Joshuwa 11:6 - Siswati 1996 Bible

⁶ Simakadze wakhuluma kuJoshuwa, watsi: “Ungabesabi, ngobe ngalesikhatsi kusasa bonkhe ngitawubaniketela kuma-Israyeli kutsi ababulale. Kufanele lamahhashi niwajube imisipha yemilente, bese nishisa letincola tabo.”

Joshuwa 11:6 Cross References

2 Samuweli 8:4

Davide watfumba inkhulungwane yetincola takhe temphi, nebashayeli betincola temphi labati-7 000, nemasotja lahamba ngetinyawo lati-20 000. Onkhe emahhashi wawageca imisipha, washiya emahhashi etincola letilikhulu.

2 Emakhosi 6:16

Elisha waphendvula, watsi: “Ungesabi. Laba labangakitsi banyenti kakhulu kunalaba labangakubo.”

2 Tikhronike 20:16

Kusasa shucani nehle niyewubahlasela. Batawube bakhwela eMsahweni waSisi, nine nitawubakhandza elusentseni lwesihosha eHlane laseJeruweli.

Tihlabelelo 46:10

Yena utsi: “Yekelani kulwa! Kufanele nati kutsi mine nginguNkulunkulu. Ngengamela tive kanye nemhlaba wonkhe.”

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 46:9

Uvimba acedze timphi kutsi tichubeke emhlabeni wonkhe jikelele. Ufohlota butjoki, ephule sikhali, tincola atishise ngemlilo.

Taga 20:7

Babusisiwe labo bantfwana labatalwa yindvodza lephila ngebucotfo nangekwetsembeka.

Isaya 30:16

Natsi nine: ‘Cha, tsine sitawubaleka ngemahhashi.’ Ngako-ke nitawubaleka! Nine natsi: ‘Sitawugibela emahhashini lagijimisa kwembane.’ Ngako-ke laba labanicoshako nabo bayawugijimisa kwembane!

Isaya 31:1

Maye kulabo labaya eGibhithe bayewucela khona lusito, labetsembela emahhashini, betsembele nasebunyentini betincola tabo temphi, nasemandleni lamakhulu ebagibeli babo bemahhashi, kodvwa bangabuki kuLongcwele waka-Israyeli, nome-ke bafune lusito kuSimakadze.

Hezekeli 39:9

“ ‘Labo-ke labahlala emadolobheni aka-Israyeli bayawuphuma bayewubutsa tikhali lebetilahlwe ngemabutfo akho batewutibasa. Bayawubasa emahawu lamakhulu nalamancane, nebutjoki, nemicibisholo, netizeze, netikhali. Kuyawuba ngiminyaka lesikhombisa basebentisa tona ekubaseni umlilo.

Hoseya 14:3

I-Asiriya ngeke isisindzise; singeke siwagibele emahhashi emphi. Singeke siphindze sisho futsi, sitsi: ‘Bonkulunkulu betfu’ kuloko lokwakhiwa tandla tetfu, ngobe kuwe wena wedvwa tintsandzane letite boyise titfola sihawu.”

Nahume 2:13

Simakadze longuSomandla utsi: “Mine ngiphambene nawe, Nineve. Tincola takho temphi ngitatishisa tibe yintfutfu, inkemba itawudla emazinyane akho elibhubesi, anginakushiyela nyamatane emhlabeni. Emavi etitfunywa takho angeke aphindze evakale.”

Dutheronomi 7:16

Kufanele nibhubhise tonkhe leto tive Simakadze Nkulunkulu wenu lataninika tona. Ningatihawukeli ningabakhonti ngisho nabonkulunkulu bato, ngobe loko kuyawuba lugibe kini.

Joshuwa 10:8

Simakadze wakhuluma kuJoshuwa, watsi: “Ungabesabi, ngibanikele esandleni sakho. Kute namunye wabo loyawukhona kumelana nawe.”

Joshuwa 11:5

Onkhe lamakhosi ahlangana ndzawonye emisa ngaseMantini aseMeromu kutekulwa nema-Israyeli.

Joshuwa 11:7

Ngako Joshuwa nemphi yakhe yonkhe wabahlasela masinyane ngaseMantini aseMeromu,

Joshuwa 11:9

Joshuwa wenta kubo kona loko labetjelwe nguSimakadze kutsi akwente: Wajuba imisipha yemilente yemahhashi abo, washisa netincola tabo.

Joshuwa 3:5

Joshuwa wakhuluma esiveni, watsi: “Tihlambululeni, nitilungiselele likusasa, ngobe kusasa Simakadze utakwenta tintfo letimangalisako emkhatsini wenu.”

Tikhulu 20:28

likuFinehasi, umsa wa-Eleyazare, labetalwa ngu-Aroni. Nguye labekhonta embikwalo. Babuta kuSimakadze, batsi: “Sikhuphuke yini njalo kuyakulwa nebanaketfu bakaBhenjamini, nome cha?” Simakadze wabaphendvula watsi: “Hambani, ngobe kusasa ngitabanikela esandleni senu.”

Tikhulu 7:9

Kubo lobo busuku Simakadze wakhuluma kuGideyoni, watsi: “Vuka, wehlele enkambu, ngobe ngitayinikela esandleni sakho.

1 Samuweli 11:9

Batjela letigijimi letatifikile batsi: “Tjelani lamadvodza aseJabeshi Gileyadi nitsi: ‘Kusasa lilanga litawutsi licala kufutfumala, nine nitabe senikhululekile.’ ” Tatsi letigijimi natifika tikubika loko kulamadvodza aseJabeshi, ajabula kakhulu.