Joshuwa 13:1 - Siswati 1996 Bible

¹ Kwatsi Joshuwa nasamdzala, asakhulile nangeminyaka, Simakadze wakhuluma kuye, watsi: “Sewumdzala kakhulu, kantsi kusenetifundza letinkhulu lekufanele titsatfwe.

Joshuwa 13:1 Cross References

Genesisi 18:11

Kepha bo-Abrahama naSara bese babadzala kakhulu, naSara abengasayi esikhatsini.

1 Emakhosi 1:1

Ngesikhatsi inkhosi Davide asamdzala kakhulu asakhulile ngeminyaka, abesahlala ngekuva emakhata, angasafutfumali, kwale nome tisebenti takhe setimembesa ngetingubo.

Numeri 34:12

Lomnyele utakwewuka ugudle iJordane ugcine ngeLwandle Lweluswayi. “ ‘Ngiyo lena-ke iminyele yelive lenu kuyo yonkhe leyo mihlubulo yalo.’ ”

Numeri 34:2

“Yala ema-Israyeli utsi kuwo: ‘Naningena eKhenani, live lenitakwabelwa lona kutsi libe lifa lenu, litawuba naleminyele lena:

Lukha 1:7

Babete bantfwana, ngobe Elizabethe abengatali, futsi bobabili besebakhulile.

Dutheronomi 31:3

Simakadze Nkulunkulu wenu, yena matfupha, uyawuhamba embikwenu ewele kucala kunani. Uyawubhubhisa letive embikwenu, nine niyawudla live lato. Joshuwa-ke naye uyawuhamba embikwenu, ewele kucala kunani, njengobe Simakadze ashito.

Joshuwa 13:2

“Nali-ke lelive lelisasele: tonkhe tifundza temaFilisti netemaGeshuri,

Joshuwa 14:10

“Manje, njengobe Simakadze etsembisa, ungigcinile ngaphila iminyaka lengema-45 seloku Simakadze akukhuluma loko kuMosi, ngesikhatsi ema-Israyeli azulazula ehlane. Ngako-ke naku lamuhla ngineminyaka lengema-85 budzala!

Joshuwa 18:3

Ngako Joshuwa wakhuluma kuma-Israyeli, watsi: “Nitawuma kuze kube ngunini ningacali kudla lelive Simakadze Nkulunkulu waboyihlo lanipha lona?

Joshuwa 20:1

Simakadze wakhuluma kuJoshuwa, watsi:

Joshuwa 24:29

Emvakwaloko Joshuwa, umsa waNuni, inceku yaSimakadze, wafa asaneminyaka leli-110 budzala.