Joshuwa 13:2 - Siswati 1996 Bible

² “Nali-ke lelive lelisasele: tonkhe tifundza temaFilisti netemaGeshuri,

Joshuwa 13:2 Cross References

Genesisi 10:14

nemaPhathrusi, nemaKhasuluhi, lapho kwadzabuka khona emaFilisti nemaKhaftori.

Genesisi 26:1

Kwase kwaba khona lenye indlala eveni, kungesiyo lena leyaka yaba khona ngetikhatsi tabo-Abrahama. Isaka-ke wase uyesuka uya eGerari ka-Abimeleki, inkhosi yemaFilisti.

2 Samuweli 15:8

Ngesikhatsi inceku yakho iseseGeshuri kulaseSiriya ngenta sifungo ngatsi: ‘Nangabe Simakadze angibuyisele eJerusalema, Simakadze ngiyakumkhonta eHebroni!’ ”

2 Samuweli 3:3

Yesibili bekunguKhileyabi, umsa wa-Abigayili, umfelokati waNabali waseKhameli. Yesitsatfu bekungu-Absalomu, umsa waMakha, indvodzakati yaThalmayi, inkhosi yaseGeshuri.

Joweli 3:4

“Pho, yini leniphambane ngayo nami, nine Thire neSidoni kanye nani nonkhe nine tifundza taseFilistiya? Kungabe nikhokha sibhongobhongo ngalengikwentile yini? Nangabe nikhokha sibhongobhongo, ngekushesha nangekuphatima kweliso, ngitawubuyisela etikwetinhloko tenu loko lenikwentile.

Zefaniya 2:5

Nako kini lenihlala ngaselwandle, nine sive semaKherethi. Livi laSimakadze limelene nani, awu Khenani, live lemaFilisti. “Ngiyawunibhubhisa nonkhe, kute namunye loyawusala.”

Dutheronomi 3:14

Jayire, umsa waManase, watsatsa sonkhe sifundza sase-Agobhu, kuze kuyewufika emnyeleni wemaGeshuri nemaMakhathi. Leyo ndzawo wayetsa ngaye; kuze kube ngulamuhla iBhashani yatiwa ngekutsi yiHavothi Jayire.

Joshuwa 12:5

Abebusa etikweNtsaba iHemoni, neSalekha, neBhashani yonkhe, kuze kufike emnyeleni wesive sakaGeshuri, neMakha kanye nencenye yakaGileyadi kuye emnyeleni waSihoni, inkhosi yaseHeshboni.

Joshuwa 13:11

Laliphindze lifake ekhatsi iGileyadi, nelive lesive sakaGeshuri nesakaMakha, nayo yonkhe iNtsaba iHemoni, nalo lonkhe laseBhashani, kuze kuyewufika eSalekha;

Joshuwa 13:13

Kodvwa ema-Israyeli akazange atidvungulule atikhiphe letive takaGeshuri nesakaMakha, ngako-ke tachubeka tahlala emkhatsini wema-Israyeli, kwaze kwaba ngulamuhla.

Tikhulu 3:1

Leti-ke tive letashiywa nguSimakadze, kuze avivinye ngato ema-Israyeli labengazange atibone timphi taseKhenani.

1 Samuweli 27:8

Davide nemadvodza akakhe benyuka bayawuhlasela emaGeshuri, nemaGizi kanye nema-Amaleki. Kusukela etikhatsini takadzeni letive tatihlala kulelo live, kuze kuyekufika eShuri naseGibhithe.