Joshuwa 17:1 - Siswati 1996 Bible

¹ Nali-ke live lelabelwa sive sakaManase, labelitubulo laJosefa; lelabelwa Makhire, litubulo laManase. Makhire abengukhokho webakaGileyadi, labemukele iGileyadi neBhashani, ngobe Makhire abeyingwazi ledvumile.

Joshuwa 17:1 Cross References

Genesisi 41:51

Lona wekucala Josefa wametsa libito watsi nguManase, ngobe ngaloko abesho kutsi: “Nkulunkulu ungente ngakhohlwa konkhe kuhlupheka kwami nemndeni waketfu.”

Genesisi 41:52

Lona wesibili Josefa wametsa libito watsi ngu-Efrayimu, ngaloko abesho kutsi: “Nkulunkulu ungiphe bantfwana eveni lekuhlupheka kwami.”

Genesisi 46:20

Eveni laseGibhithe Josefa watalelwa boManase na-Efrayimu; lamtalela bona Asenathi, indvodzakati ya-Photifera, umphristi wase-Oni.

Genesisi 48:17

Watsi kube Josefa abone kutsi uyise ubeke sandla sakhe sekudla etikwenhloko ya-Efrayimu, wakhubeka. Watsatsa sandla seyise sekudla etikwa-Efrayimu kuze asibeke etikwenhloko yaManase.

Genesisi 48:18

Wakhuluma kuyise watsi: “Cha, phela babe, lona nguyena alitubulo, beka sandla sakho sekudla etikwakhe.”

Genesisi 50:23

Josefa wakhula, wadzimate wabona bantfwana ba-Efrayimu nebatukulu bakhe; wabona nebantfwana baMakhire, umsa waManase; Josefa wabafaka emndenini wakhe.

2 Samuweli 2:9

Wafike wambeka inkhosi yakaGileyadi, neyaka-Asheri, neyaseJezreyeli, neyaka-Efrayimu, neyakaBhenjamini, naku-Israyeli wonkhe.

1 Tikhronike 2:23

Kodvwa imibuso yaseGeshuri newaseSiriya yehlula emadolobha langema-60 khona lapho, yatfumba iHavothi Jayire, neKhenathi kanye netabelo takhona. Tonkhe leti bekutitukulwane taMakhire, uyise waGileyadi.

Hezekeli 47:13

Naku lokushiwo yiNkhosi Simakadze, itsi: “Lena-ke ngiminyele leniyakwehlukanisa ngayo live lekulifa letive letili-12 tema-Israyeli, sive sakaJosefa sona sibe netabelo letimbili.

Hezekeli 48:4

“Manase uyawuba nesabelo sinye; siyawugudla umnyele welive lakaNaftali kusukela ngasemphumalanga kuye ngasenshonalanga.

Numeri 26:29

Titukulwane takaManase lusendvo ngelusendvo kwaba ngemaMakhire labetalwa nguMakhire, Makhire kwakunguyise waGileyadi, emaGileyadi abetalwa nguGileyadi.

Numeri 27:1

Emadvodzakati aSelofehadi, umsa waHeferi, umsa waGileyadi, umsa waMakhire, umsa waManase, abewelusendvo lwakaManase, umsa waJosefa. Emabito alamadvodzakati bekuboMahala, naNowa, naHogila, naMilkha, naThisa. Asondzela

Numeri 32:33

Ngako-ke Mosi emaGadi nemaRubeni nencenye yesive sakaManase, umsa waJosefa, wawabela live lembuso wakaSihoni, inkhosi yema-Amori, nelaka-Ogi, inkhosi yaseBhashani, lonkhe lelo live nemadolobha alo nemave lakhelene nalo.

Dutheronomi 21:17

Kufanele iyemukele lendvodzana letalwa ngulesaliwakati sayo kutsi ilitubulo ngekuyinika sabelo sayo lesiphindvwe kabili kuko konkhe lenako. Leyo ndvodzana nguyona iluphawu lwekucala lwemandla eyise. Lilungelo lebutubulo layo.”

Joshuwa 17:2

Ngako lesabelo saba salabanye besive sakaManase, lusendvo ngelusendvo: lwaka-Abiyezeri, nelwakaHeleki, nelwaka-Asriyeli, nelwakaShekhemu, nelwakaHeferi, nelwakaShemida. Leti-ke bekunguletinye titukulwane letidvuna takaManase, umsa waJosefa, lusendvo ngelusendvo.

Joshuwa 22:7

Lencenye yesive sakaManase Mosi abeyabele live laseBhashani, kwase kutsi lena lenye incenye yona wayabela live ngasenshonalanga kweJordane kanye nabomnakabo. Watsi kube Joshuwa ababuyisele ekhaya, wababusisa,

Tikhulu 5:14

Labanye bachamuka ka-Efrayimu, labatimphandze tabo tika-Amaleki. Bhenjamini abekanye nebantfu lababekulandzela. Tindvuna tehla tiphuma kaMakhire, netiphatsimandla tiphuma kaZebuloni, tiphetse intfonga yendvuna yemphi.