Jeremiya 7:12 - Siswati 1996 Bible

¹² “ ‘Hambani nyalo niye endzaweni leseShilo, lapho ngacala khona kwenta indzawo yekubeka Libito lami, nibone kutsi ngentani kuyo ngenca yebubi besive sami, ema-Israyeli.

Jeremiya 7:12 Cross References

1 Emakhosi 9:7

Israyeli ngiyakumsusa eveni lengimnike lona, ngililahle nalelithempeli lengilingcwelisele Libito lami. Israyeli sewuyawuba siga nentfo yekuphukutwa, abe yinhlekisa kuto tonkhe tive.

Jeremiya 26:6

lendlu-ke ngitabe sengiyenta ifanane neShilo, nalelidolobha seliyawuba yintfo yekucalekisa emkhatsini wato tonkhe tive temhlaba.’ ”

Jeremiya 7:14

Ngako-ke loko lengakwenta eShilo, ngisetakwenta nanyalo kulendlu lebitwa ngeLibito lami, lelithempeli lenetsembele kulo, nendzawo lengayipha nine kanye naboyihlomkhulu.

Dutheronomi 12:11

Kuleyo ndzawo-ke Simakadze Nkulunkulu wenu layakuyikhetsa ibe yakhe, niyawuletsa khona konkhe lenginiyale ngako: iminikelo yenu yekushiswa, nemihlatjelo yenu, nekwelishumi kwenu, netipho tenu letimcoka kanye nayo yonkhe iminikelo yenu yelikhetselo lenanetsembisa ngayo kuSimakadze.

Dutheronomi 12:5

Kodvwa nine niyawufunisisa indzawo leyawukhetfwa nguSimakadze Nkulunkulu wenu leyawubasemkhatsini wato tonkhe tive tenu, lapho ayawubeka khona Libito lakhe, ahlale khona. Ngukuleyo ndzawo-ke lapho niyakuya khona,

Joshuwa 18:1

Sonkhe sive sema-Israyeli sahlangana ndzawonye eShilo semisa lithende lekuhlangana khona lapho. Ema-Israyeli abesalincobile lonkhe live,

Joshuwa 18:10

Joshuwa wabe sewuwentela inkatho eShilo embikwaSimakadze, lelive wabe sewulabela ema-Israyeli ngekwetive tawo.

Tikhulu 18:31

Bachubeka kusebentisa lesithico lesasentiwe nguMikha ngaso sonkhe leso sikhatsi indlu yaNkulunkulu iseseShilo.

1 Samuweli 1:3

Yonkhe iminyaka lendvodza yayisuka edolobheni layo yenyuke iyewukhonta inikele ngemihlatjelo kuSimakadze longuSomandla eShilo, lapho boHofni naFinehasi, emadvodzana a-Eli, babebaphristi baSimakadze khona.

1 Samuweli 4:22

Watsi: “Inkhatimulo isukile ka-Israyeli, ngobe libhokisi lesivumelwane saNkulunkulu litfunjiwe.”