Jeremiya 8:10 - Siswati 1996 Bible

¹⁰ Ngako-ke bafati babo ngibanikela kulamanye emadvodza, nemasimi abo ngiwanike labanye bantfu, kutsi abe ngewabo. Kusukela kulomncane kakhulu kuye kulomkhulu kakhulu, bonkhe babogubhela kwesabo. Baphrofethi nebaphristi bayafanana, bonkhe bayayengana.

Jeremiya 8:10 Cross References

Jobe 31:10

nakunjalo-ke, umfati wami akahambe ayewusilela lenye indvodza, alale nalamanye emadvodza.

Isaya 28:7

Nabo labo bayayendza ngenca yeliwayini, babhadzatele ngenca yetjwala, baphristi nebaphrofethi bayayendza ngenca yetjwala, basangene ingcondvo ngenca yeliwayini, badzayiteliswa tjwala, bayayendza nababona imibono, bayakhubatela nabakhipha tincumo.

Isaya 57:17

Bengitfukutseliswe ngulesono sakhe sekuba bukhali, ngase ngiyamjezisa, ngabufihla buso bami ngenca yekutfukutsela, noko wachubeka nekuhlubuka kwenhlitiyo yakhe, ahamba ngendlela yakhe.

Jeremiya 14:14

Simakadze wakhuluma kimi, watsi: “Baphrofethi baphrofetha emanga ngelibito lami. Angikabatfumi, futsi angikabatjeli, kantsi futsi angikakhulumi kubo. Baphrofetha kini imibono lengemanga, babhule, bakhonte tithico, bashumayele nenkhohliso yetingcondvo tabo.

Jeremiya 14:18

Nangingena eveni, ngibona labo lababulewe ngenkemba; nangingena edolobheni, ngibona umonakalo lobangwe yindlala. Umphrofethi nemphristi bahambe kanyekanye, baya eveni labangalati.’ ”

Jeremiya 17:11

Njengentsendzele lechobosele emacandza lengakawataleli, unjalo umuntfu lotfola bunjinga ngetindlela letingakalungi. Kuyawutsi nakasekhatsi nekhatsi nemphilo yakhe bumhlamuke, ekugcineni abonakale asasilima.

Jeremiya 22:17

“Kodvwa emehlo akho nenhlitiyo yakho uwabeke enzuzweni lembi, ekucitseni ingati yalongenacala, yebo, nasencindzetelweni nasekudizeni.”

Jeremiya 32:32

Bantfu baka-Israyeli nebakaJuda bangicunula ngabo bonkhe bubi lababentile: bona kanye nemakhosi abo, netindvuna tabo, nebaphristi babo, nebaphrofethi babo, nemadvodza akaJuda kanye nabo bonkhe baseJerusalema.

Jeremiya 38:22

Onkhe lamakhosikati lasele esigodlweni senkhosi yakaJuda, atawukhishwa ayiswe kuto tiphatsimandla tenkhosi yaseBhabhulona. Lamakhosikati ayawukhuluma kuwe, atsi: “ ‘Bakwedukisa baze bakwehlula, labo bangani bakho lobetsembako. Tinyawo takho titike ekhatsi eludzakeni; bangani bakho bakulahlile.’

Jeremiya 42:1

Kwatsi bonkhe baholi bemabutfo kanye naJohanani, umsa waKhareya, na-Azariya, umsa waHoshaya, beta nebantfu bato tonkhe tigaba,

Jeremiya 5:31

Baphrofethi baphrofetha emanga, baphristi baphetse ngeligunya labo, nebantfu bami bakutsandza ngaleyo ndlela. Kodvwa nitakwenta njani ekupheleni?”

Sililo 4:13

Kodvwa kwenteka ngenca yetono tebaphrofethi bayo, nangetiphambuko tebaphristi bayo, labacitsa ingati yalabamsulwa ekhatsi kuyo.

Hezekeli 33:31

Bantfu bami beta kuwe, njengobe bavame kwenta, bahlale embikwakho balalele emavi akho, kodvwa abawenti. Ngemilomo yabo bakhuluma kutsi batinikele, kodvwa tinhlitiyo tabo tibukhali, tifuna inzuzo lembi.

Amose 5:11

Nigcobagcoba labamphofu nibacindzetele kutsi baninike kudla. Ngako-ke, nome nakhe tindlu letinkhulu tematje, ningeke nihlale kuto; nome nihlanyele tivini letikhulu, ningeke nilinatse liwayini lato.

Mikha 2:4

Mhlazana kufika leso sikhatsi, tive tiyawubekiselana ngalendzaba yenu yesehlakalo, tiyawuhlabela ingoma ngelusizi lwesehlakalo lesiyawube sinehlele, titsi: ‘Sibhujisiwe sacedvwa, Simakadze ulitsetse live letfu, walinika labo labasitfumbile.’ ”

Mikha 3:11

Babusi balamadolobha bawabusa ngekudizelwa, kanjalo nebaphristi bayatsengwa kuze bachaze bahumushe nemtsetfo, nebaphrofethi imibono netembulo tabo batichaza ngekudizelwa; noko basajinge bachoshe ngekutsi Simakadze unabo, batsi: “Kute lokutasehlela, ngobe Simakadze unatsi.”

Mikha 3:5

Sive sami sedukiswa baphrofethi labetsembisa kuthula kulabo lababapha imali, kantsi labo labangabadizeli babetsembisa babasongele ngemphi. Kulabo baphrofethi Simakadze utsi:

Habakhuki 1:6

Ngobe bukani-ke, ngivusa baseBhabhulona, leso sive lesingenamusa, nalesiphulukundlelako, lesidzabula wonkhe umhlaba sitewuphanga tindzawo tekuhlala letingasito taso.

Zefaniya 1:13

Ingcebo yabo iyawuphangwa, netindlu tabo tibhidlitwe. Bayawukwakha tindlu, kodvwa bangahlali kuto; bayawuhlanyela tivini, kodvwa bangalinatsi liwayini lato.”

kuThithusi 1:11

Labo bafanele kubindziswa, ngobe bacitsa emakhaya ngekufundzisa timfundziso letingakafaneli, bentele kutfola ingcebo ngebubi.

kuThithusi 1:7

Umholi, njengobe asisebenti saNkulunkulu, kufanele angasoleki, angatigcabhi, abete lulaka, angabi sidzakwa, abete luchweba, futsi angahaleli inzuzo ngebubi.