Joshuwa 10:12 - Siswati 1996 Bible

¹² Ngelilanga Simakadze lanikela ngalo ema-Amori kubaka-Israyeli, Joshuwa wakhuluma kuSimakadze embikwawo onkhe ema-Israyeli, watsi: “Wena langa mani, mani etikweGibeyoni, ungahambi; nawe nyanga, mani etikwesihosha sase-Ayaloni unganyakati.”

Joshuwa 10:12 Cross References

2 Samuweli 2:12

Abneri, umsa waNeri, kanye nemadvodza labelandzela Ishboshethi, umsa waSawula, besuka eMahanayimu baya eGibeyoni.

2 Emakhosi 20:10

Hezekiya watsi: “Kuyintfo lelula kutsi sitfunti siye embili tinyatselo letilishumi. Lokungenani sitfunti singamane sibuyele emuva tinyatselo letilishumi kuleto titebhisi.”

2 Emakhosi 20:11

Umphrofethi Isaya wabita Simakadze, Simakadze wase ubuyisela sitfunti emuva tinyatselo letilishumi lesase sitehlile etitebhisini tetikhatsi letatakhiwe ngu-Ahazi.

2 Emakhosi 20:9

Isaya waphendvula watsi: “Nasi sibonakaliso saSimakadze kuwe, sekutsi Simakadze utakwenta loko lakwetsembisile: Sitfunti sitawuya embili tinyatselo letilishumi yini nome sitawuya emuva tinyatselo letilishumi etitebhisini tesikhatsi?”

1 Tikhronike 8:13

Bheriya naShema bekutinhloko temindeni leyayihlala edolobheni i-Ayaloni, ngibo labacosha labantfu lababehlala eGathi.

2 Tikhronike 11:10

neSora, ne-Ayaloni kanye neHebroni. Lawa-ke bekungemadolobha lakhiwa aba tinqaba kulakaJuda nelakaBhenjamini.

Jobe 9:7

Ukhuluma nelilanga kutsi lingakhanyi, lingete laphuma, usibekela kukhanya kwetinkhanyeti.

Tihlabelelo 148:3

Mdvumise wena langa, nawe nyanga, nimdvumise nani nonkhe tinkhanyeti letikhatimulako!

Tihlabelelo 19:4

Noko-ke liphimbo lako liphumele emhlabeni wonkhe, nemavi ako aphumele emhlabeni wonkhe. Lilanga ulakhele umpheme ngaphansi kwesibhakabhaka.

Tihlabelelo 74:16

Imini yakho, nebusuku bakho, nguwe lowenta kukhanya nelilanga.

Isaya 28:21

Simakadze utawuvuka, njengobe wake wenta eNtsabeni yasePherasimu, lulaka lwakhe luyakumvuselela njengaseSigodzini saseGibeyoni, kutsi ente umsebenti wakhe, yebo, umsebenti wakhe lomangalisako kutsi aphelelisele umsebenti wakhe, yebo, umsebenti wakhe longaketayeleki.

Isaya 38:8

Ngitakwenta sitfunti lesentiwe lilanga siye emuva tinyatselo letilishumi lese sitewuke etitebhisini tekukala sikhatsi ta-Ahazi.’ ” Ngako-ke kukhanya kwelilanga kwafinyela ngetinyatselo letilishumi lebesekutewukile.

Isaya 60:20

Lilanga lakho alisayiwuphindza lishone, nenyanga yakho ayisayiwuphindza ifiphale. Simakadze uyawuba kukhanya kwaphakadze kuwe, emalanga akho ekudzabuka ayawuphela.

Jeremiya 28:1

Ngenyanga yesihlanu kuwo lowo mnyaka, umnyaka wesine, ekucaleni nje kwekubusa kwaSedekiya, inkhosi yakaJuda, umphrofethi Hananiya, umsa wa-Azuri, waseGibeyoni, wakhuluma kimi asendlini yaSimakadze embikwebaphristi kanye nabo bonkhe bantfu, watsi:

Amose 2:9

“Kepha mine ngawabhubhisa ema-Amori embikwenu, nome abemadze njengemisedari acine njengema-okhi. Ngabhubhisa netitselo tawo ngetulu netimphandze tawo ngaphansi.

Amose 8:9

INkhosi Simakadze itsi: “Ngalelo langa ngiyakwenta lilanga lishone emini, ngente umhlaba ube mnyama emini kala bha.

Habakhuki 2:20

“Kodvwa Simakadze usethempelini lakhe lelingcwele. Umhlaba wonkhe awuthule embikwakhe.”

Habakhuki 3:11

Lilanga nenyanga kwema emazulwini ngekumanyatela kwemicibisholo yakho legijimako nangekubaneka kwekumanyatela kwesikhali sakho.

Zakhariya 2:13

“Thulani embikwaSimakadze, nonkhe nine bantfu bemhlaba, ngobe sewuvukile waphuma endzaweni yakhe lengcwele.”

Dutheronomi 17:3

ngekukhonta nangekunikela kulabanye bonkulunkulu, ngekukhotsama kubo, nome elangeni, nome enyangeni, nome etinkhanyetini tesibhakabhaka, lekuyintfo lephambene nemiyalo yami,

Dutheronomi 4:19

Nicaphele ningatikhonti tinkhanyiso lenitibona esibhakabhakeni njengelilanga, nenyanga, netinkhanyeti. Ningacali niwungeke ngekutikhotsamela nikhonte leto tintfo Simakadze Nkulunkulu wenu latabela tonkhe tive ngephansi kwelizulu.

Joshuwa 10:13

Ngako lilanga lema langete lanyakata, nenyanga yema yangete yahamba, sive saze satiphindzisela etitseni taso. Loku kubhaliwe encwadzini yaJashari. Lilanga lema ekhatsi nesibhakabhaka langete lahamba, kwaze kwaphela lilanga linye.

Joshuwa 19:42

neShalbimu, ne-Ayaloni, ne-Jithila,

Joshuwa 21:24

ne-Ayaloni, neGathi Rimoni, akanye nemadlelo awo; kwaba ngemadolobha lamane.

Tikhulu 12:12

Eloni wabe sewuyafa, wangcwatjwa e-Ayaloni, eveni lakaZebuloni.

Tikhulu 5:20

Esibhakabhakeni tinkhanyeti talwa, yebo, tisagijima ngemivila yato, talwa naSisera.

1 Samuweli 12:18

Samuweli wabita Simakadze ngalona lelo langa; Simakadze watfumela kudvuma nemvula. Sonkhe sive sema simangele ngaSimakadze nangaSamuweli.

1 Samuweli 14:31

Ngalelo langa atsi ema-Israyeli nase ehlule emaFilisti labewagwaza, kusukela eMikmashi kuya e-Ayaloni, adzinwa kakhulu.