThanaki yaba yinye, inkhosi yaseMegido yaba yinye,

Joshuwa 12:23

inkhosi yaseDori, eNafothi Dori, yaba yinye, inkhosi yaseGoyimu, eGilgali, yaba yinye,

Joshuwa 16:9

Sasifaka ekhatsi onkhe emadolobha kanye nemiti yawo leyayehlukaniselwe sive saka-Efrayimu kanye nesabelo sesive sakaManase.

Joshuwa 17:10

Live lelalingaseningizimu bekungelaka-Efrayimu, bese kutsi ngasenyakatfo kube lakaManase. Live lakaManase lalihamba ligcine ngelwandle, lisikelane nelaka-Asheri ngasenyakatfo, laka-Isakhari libe ngasemphumalanga.

Joshuwa 17:16

Sive sakaJosefa saphendvula, satsi: “Lelive letintsaba aliseneli, nemaKhenani onkhe lahlala kulelo tsafa anetincola tetinsimbi, bonkhe lababeseBhethi Shani netabelo tayo kanye nalabaseSigodzini saseJezreyeli.”

Tikhulu 1:27

Manase yena akazange abacoshe baseBhethi Shani, nebaseThanaki, nebaseDori, nebase-Jibleyamu, nebaseMegido kanye netabelo letatitungelete letindzawo, ngobe emaKhenani bekatimisele kutsi ahlale kulelo live.

Tikhulu 5:19

“Emakhosi eta, alwa; emakhosi aseKhenani alwa khona eThanaki ngasemitfonjeni yaseMegido, kodvwa abetfwalanga siliva, ngisho nemphango.

1 Samuweli 28:7

Sawula wakhuluma etincekwini takhe, watsi: “Ngifuneleni sangoma lesingumfati, kuze ngitewuhamba ngiyewuva kuso.” Batsi: “Sikhona lesise-Eni Dori.”

1 Samuweli 31:10

Afaka tikhali takhe ethempelini la-Ashtarothe, abetsela sidvumbu sakhe elubondzeni lwaseBhethi Shani.

1 Samuweli 31:12

tonkhe tihlabani takhona tashuca busuku bonkhe tacondza eBhethi Shani. Tafike tetfula tidvumbu taboSawula nemadvodzana akhe elubondzeni lweBhethi Shani, tancandzeka nato tabuyela eJabeshi, lapho tafike tatishisela khona ngemlilo.