Joshuwa 15:8 - Siswati 1996 Bible

⁸ Wawenyuka uye eSigodzini sendvodzana yaHinomu, kugudla iningizimu yelicele lelidolobha lemaJebhusi, lekutsiwa yiJerusalema. Wawusuka lapho ukhwele etulu esicongweni seligcuma ngasenshonalanga neSigodzi sakaHinomu ngasekugcineni kweSigodzi semaRefa, enyakatfo.

Joshuwa 15:8 Cross References

2 Samuweli 5:18

EmaFilisti abesafike asabalala naso sonkhe leso Sigodzi semaRefa.

2 Samuweli 5:22

Aphindza futsi emaFilisti enyuka asabalala naso sonkhe leso Sigodzi semaRefa.

2 Emakhosi 23:10

Inkhosi Josaya yahlazisa indzawo iThofethi, leyayiseSigodzini sakaBheni Hinomu, ngako kwabate umuntfu labengayisebentisa ekunikeleni indvodzana yakhe nome indvodzakati yakhe ngekutsi ishiswe ngemlilo kuMoloki.

1 Tikhronike 11:4

Davide nesive sonkhe sema-Israyeli bashuca bacondza eJerusalema, lekwakuyiJebhusi. EmaJebhusi labehlala lapho

2 Tikhronike 28:3

Watfuncisa imphepho eSigodzini sakaBheni Hinomu, wanikela ngemadvodzana akhe kutsi ashiswe ngemlilo; alandzela imikhuba lesinengiso yaletive takhona Simakadze labeticoshe ngesikhatsi nakufika ema-Israyeli.

Nehemiya 11:30

naseZanowa, e-Adulamu nasemitini yayo, naseLakhishi, nasetigangeni tangakhona, e-Azekha nasetabelweni tayo. Ngako babegcwele kuyo yonkhe leyo ndzawo kusukela eBherisheba kuze kuyewufika eSigodzini sakaHinomu.

Isaya 17:5

Kuyawuba njengemvuni nakageca tinhlanga letimile, avuna tibhuluja ngetandla takhe, kube njengemuntfu lobutsa lokuwa nakavunako eSigodzini semaRefa.

Jeremiya 19:14

Jeremiya wase uyancandzeka esuka eThofethi, lapho abetfunywe khona nguSimakadze kutsi ayewuphrofetha, wema esibuyeni selithempeli laSimakadze wakhuluma kubantfu watsi:

Jeremiya 19:2

uphumele eSigodzini sakaBheni Hinomu, lesisekungeneni kweLisango leLudzengelo. Ufike lapho umemetele nangu umlayeto lengikutjela wona,

Jeremiya 19:6

Ngako-ke caphelani, ayeta emalanga lapho bantfu bangasayikuyibita khona lendzawo ngekutsi yiThofethi nome batsi Sigodzi sakaBheni Hinomu, kodvwa sebayawutsi Sigodzi Sekuhlatjwa, kusho Simakadze.

Joshuwa 15:63

Juda akazange akhone kuwacosha emaJebhusi labehlala eJerusalema; nalamuhla loku emaJebhusi seloku ahlala ndzawonye nesive sakaJuda.

Joshuwa 18:16

Lomnyele wawehla ucondze ngentansi kweligcuma lelibhekene neSigodzi sakaBheni Hinomu, enyakatfo neSigodzi semaRefa. Wawuchubeka wewukele eSigodzini sakaHinomu, ugudle licele lelingaseningizimu yelidolobha lemaJebhusi, uze ufike kulase-Eni Rogeli.

Joshuwa 18:28

neSela, ne-Helefu, lidolobha lemaJebhusi, lekuyiJerusalema, neGibeya, neKhiriyathi. Kwaba ngemadolobha lali-14 akanye nemiti yawo. Leli-ke kwaba lifa lelabelwa sive sakaBhenjamini, lusendvo ngelusendvo.

Tikhulu 1:21

Sive sakaBhenjamini sona sehluleka kucosha emaJebhusi labehlala eJerusalema. Kuze kube ngulamuhla emaJebhusi ahlala lapho kanye nesive sakaBhenjamini.

Tikhulu 1:8

Emadvodza akaJuda ahlasela iJerusalema, ayitfumba. Lelo dolobha balibhubhisa ngelusiko lwenkemba, base balokhela ngemlilo.

Tikhulu 19:10

Kodvwa lendvodza ngobe yayingasafuni kuphindze ilale lobunye busuku, yesuka yacondza eJebhusi, lekuyiJerusalema, yahamba kanye nalesingani sayo netimbongolo tayo letimbili letatiboshelwe.