Jeremiya 8:9 - Siswati 1996 Bible

⁹ Labahlakaniphile bayawuhlazeka; bayawujabhiswa, babhajwe elugibeni. Njengobe balilahlile livi laSimakadze nje, banakuphi-ke kuhlakanipha?

Jeremiya 8:9 Cross References

2 Emakhosi 17:15

Batala timiso takhe nesivumelwane sakhe labesente naboyisemkhulu, kanye neteluleko labebeluleke ngato. Balandzela tithico letingenamsebenti walutfo, nabo bagcina sebangenamsebenti walutfo. Basuke balingisa letive letatakhelene nabo, kantsi Simakadze abebayalile watsi: “Ningabalingisi.” Benta kona kanye loko Simakadze labetsite bangabokwenta.

Jobe 5:12

Ucitsa emacebo emacili, kuze labakwenta ngetandla tabo kungaphumeleli.

Jobe 5:13

Ubamba labahlakaniphile kuwo onkhe emacebo abo, nemachinga alabangemacili uwaphambanisa onkhe.

Tihlabelelo 19:7

Imfundziso yaSimakadze iphelele, ihlumelelisa umphefumulo; bufakazi baSimakadze buliciniso, buyabahlakaniphisa labate lwati.

Isaya 19:11

Tiphatsimandla taseSowani atisilo lutfo, kuphela nje, titibhungayeti; beluleki labahlakaniphile bakaFaro beluleka ngeteluleko letingenangcondvo. Ungasho kanjani kuFaro utsi: “Ngingulomunye walabahlakaniphile, intalo yemakhosi akadzeni”?

Isaya 29:14

Ngako-ke ngisetawuphindze ngibamangalise labantfu ngetigigaba etikwetigigaba. Inhlakanipho yetihlakaniphi tabo itawuphela, kukhalipha kwemcondvo kwalabanengcondvo lekhaliphile kutawuphela.”

Isaya 43:27

Uyihlomkhulu wekucala wenta sono; nalabo lababengumlomo wakho bangivukela.

Isaya 8:20

Buyelani kuwo umtsetfo waNkulunkulu nasebufakazini bakhe! Nabangakhulumi njengekwalelivi, abayiwuba nako kukhanya kwekusa.

Jeremiya 15:6

Simakadze utsi: “Ungilahlile mine. Ulibele kuchubeka nekuhlubuka. Ngako ngitawubeka tandla tami etikwakho, ngikubhubhise, ngingeke ngisaba nesihe kuwe.

Jeremiya 19:7

“ ‘Emacebo akaJuda ngiyakuwahhihlitela kulendzawo kanye newaseJerusalema. Ngiyawubenta bawe ngenkemba embikwetitsa tabo, ngetandla talabo labatfungatsana netimphilo tabo, ngiyawunika tidvumbu tabo tibe kudla kwetinyoni tasemoyeni kanye nekwetilwane tesiganga.

Jeremiya 2:8

Baphristi abazange babute, batsi: ‘Uphi Simakadze?’ Labo labafundzisa ngemtsetfo abazange bangati, nebaholi bangivukela. Baphrofethi baphrofetha ngaBhali, balandzela tithico letingenamsebenti.”

Jeremiya 49:7

Macondzana ne-Edomu: Naku lokushiwo nguSimakadze longuSomandla, utsi: “Sekwabate yini kuhlakanipha eThemani? Setaphela yini teluleko kulabahlakaniphile? Kuhlakanipha kwabo sekwabola yini?

Jeremiya 6:15

Kantsi banawo yini emahloni ngemanyala abo labawentako? Cha, bate nalamancane nje emahloni, abakwati ngisho nekukhophota. Ngako batakuwela kulabawile, bayawukwehliselwa phansi nangibajezisa,” kusho Simakadze.

Jeremiya 6:19

Awu mhlaba, vani! Ngitakwehlisela inhlekelele kulesive, sitselo semacebo abo, ngobe abakawalaleli emavi ami, bawala nemtsetfo wami.

Hezekeli 7:26

Kuyawufika sigemegeme etikwesigemegeme, nemahemuhemu etikwemahemuhemu. Bayakwetama kutfola sembulo kumphrofethi; kulahleke nemfundziso yemtsetfo kumphristi, kuphele neteluleko talabadzala.

Amose 2:4

Naku lokushiwo nguSimakadze, utsi: “Bantfu bakaJuda bone kwaze kwengca, ngaleso sizatfu ngingeke ngihlale ngingabajezisi. Bawulahlile umtsetfo waSimakadze, bangete batigcina timiso takhe, bedukiswe tithico, lekutithico letatikhontwa boyisemkhulu.

Zakhariya 13:4

“Ngalelo langa ngulowo nalowo mphrofethi uyawuba nemahloni ngembono wakhe. Angeke aphindze ayembatse ingubo yeboya yebuphrofethi kuze atekukhohlisa.

Dutheronomi 4:6

Ngako yigcineni niyicaphelisise, ngobe loko kuyawuba kuhlakanipha nekucondza kwenu emehlweni aleto tive letiyakuva ngayo yonkhe lemiyalo, bese titsi: ‘Impela lesive lesikhulu sisive lesihlakaniphile nalesinekucondza.’

2 kuThimothi 3:15

nekutsi kusukela ebuntfwaneni bakho wayati imiBhalo lengcwele lenemandla ekuhlakaniphisa kube kusindziswa ngekukholwa nguKhristu Jesu.