Jeremiya 9:2 - Siswati 1996 Bible

² Kube mane benginendzawo yekuphumulela tihambi ehlane, lapho bengingashiya khona sive sami, ngisuke kuso, ngobe bonkhe batiphingi, sicumbi sebantfu labangaketsembeki.

Jeremiya 9:2 Cross References

Isaya 59:3

Ngobe tandla tenu tingcoliswe yingati, nemino yenu igcwele emacala. Imilomo yenu ikhulume emanga, netilwimi tenu tihebeta tintfo letimbi.

Jeremiya 12:1

Yebo Simakadze, wena uhlala ungcwele, nangiletsa indzaba embikwakho. Noko ngifuna kukhuluma nawe macondzana nekwehlulela kwakho. Kwentiwa yini kutsi indlela yalomubi iphumelele? Kwentiwa yini kutsi labangaketsembeki bahlale kahle bakhululekile?

Jeremiya 12:6

Bomnakenu nemndeni wakenu nabo futsi bakutsengisile, baphakamisa sililo lesikhulu kakhulu ngekutsi abakufuni. Ungabetsembi nome bakhuluma kahle kuwe.”

Jeremiya 13:22

Nawutibuta utsi: “Loku kwentekeleni kimi?” phela kungenca yetono takho letinyenti, lokutsi tidvwaba takho tidzatjulwe, nemtimba wakho uphatseke kabi.

Jeremiya 23:10

Live ligcwele tiphingi; ngenca yesicalekiso live ligagadzekile, nemadlelo asehlane asahangukile. Baphrofethi balandzela bubi, basebentise ligunya labo ngalokungekho emtsetfweni.

Jeremiya 4:22

“Bantfu bami batilima, abangati. Babantfwana labangenangcondvo, abanako nekucondza. Babochwephesha ekwenteni lokubi, abakwati kwenta lokuhle.”

Jeremiya 5:1

“Yehlani nenyuka etitaladini taseJerusalema, calatani ndzawo tonkhe nicabange kahle, phenyisisani tonkhe tinkhundla tayo. Naningakhandza nome munye nje umuntfu lowenta tintfo ngekwetsembeka, afune liciniso, ngitalitsetselela lelidolobha.

Jeremiya 5:11

Indlu yaka-Israyeli nendlu yakaJuda betingaketsembeki nakancane nje kimi,” kusho Simakadze.

Jeremiya 5:2

Nome bakhuluma batsi: ‘Ngifunga kuphila kwaSimakadze,’ noko basafunga emanga.”

Hoseya 4:2

Lokukhona ticalekiso kuphela, nekucala emanga, nekugwazana, nekweba kanye nebuphingi; bephula tonkhe tikhonkhwane teminyele letibekiwe; kucitsa ingati kulandzela kucitfwa kwengati.

Hoseya 5:7

Abaketsembeki kuSimakadze; batala emavezandlebe. Manje emadzili abo ekwetfwasa kwenyanga atawubamita bona kanye nemasimi abo.”

Hoseya 6:7

Njenga-Adamu, sebasephulile sivumelwane, abaketsembeki kimi.

Hoseya 7:4

Bonkhe batiphingi, bashisa njengelihhavu lona lelimlilo walo lophekako akadzingi kuwukhwetela, kusukela ekubhuceni inhlama ize ikhukhumuke.

Mikha 6:12

“Bantfu bakini labatinjinga baphanga laba labamphofu, nani nonkhe ningulabacalemanga nalabakhohlisanako.

Zefaniya 3:4

Baphrofethi balo bayatigcabha; bangemadvodza labotulujane. Baphristi balo bahlazisa indzawo lengcwele, bephule umtsetfo waNkulunkulu.

Malakhi 2:11

Juda abengaketsembeki. Intfo lesinengiso seyentiwe ka-Israyeli naseJerusalema: Juda sewungcolise indzawo lengcwele letsandvwa nguSimakadze, emadvodza akaJuda ateka bafati labakhonta sithico sebetive.

Malakhi 2:14

Niyabuta nitsi: “Leni?” Kungobe Simakadze abengufakazi emkhatsini wakho nemfati webusha bakho, ngobe awuketsembeki kuye, nome yena usengumkakho, umfati wesivumelwane semshado.

YaJakobe 4:4

Aniketsembeki, ninjengetiphingi. Anati yini kutsi kutsandzana nelive kubutsa kuNkulunkulu? Lofisa kuba ngumngani welive, utenta sitsa kuNkulunkulu.

Tikhulu 2:10

Kwatsi kube sonkhe leso situkulwane sife siphele, kwavela lesinye situkulwane saka-Israyeli lesasingazange simati Simakadze singatani nangetintfo lake watentela sive saka-Israyeli.