Jeremiya 8:4 - Siswati 1996 Bible

⁴ “Khuluma kubo utsi: ‘Naku lokushiwo nguSimakadze, utsi: “ ‘Bantfu nabawa, bayaye bangabe basavuka yini? Umuntfu nakahlubuka, uyaye angabe asabuya yini?

Jeremiya 8:4 Cross References

1 Emakhosi 8:38

nase kwentiwa umthandazo nome kuncenga kwentiwe ngunome ngubani wakulesive sakho, ema-Israyeli, nguloyo atibonela sishayo enhlitiyweni yakhe, aphakamise tandla takhe atibhekise kulelithempeli,

Taga 24:16

ngobe nome lolungile angawa emahlandla lasikhombisa, noko uyawuvuka; kodvwa lababi bayawubhubha.

Isaya 44:22

Tikhubekiso takho ngitishanyele njengelifu. netono takho njengenkhungu yasekuseni. Buyela kimi, ngobe sengikuhlengile.”

Isaya 55:7

Lomubi akayiyekele indlela yakhe lembi, nalokhohlakele ayekele imicabango yakhe lemibi. Akaphendvuke abuyele kuSimakadze, uyawuba nemusa kuye, akabuyele kuNkulunkulu wetfu, ngobe uyawumtsetselela ngenkhululeko.

Jeremiya 23:14

Emkhatsini webaphrofethi baseJerusalema ngabona intfo leyesabekako: Benta buphingi, baphile imphilo lengemanga. Bacinisa tandla talabenta lokubi, kuze kutsi kubete ngisho namunye lophendvukako ebubini bakhe. Bonkhe bafanana neSodoma kimi, bantfu baseJerusalema bafanana neGomora.”

Jeremiya 3:1

“Nangabe indvodza ilahla umkayo, bese lomfati wendza kulenye indvodza, lendvodza ingabuyela yini kulomfati? Utsi kepha lelive lingete langcola lonkhe? Kodvwa utiphatsise kwengwababane ngekuphinga nemadvodza lamanyenti; manje sewungabuyela njani kimi?” kusho Simakadze.

Jeremiya 3:22

“Ncandzekani sive lesingaketsembeki, ngiyawunelapha kulokuhlubuka kwenu.” “Yebo, siyakuta kuwe, ngobe wena unguSimakadze Nkulunkulu wetfu.

Jeremiya 36:3

Mhlawumbe bantfu bakaJuda nabeva ngato tonkhe letigameko lengase ngitimisele kubashaya ngato, ngulowo nalowo kubo uyawuphendvuka endleleni yakhe lembi, ngako-ke ngiyawube sengiyabatsetselela ebubini babo nasetonweni tabo.”

Jeremiya 4:1

“Awu, Israyeli, nawungamane uphendvuke nje, ubuye kimi,” kusho Simakadze. “Nawungesusa letithico takho letitinengiso, lapha embikwami, ungabe usanhlanhlatseka,

Hezekeli 18:23

Ngiyajabula yini mine ngekufa kwalomubi? Kunaloko angijabuli kakhulu yini nakaphendvuka etindleleni takhe aphile? Kusho iNkhosi Simakadze.

Hoseya 14:1

Awu, ma-Israyeli, buyani, nibuyele kuSimakadze Nkulunkulu wenu. Tono tenu ngito letiniwisile.

Hoseya 6:1

“Wotani, asibuyele kuSimakadze. Sewusidzabule saba ticucu, kodvwa uyawusiphilisa; usilimatile, kodvwa uyakuwabopha emanceba etfu.

Hoseya 7:10

Kutigcabha kwa-Israyeli kubufakazi lobumelene naye, kodvwa etikwako konkhe loko akabuyeli kuSimakadze Nkulunkulu wakhe, nome-ke amfune.

Amose 5:2

“Iwile iNtfombi yaka-Israyeli, ingeke iphindze ivuke futsi, ayinakwa ngumuntfu eveni layo, kantsi futsi kute longayivusa ime.”

Mikha 7:8

Titsa tetfu kute letingasicoloshela ngako. Nome sesiwile, sitawuvuka futsi. Nome sesisebumnyameni kwanyalo, kodvwa Simakadze utawuba kukhanya kwetfu.