Jeremiya 6:4 - Siswati 1996 Bible

⁴ Batsi: “Tilungiseleleni imphi yekubhekana nayo! Sukumani nihlasele kusesemini! Kodvwa bukani, kukhanya kwelilanga sekuyafiphala, nematfunti akusihlwa semadze.

Jeremiya 6:4 Cross References

Jobe 7:2

Njengesigcili silangatelela ematfunti asentsambama, nanjengemuntfu locashiwe lolindzela ngekulangatelela umholo wakhe,

Ingoma Yetingoma 2:17

Kuze kudzabuke kusa, kubaleke titfunti, buya, wena longitsandzako, bani njengemphala nanjengemgankla losemncane nawusemagcumeni langemahhelekehle.

Jeremiya 15:8

Ngiyakwenta bafelokati babo babe banyenti kwendlula sihlabatsi saselwandle. Emini ngiyawuletsa umbhubhisi loyawucondzana nabonina bemajaha, ngekushesha ngibehlisele buhlungu nekutfutfumela.

Jeremiya 15:9

Unina webantfwana labasikhombisa uyawucaleka, aphefumule kwekugcina. Lilanga liyawumshonela emini, uyawutseleka ngelihlazo, adliwe ngemahloni. Ngiyawubulala insali yesive sami ngenkemba embikwetitsa tayo,” kusho Simakadze.

Jeremiya 5:10

“Dzabula tivini taso utone, kodvwa ungatibhubhisi tiphele titsi nya. Waphundle emagala ato, ngobe labantfu abasibo baSimakadze.

Jeremiya 6:23

Bahlome ngebutjoki nangesikhali; banelulaka, abanamusa. Bevakala njengelwandle loludvumako, nabagijima ngemahhashi abo; beta njengebantfu labavivele imphi, batewuhlasela wena, awu, Ndvodzakati yaseSiyoni.”

Jeremiya 8:20

“Kuvuna sekwendlulile, lihlobo seliphelile, kodvwa tsine asikasindziswa.”

Joweli 3:9

“Memetelani naku etiveni: “ ‘Tilungiseleleni imphi! Vusani emabutfo! Emasotja akasondzele atewuhlasela.

Obadiya 1:1

Umbono wa-Obadiya: Loku ngulokwakhulunywa yiNkhosi Simakadze ngesive saka-Edomu: Sivile livi leliphuma kuSimakadze. Utfumele lincusa lakhe etiveni, watsi: “Sukumani, sambe siyekulwa na-Edomu.”

Mikha 3:5

Sive sami sedukiswa baphrofethi labetsembisa kuthula kulabo lababapha imali, kantsi labo labangabadizeli babetsembisa babasongele ngemphi. Kulabo baphrofethi Simakadze utsi:

Zefaniya 2:4

IGaza iyawushiywa yodvwa, ne-Ashkeloni iyawusala itindzala. Emini i-Ashdodi iyawucitfwa, kutsi i-Ekroni isishulwe.