Joshuwa 12:7 - Siswati 1996 Bible

⁷ Lawa-ke ngemakhosi elive Joshuwa kanye nema-Israyeli labawancoba ngasenshonalanga neJordane, kusuka eBhali Gadi eSihosheni saseLebanoni kuye eNtsabeni iHalaki, levela ngaseSeyiri, live lawo Joshuwa walabela tive tema-Israyeli, kwaba lifa lato kwaya ngekuhleleka kwetive.

Joshuwa 12:7 Cross References

Genesisi 14:6

nemaHori entsabeni yawo iSeyiri, kwadzimate kwaba ngu-Eli Pharani ngasehlane.

Genesisi 32:3

Jakobe watfumela tigijimi ku-Esawu umnakabo, eveni laseSeyiri, kulaka-Edomu.

Genesisi 36:20

Emadvodzana aSeyiri, umHori, takhamiti temdzabu kulelo live, bekuboLotani, naShobali, naSibeyoni, na-Ana,

Genesisi 36:30

naDishoni, na-Eseri, naDishani. Leti-ke kwakutikhulu temaHori eveni laka-Edomu.

Genesisi 36:8

Ngako-ke Esawu, labekatiwa ngekutsi ngu-Edomu, wahlala eveni letintsaba eSeyiri.

Tihlabelelo 135:11

Wabulala Sihoni, inkhosi yema-Amori. Wabulala Ogi, inkhosi yaseBhashani, kanye nawo onkhe emakhosi aseKhenani.

Dutheronomi 2:1

“Sesuka lapho sancandzeka sacondza ehlane, ngendlela leya eLwandle Lolubovu, njengobe Simakadze abevele ashito kimi kucala. Sacitsa sikhatsi lesidze sizulazula, situngeleta live letintsaba taseSeyiri.

Dutheronomi 2:4

Nika labantfu nansi imiyalo utsi: “Senitalidzabula ekhatsi lelive lebanakenu, titukulwane ta-Esawu, letihlala eSeyiri. Batawunesaba, kodvwa nibocaphela.

Joshuwa 11:17

kusuka eNtsabeni iHalaki, levele ngaseSeyiri, kuya eBhali Gadi eSihosheni saseLebanoni, ngaphansi kweNtsaba iHemoni. Watfumba onkhe emakhosi, wawahlasela, wawabulala.

Joshuwa 11:23

Ngako Joshuwa walidla lonkhe live, konkhe kwaya njengobe Simakadze abelayele Mosi; wase uyalaba, kwaba nguleso sive wasinika sabelo saso. Live latfola kuphumula kuleto timphi.

Joshuwa 3:17

Baphristi lababetfwele libhokisi lesivumelwane saSimakadze bema ekhatsi eJordane batsi zica, emhlabatsini lowomile, sonkhe sive sema-Israyeli sewela iJordane sihamba emhlabatsini lowomile, saze saphelela sonkhe.

Joshuwa 9:1

Kwatsi kube onkhe emakhosi langasenshonalanga kwemfula iJordane eve ngaletintfo, labo labaseveni letintsaba nangasematsafeni langasenshonalanga, kugudla lusentse lweLwandle Lolukhulu kuze kuyewufika eLebanoni, emakhosi emaHethi, nema-Amori, nemaKhenani, nemaPheresi, nemaHivi, nemaJebhusi,