Joshuwa 1:2 - Siswati 1996 Bible

² “Mosi, inceku yami, ufile. Ngako-ke wena kanye naso sonkhe lesive sema-Israyeli tilungiseleleni kwewela umfula iJordane, niye eveni lengilinika sive sema-Israyeli.

Joshuwa 1:2 Cross References

Genesisi 17:8

Lelive lewusihambi kulo ngiyawulinika wena netitukulwane takho emvakwakho. Lonkhe lelive laseKhenani liyawuba letitukulwane takho, libe lifa lato phakadze naphakadze, mine ngiyawuba nguNkulunkulu wato.”

Nehemiya 9:23

Wandzisa emadvodzana abo aba manyenti, aba ngangetinkhanyeti tesibhakabhaka, wabaletsa eveni lowatjela boyise kutsi babongena kulo balidle.

Jobe 1:8

Simakadze wabuta Sathane, watsi: “Uyibonile yini inceku yami Jobe? Kute namunye umuntfu longamtfola emhlabeni lofanana naye; umsulwa, ucotfo ngenhlitiyo, ungumuntfu lowesaba Nkulunkulu nalokubalekelako lokubi.”

Isaya 42:1

Simakadze utsi: “Nayi-ke inceku yami, lengiyicinisako, lokhetsiwe wami lengijabulako ngaye; ngiyawubeka Moya wami kuye, yena uyawuletsa umtsetfocotfo wami etiveni.

Numeri 12:7

Kodvwa angenti njalo kulenceku yami Mosi. Kuyo yonkhe indlu yami wetsembekile.

Dutheronomi 3:28

Kodvwa yala Joshuwa, umcinise umkhutsate, ngobe nguye lotakuhola lesive asewetele ngesheya kwemfula; nguye futsi lotabenta badle lelive lolibonako.’

Dutheronomi 31:7

Mosi wabe sewubita Joshuwa, wakhuluma kuye embikwaso sonkhe sive sema-Israyeli, watsi: “Cina ume sibindzi, ngobe kufanele uhambe nalesive uye eveni Simakadze lafunga ngalo kubokhokho baso kutsi utasipha lona, kufanele usabele lelive libe lifa laso.

Dutheronomi 34:5

Mosi, inceku yaSimakadze, wafela khona lapho kulakaMowabi, njengobe Simakadze abeshito.

Joshuwa 1:1

Emvakwekufa kwaMosi, inceku yaSimakadze, Simakadze wakhuluma naJoshuwa, umsa waNuni, labengumsiti waMosi, watsi:

Joshuwa 1:11

“Hambani nidzabule ekhatsi nalenkambu, nimemetele esiveni sonkhe, nitsi: ‘Tilungiseleleni kudla kwenu. Emvakwemalanga lamatsatfu kusukela lamuhla nitakwewelela ngesheya kweJordane ningene eveni, live Simakadze Nkulunkulu wenu lanipha lona kutsi libe lenu.’ ”