Joshuwa 14:9 - Siswati 1996 Bible

⁹ Ngako, ngalelo langa Mosi wafunga kimi, watsi: ‘Live lapho lunyawo lwakho luke lwanyatsela khona liyawuba lifa lakho kanye nelebantfwabakho phakadze naphakadze, ngobe wena ulandzele Simakadze Nkulunkulu wami ngayo yonkhe inhlitiyo yakho.’

Joshuwa 14:9 Cross References

Tihlabelelo 37:9

Benti balokubi batawushabalaliswa; kodvwa labalindzela Simakadze bayakudla lifa lemhlaba.

Numeri 13:22

Benyuka badzabula iNegevu, lekuyiningizimu yelive laseKhenani, baze befika eHebroni, lapho kwakuhlala khona bo-Ahimani, naSheshayi, naThalmayi, titukulwane ta-Anaki. IHebroni yayakhiwe iminyaka lesikhombisa ngaphambi kweSowani yaseGibhithe.

Dutheronomi 1:36

ngaphandle kwaKhalebi, umsa waJefune. Yena-ke uyakulibona, nginike yena netitukulwane takhe live lapho lunyawo lwakhe belunyatsele khona, ngobe walandzela Simakadze ngenhlitiyo yakhe yonkhe.’

Dutheronomi 11:24

Yonkhe indzawo lapho niyawunyatsela khona iyawuba live lenu: Kusukela ehlane kuze kube nguseLebanoni, nekusuka emfuleni iYufrathe kuze kube nguseLwandle Lwasenshonalanga.

Joshuwa 1:3

Ngiyakuninika yonkhe indzawo, lapho tinyawo tenu tiyawunyatsela khona, njengobe ngetsembisa Mosi.

Joshuwa 14:10

“Manje, njengobe Simakadze etsembisa, ungigcinile ngaphila iminyaka lengema-45 seloku Simakadze akukhuluma loko kuMosi, ngesikhatsi ema-Israyeli azulazula ehlane. Ngako-ke naku lamuhla ngineminyaka lengema-85 budzala!

Tikhulu 1:20

Njengobe Mosi bekakhulumile, iHebroni yabelwa Khalebi, lokunguyena acosha kuyo emadvodzana lamatsatfu aka-Anaki.