Joshuwa 16:10 - Siswati 1996 Bible

¹⁰ Atizange tikhone kuwacosha emaKhenani labehlala eGezeri; nalamuhla loku emaKhenani seloku ahlala ndzawonye nesive saka-Efrayimu, kodvwa asetjentiswa kamatima.

Joshuwa 16:10 Cross References

1 Emakhosi 9:15

Lona ngumlandvo wenkhosi Solomoni ngekubutsekisa kwakhe bantfu nekubasebentisa kwakhe ngenkhani ekwakheni lithempeli laSimakadze, nesigodlo sakhe, nasekwakheni tibebesi, nasekwakheni lubondza lwaseJerusalema, neHasori, neMegido kanye neGezeri.

1 Emakhosi 9:16

Faro, inkhosi yaseGibhithe, abehlasele watfumba iGezeri, wayishisa ngemlilo. Wabulala takhamiti tayo, emaKhenani, wabe sewuyenta sipho semshado endvodzakatini yakhe leyayiyinkhosikati yaSolomoni.

1 Emakhosi 9:21

lokusho kutsi titukulwane tato letatisasele kulo lonkhe live, lapho ema-Israyeli ehluleka khona kutibhubhisa aticedze, tonkhe-ke leto tive Solomoni watibutsekisa watisebentisa ngekutigcilata, njengobe kusenjalo nalamhla loku.

2 Tikhronike 8:8

titukulwane tabo letatisele kulelive, bonkhe labebangakabulawa ngema-Israyeli, labo-ke Solomoni wababutsa entela kutsi bahlehle kuye ngekwenta imisebenti lematima, njengobe kusenjalo nje nalamhla loku.

Joshuwa 10:33

Horamu, inkhosi yaseGezeri, abekhuphuke nemphi yakhe naye atsi utewusita baseLakhishi, kodvwa Joshuwa wabehlula yena nemphi yakhe yonkhe; kwabate ngisho namunye lowaphunyula.

Joshuwa 15:63

Juda akazange akhone kuwacosha emaJebhusi labehlala eJerusalema; nalamuhla loku emaJebhusi seloku ahlala ndzawonye nesive sakaJuda.

Joshuwa 16:9

Sasifaka ekhatsi onkhe emadolobha kanye nemiti yawo leyayehlukaniselwe sive saka-Efrayimu kanye nesabelo sesive sakaManase.

Joshuwa 17:12

Noko sive sakaManase asizange sikhone kuwadla lamadolobha, ngobe emaKhenani abetimisele kuhlala kuleso sifundza.

Joshuwa 17:13

Noko kwatsi kube ema-Israyeli akhule acine ngemandla, awehlula lamaKhenani, ase ayawacindzetela kutsi awasebentele, kodvwa akazange awakhiphe onkhe.

Tikhulu 1:29

Sive saka-Efrayimu naso asizange siwacoshe emaKhenani labehlala eGezeri, kodvwa emaKhenani achubeka ahlala kanye naso kulelo live.